Абитуриент перед началом общереспубликанского тестирования в Бишкеке в условиях пандемии COVID-19

Абитуриент ЖОЖго кантип онлайн тапшырат? 7 суроого жооп

1088
(жаңыланган 11:49 13.07.2020)
Бүтүрүүчүлөр быйыл жогорку жана кесиптик орто окуу жайларга онлайн түрүндө гана тапшырмай болду. Бул үчүн министрлик атайын "Абитуриент Online" деп аталган автоматташтырылган маалыматтык система иштеп чыкты.

Автоматташтырылган системага бүтүрүүчү кантип кирип, окууга кантип тапшырат? Окууга тапшыруу качан башталат, кандай документтер зарыл? Үйүндө интернети жоктор кайда барып тапшыра алат? Ушул жана башка Sputnik Кыргызстан агенттигинин суроолоруна Билим берүү жана илим министрлигинен жооп беришти.

Кесиптик орто окуу жайларга онлайн тапшыруунун жол-жобосу айтылды

Министрлик гранттык (бюджет) жана келишимдик (контракт) негизде окуу үчүн сынактарга негизги тести босого баллдан жогору болгон абитуриенттер гана катыша аларын эскертти. Босого баллдын канча экендиги кийинки аптада маалым болот.

Онлайн окууга тапшыруу качан башталат?

Окуу жайларга кабыл алуунун 1-туру 20-июлда башталып, 22-июлда саат 14:00дө аяктайт. 23-июль күнү саат 10:00гө чейин онлайн системада кабыл алууга сунушталган абитуриенттердин тизмеси илинет. Башкача айтканда, окууга өткөн студенттердин тизмеси сайтка жарыяланат. Мындан тышкары, ар бир бүтүрүүчү өз аккаунту аркылуу да окууга өткөн-өтпөгөнүн билип турат. ЖРТдан алган баллы жетип, сынактан өткөн бүтүрүүчү үч күндүн ичинде, тагыраагы, 25-июль күнү саат 17:00гө чейин аталган адистик боюнча окуй тургандыгын тастыкташы керек. Эгерде көрсөтүлгөн мөөнөткө чейин тастыктабаса, анын орду бош деп эсептелип, кийинки турга калып калат. Окуу жайда бош орундар калган учурда 2-тур — 27-июлдан 1-августка чейин, ал эми 3-тур министрликтин атайын уруксаты менен 3-августтан 8-августка чейин өткөрүлөт.

Онлайн тапшыруунун электрондук дареги?

Жогорку окуу жайга тапшырам деген абитуриент 2020.edu.gov.kg сайтына кирет.

Окууга кантип тапшырат?

Бүтүрүүчү алгач "катталуу" деген бөлүмгө кирип, профилдеги керектүү маалыматтарды толтурат. Андан кийин абитуриенттин телефон номерине логин жана пароль жазылган кат келет. Андыктан бүтүрүүчү телефон номерин так көрсөтүшү абзел.

Билим берүү министрлиги 1-сентябрга кандай даярдык менен барарын айтты

Ал логин жана пароль менен бүтүрүүчү автоматташтырылган системага катталып, окуу жайын жана адистикти тандайт. Андан соң ЖРТнын электрондук талонун тиркөө зарыл. Соңунда тандалган адистик боюнча окуу тууралуу чечимин тастыктоосу кажет.

Окууга онлайн тапшырууда кайсы документтерди даярдап алуу керек?

Автоматташтырылган маалыматтык системага тиркеле турчу документтер:

  • паспорт же туулгандыгы тууралуу күбөлүк;
  • орто жалпы билими жөнүндө аттестат же орто кесиптик билими жөнүндө диплом;
  • ЖРТнын сертификатынын алдыңкы бети.

Ал эми аталган документтердин түп нускаларын жогорку окуу жайга окуу жылдын башында берүү керек.

Окутуунун сырттан же кечки формасында кабыл алуу кандай тартипте өтөт?

Окутуунун сырттан жана кечки формасына кабыл алуунун мөөнөттөрүн ар бир окуу жай өз алдынча белгилейт.

Интернети жоктор окууга онлайн кантип тапшырат?

Эгерде үйүндө окууга онлайн тапшырууга шарты жоктор болсо, билим алган мектебине барып, керектүү суроолоруна жооп алып онлайн окууга мектептен тапшырып катталса болот. Ар бир мектепте интернет менен камсыз болгон окуу бөлмөлөрү бар. 

АКШ айрым чет элдик студенттерге онлайн окууга тыюу салды. Себеби

Эгерде окуу жайларга тапшырууда маселе жаралып, суроолор пайда болсо 1919 кыска номерине байланышка чыга алышат.

Онлайн окууга тапшырууда кимдерге жеңилдик каралган?

Келишимдик негизде окутуу үчүн сынакта абитуриенттердин категориялары эске алынбайт. Бул учурда ЖРТнын упайы гана маанилүү. Ал эми гранттык (бюджет) негизде окугандарга жеңилдиктер каралган. Алар:

  • 1-2-топтогу майыптар;
  • жеңилдиктер жана кепилдиктер боюнча согуштун катышуучуларына жана согуштун майыптарына теңдештирилген жарандар;
  • бала кезинен майыптар;
  • майып, жетим балдар жана ата-энесинин камкордугусуз калган балдар;
  • 2002-жылдын 17-18-мартындагы Жалал-Абад облусунун Аксы районундагы окуяларда курман болгон жарандардын балдары;
  • 2010-жылдагы апрель-июнь окуяларында курман болгон жарандардын балдары;
  • кайрылман статусуна ээ болгон жарандар.

Жеңилдикке ээ болгон абитуриенттер катталуу учурунда тастыктоочу документтерин электрондук форматта дароо тиркеши керек.

1088
Белгилер:
сайт, система, онлайн, жай, окуу, бүтүрүүчү, билим берүү
Аэропорттогу жүргүнчүлөр. Архивдик сүрөт

Россияга барыш үчүн кыргызстандыктар ПЦР-тесттин жыйынтыгын көрсөтүшү керек

98
(жаңыланган 22:55 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. Россияга барууну каалаган кыргызстандыктар коронавируска тапшырган тести терс жыйынтык көрсөткөнү тууралуу маалым катын көрсөтүшү керек. Бул тууралуу КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан 21-сентябрдан тарта  аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Ал эми тестти жүргүнчү Россиянын аймагына киргенге чейинки үч күндүн аралыгында тапшырышы зарыл.

98
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты
Бишкектин Жал микрорайонуна асмандан көрүнүш. Архивдик сүрөт

Дүйшөмбүгө карата аба ырайы

39
Синоптиктер 21-сентябрда жаан-чачын болбой турганын маалымдашты. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 20-сен. — Sputnik. Дүйшөмбү күнү, 21-сентябрда, күндүз республика боюнча күн ачык болот. Бул тууралуу Кыргызгидромет билдирди.

Күн сууктайбы? Бир жумага карата аба ырайы

Абанын температурасы Чүй өрөөнүндө +22...+27, Таласта +20…+25, Ош, Жалал-Абад, Баткен облустарында +24...+29, Ысык-Көлдө +16...+21 жана Нарын жергесинде +17...+22 градус жылыйт.

Күндүн табы борборубузда +24...+26, Ошто +25...+27 градуска көтөрүлөт.

39
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы