Бишкектеги күндүзгү стационарлар кечээ 8 000ден ашуун киши кабыл алды

Жазылуу
Тилекке каршы, Свердлов районундагы борборлордо үч адам каза тапкан. Ушуну менен күндүзгү стационарларда көз жумгандардын саны жети кишиге жетти.

БИШКЕК, 9-июл. — Sputnik. Кечээ Бишкекте уюштурулган күндүзгү стационарлар 8 086 бейтапты кабыл алды. Бул тууралуу мэрия билдирди.

Маалыматка ылайык, анын 6 673ү асма укол жана ийне сайдырып кетсе, 1 349 бейтапка консультация берилген. 57 адам ооруканага жаткырылган.

КРде кырдаал эң начар сценарий менен өнүгүп жатат. Министрлик COVID тууралуу

"Тилекке каршы, Свердлов районунун стационарларында үч киши каза таап, жалпы саны жети кишиге жетти. Борбор калаадагы тогуз борбордо 57 дарыгер, 83 медайым, 17 санитар, ординатор менен ыктыярчылар иштеп жатат. Жеке тараптардын колдоосу менен стационарларга 36 кычкылтек концентратору орнотулган", — деп айтылат билдирүүдө.

ОшМУ студенттер жана адистерден турган 235 медикти даярдап жатат

Муниципалитет күндүзгү стационарлар саат 8.00дөн 20.00гө чейин иштей турганын эскертип, оорунун жеңил жана орточо түрүнө чалдыккандарды кабыл алып жатканын белгилейт.

Жаңылыктар түрмөгү
0