Коомдук тейлөө борборунун кызматкерлери. Архив

Кыргызстандагы чет элдиктер азырынча каттоо мөөнөтүн узартпай жүрө берсе болот

112
(жаңыланган 17:32 07.07.2020)
Чет өлкөлүк жарандар Кыргызстанда өзгөчө кырдаал режими алынгандан кийин 10 күндүн ичинде келип узартып кетсе болот.

БИШКЕК, 7-июл. — Sputnik. Кыргызстанда жүргөн чет элдиктер жана жарандыгы жоктор азырынча каттоонун мөөнөтүн узартууга зарылчылык жок. Бул тууралуу Мамлекеттик каттоо кызматы билдирди.

Аталган мекеме ушул маселе боюнча сall-борборго кайрылгандар көп болуп жатканын белгилейт. Мындан улам чет өлкөлүк жарандар КРде өзгөчө кырдаал режими алынгандан кийин 10 күндүн ичинде келип узартып кетсе болорун эскертти.

"Азыркы учурда республикада өзгөчө кырдаал режими алына элек, буга байланыштуу чет элдиктер жана жарандыгы жоктор Калкты тейлөө борборуна кайрылып убара болбошун эскертебиз. ӨК режими алынгандан кийин келип каттоого туруунун мөөнөтүн узартып кетсеңиздер болот", — деп айтылат маалыматта.

"Унаа" ишканасынын аймактагы бөлүмдөрү карантинге жабылды

Кыргызстан өзгөчө кырдаалдан качан чыгары азырынча белгисиз. Өлкөнүн түндүгүндө эпидемиологиялык абал жакшыра элек.

112
Белгилер:
өзгөчө кырдаал, узартуу, чет элдиктер, каттоо, Кыргызстан
Тема боюнча
Мөөнөтү бүткөн паспорттун жарактуулугун узартуу КРде жашагандарга тиешелүү эмес
Дем алышта калкты тейлеген эки борбор иштебейт. Алар кайсылар?
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

68
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

68
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео