Стационарда иштеген медиктер. Архивдик сүрөт

Бишкекте COVID, пневмонияга кабылгандар үчүн кошумча орун уюштурулду. Дареги

164
(жаңыланган 17:14 08.07.2020)
Бишкектеги күндүзгү стационарлар коомдук тамактануу жайларында жана башка мекемелерде ачылып жатканы айтылды.

БИШКЕК, 8-июл. — Sputnik. Бишкекте коронавирус жана пневмония менен ооругандар үчүн кошумча орундар уюштурулду. Бул тууралуу брифингде шаар мэри Азиз Суракматов билдирди.

Оору кенен жайылып кеткенине байланыштуу өкмөт мэрияга тапшырма берген. Күндүзгү стационарлар коомдук тамактануу жайларда жана башка мекемелерде ачылууда.

Суракматов: пневмонияга чалдыккандар көбөйүп, шаардыктарга коркунуч жаратууда

Стационарлардын даректери:

  • “Континенталь” мейманканасы, 225 орунга ылайыкташкан, дареги: Интергельпо 1;
  • Каниметов атындагы №1 интернат, 120 орунга ылайыкташкан, дареги: Жибек Жолу проспектиси, 625;
  • Көрүүсү начар жана азиз балдардын мектеп-интернаты, 80 орунга ылайыкташкан, дареги: Кулатов, 37;
  • "Discovery" мейманканасы, 48 орунга ылайыкташкан, дареги: Оренбург туюк көчөсү, 31;
  • Доктор Назаралиевдин медициналык борбору (Бишкектин четиндеги Беш-Күңгөй айылы), 60 орунга ылайыкташкан;
  • Кыргыз мамлекеттик медициналык академиясы – 300 орун;
  • Ынтымак конушундагы “Дордой” ассоциациясы курган медресенин имараты, 150 орунга ылайыкташкан.

Мэр күндүзгү стационарлар саат 8:00дөн 20:00гө чейин иштеп жатканын, ал жактан дарыгерлерден кеңеш алып, тамчылатма жана башка уколдорду алууга болорун эскертет. 

Элге акысыз кеңеш берген психологдордун борбору түзүлдү. Телефон номерлери

Пандемия башталгандан бери Кыргызстанда коронавирус жуктургандардын жалпы саны 8 486га жетти. Андан 2983 адам сакайып чыкса, 112 жаран каза тапкан.

Мындан сырткары, пневмония дартына чалдыгып, ооруканага кайрылгандардын саны өсүүдө. Март айынан бери бул илдеттен 286 адам көз жумду.

Өлкөдө коронавирус жана пневмония боюнча абал июнь айынын орто ченинен тарта кескин оорлошо баштаган.

Коронавируска байланышкан соңку жана маанилүү жаңылыктарды биздин Telegram-каналдан окуңуздар.

164
Белгилер:
стационар, коронавирус, Азиз Суракматов, мэр, Бишкек
Тема:
Коронавируска байланыштуу Кыргызстандагы кырдаал (2318)
Тема боюнча
Бир күндө пневмониядан 44 адам каза болуп, жалпы саны 268ге жетти
Суракматов: пневмонияга чалдыккандар көбөйүп, шаардыктарга коркунуч жаратууда
Бишкекте пневмония менен ооруган бейтаптар үчүн мектептерде 270 орун даярдалды
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

95
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

95
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

81
(жаңыланган 15:24 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Новый директор национальной киностудии Кыргызфильм имени Т. Океева Акжолтой Бекболотов
© Фото / пресс-служба МКИТ КР
Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

81
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды
Тышкы иштер министри Руслан Казакбаев. Архив

Руслан Казакбаев Москвада ЖККУнун башкы катчысы менен жолукту

12
(жаңыланган 20:42 22.10.2020)
Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Бүгүн Москва шаарында Кыргызстандын тышкы иштер министри Руслан Казакбаев Жамааттык коопсуздук жана кызматташуу уюмунун (ЖККУ) башкы катчысы Станислав Зась менен жолугушту. Бул тууралуу өлкөнүн РФтеги элчилигинен билдиришти.

Алар регионго, ошондой эле дүйнөгө терс таасир этип жаткан маселелер боюнча пикир алышып, ЖККУнун алкагындагы кызматташтыктын артыкчылыктуу багыттарын талкуулашты.

Казакбаев Кыргызстандагы ички саясий абалдын турукташканы тууралуу кыскача маалымат берип, учурдагы бардык саясий процесстер мыйзам талаасында болуп жатканын айтты.

Ошондой эле тараптар ЖККУнун Жамааттык коопсуздук кеңешинин келерки сессиясына даярдык тууралуу кеп кылышты.

Эске салсак, тышкы иштер министри Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

12
Белгилер:
Станислав Зась, жолугушуу, ТИМ, Руслан Казакбаев, Россия, Кыргызстан
Тема боюнча
Өзбекстандын премьер-министри телефон чалып, Садыр Жапаровду куттуктады