Ош облусуна киреберишиндеги блокпост. Архивдик сүрөт

Ош облусуна кирип-чыгууга тыюу салынды. Карантиндик чектөөлөрдүн тизмеси

5028
(жаңыланган 15:13 09.07.2020)
Соңку эпидемиологиялык кырдаалды эске алып облус жетекчилиги бир катар карантиндик чектөөлөрдү киргизген.

БИШКЕК, 9-июл. — Sputnik. Эртеңден тарта Ош облусуна кирип-чыгууга тыюу салынат. Бул тууралуу өкмөттүн облустагы өкүлчүлүгүнүн маалымат кызматы билдирди.

Соңку эпидемиологиялык кырдаалды эске алып облус жетекчилиги бир катар карантиндик чектөөлөрдү киргизген.

Баткен карантин режимин күчөтүп, облуска кирип-чыгууга тыюу салды. Тизме

Алар төмөндөгүдөй:

  • 10-июлдан облустар аралык каттамдар токтотулат;
  • Ар бир райондун кире беришиндеги санитардык-карантиндик посттордун иши күчөтүлөт;
  • Базарлар дүйшөмбү жана бейшемби күндөрү дезинфекциялоо үчүн жабылат;
  • Эс алуучу жайларда, жаратылышта ар кандай иш-чараларды, аш-тойлорду өткөрүүгө тыюу салынат. Жаратылышка эс алууга барууга да уруксат берилбейт;
  • Чектөөлөргө баш ийбей той-маараке өткөргөндөргө, дары-дармек жана азык-түлүктүн баасын жогорулаткандарга катуу чара көрүлөт;

Ошто айып салынганына карабай улам той өткөргөн кафенин ээсине иш козголду

  • Ош облустук казыятка жума намаздарды токтотуу тууралуу сунуш берилди;
  • Бүгүнкү күндө Ош облусунда 614 адам COVID-19 жугузуп алганы аныкталган. 1 500дөй киши үй карантининде. Өткөн сутканын ичинде облустун 18 тургуну коронавируска кабылган.
5028
Белгилер:
тыюу салуу, жабуу, чектөө, карантин, Ош облусу
Тема:
Коронавируска байланыштуу Кыргызстандагы кырдаал (2085)
Тема боюнча
Ошто мечиттер жабылып, базарлар бир жумада эки күн тазаланат. Жаңы эрежелер
ОшМУ студенттер жана адистерден турган 235 медикти даярдап жатат
Белорусские правоохранительные органы задерживают мужчин во время митинга сторонников оппозиции после президентских выборов в Минске, Беларусь, 10 августа 2020 года.

Беларуста митинг токтобой, эл күч менен таркатылып жатат. Видео

67
(жаңыланган 00:13 11.08.2020)
9-август күнү Беларуста президенттик шайлоо болуп, ал аяктаары менен нааразычылык акциясы башталган. Күндүз басылып калган акция кечинде кайра уланды.

БИШКЕК, 11-авг. — Sputnik. Беларуста президенттик шайлоодон кийинки акциялар дагы деле токтобой, күч түзүмдөрү элди таркатуу аракетинде. Соңку маалыматтар менен Sputnik Беларустун Telegram-каналы бөлүшүүдө.

Бүгүн Минскиден ОМОН жоокерлери тарабынан 30дан ашуун киши кармалганы айтылат. Кечээ түнү үч миңдей киши жоопко тартылган.

Ал арада ИИМ башчысы Юрий Караев элди тынчсыздандырууга күч менен каражат жете турганын билдирди. Учурда күч түзүмдөрү кулак тундуруучу гранаталарды колдонуп жатышат.

Лукашенко: митингге чыккандарды чет мамлекеттен туруп көзөмөлдөшкөн

Эске салсак, 9-августта Беларуста мамлекет башчыны тандашты. Анда Александр Лукашенко 80,23 пайыз менен атаандаштарын жеңип алды. Шайлоонун алдын ала жыйынтыгына нааразы болгон жүздөгөн адам Минск шаарынын борборун көздөй агылган. Митинг кечке жуук кайра күчөгөн.

 

67
Белгилер:
нааразычылык акциясы, президент, шайлоо, Беларусь
Тема боюнча
Жээнбеков Лукашенкону кайрадан президент болуп шайланышы менен куттуктады
Лукашенко: митингге чыккандарды чет мамлекеттен туруп көзөмөлдөшкөн
Лукашенко Данияр Үсөновго окшош киши менен жолукту. Сүрөт
Кыргызстан менен Россиянын тышкы иштер министрлери Чыңгыз Айдарбеков менен Сергей Лавров . Архивдик сүрөт

Айдарбеков менен Лавров туруктуу авиакаттамдарды жандантууну сүйлөшүштү

159
(жаңыланган 23:14 10.08.2020)
Министр Айдарбеков Россияга коронавирус инфекциясы менен күрөшүүдө көрсөтүп жаткан гуманитардык жардамына жана дарыгерлерин жөнөткөндүгүнө ыраазычылык билдирген.

БИШКЕК, 10-авг. — Sputnik. Кыргызстан менен Россиянын тышкы иштер министрлери Чыңгыз Айдарбеков менен Сергей Лавров эки өлкөнүн ортосундагы туруктуу авиакаттамды жандандыруу тууралуу пикир алмашышты. Бул тууралуу ТИМдин маалымат кызматы билдирди.

Маектешүүнүн жүрүшүндө тышкы саясий ведомстволордун башчылары COVID-19 пандемиясынын кесепетин жеңүү боюнча кызматташуу маселелерин талкуулашкан.

"Ошондой эле эки тараптуу өз ара аракеттенүүнүн актуалдуу багыттары жана келечеги жөнүндө, анын ичинде жакын арада Кыргызстан менен Россиянын ортосунда туруктуу авиакаттамды жандантуу тууралуу пикир алмашышты", — деп айтылат маалыматта.

Министр Айдарбеков Россияга коронавирус инфекциясы менен күрөшүүдө көрсөтүп жаткан гуманитардык жардамына жана дарыгерлерин жөнөткөндүгүнө ыраазычылык билдирген.

Кыргызстандан Россияга кетчү каттамдар. Күнү жана шарты

Ошондой эле ТИМ башчылары эки мамлекеттин эриш-аркак жылынын алкагында пландалган бардык иш-чараларды ишке ашырууга жана кыргыз-орус кызматташтыгынын бардык комплексин мындан ары активдештирүүгө үмүт артарын билдиришкен.

Андан сырткары, регионалдык жана эл аралык саясат маселелери боюнча да кеп козголгону белгиленди.

159
Белгилер:
кызматташтык, коронавирус, каттам, сүйлөшүүлөр, Сергей Лавров, Чыңгыз Айдарбеков, ТИМ
Тема боюнча
Эми Кыргызстанга учак менен келип-кеткендер кандай эрежеге баш иет? Алгоритм