Премьер-министр Кубатбек Боронов

Өкмөт: коронавируска чалдыккан бейтаптар үчүн дагы 400 орун даярдалат

74
(жаңыланган 15:22 11.07.2020)
Боронов медицина мекемелеринин жетекчилери менен онлайн режимде кеңешме өткөрүп, эмгек өргүүгө кеткен медиктерди тез аранын ичинде ишке чакыртуу керек экенин баса белгилеген.

БИШКЕК, 11-июл. — Sputnik. Коронавируска чалдыккан бейтаптар үчүн дагы 400дөн ашык кошумча орун даярдоо иштери жүрүп жатат. Бул тууралуу премьер-министр Кубатбек Бороновдун айтымына таянып өкмөттүн маалымат кызматы билдирди.

Ага ылайык, Боронов медицина мекемелеринин жетекчилери менен онлайн режимде кеңешме өткөрүп, эмгек өргүүгө кеткен медиктерди тез аранын ичинде ишке чакыртуу керек экенин баса белгилеген.

Ак-Ордо, Ак-Босогодо жана Аламүдүн-1 кичи районунда күндүзгү стационар ачылды

"Ар бирибиз эс алышыбыз керектигин түшүнүп турам. Бирок эмгек өргүүдө жүргөн медкызматкерлер күнү-түнү нөөмөттө турган кесиптештерине жардам бериши зарыл. Алардын эмгек акысы тиешелүү түрдө берилет. Ар бир адамдын саламаттыгы жана өмүрү үчүн күрөштө бардык күч-аракетибизди жасап, кадимки жашоого кайтуу үчүн азыркы кыйынчылыктарды жеңүүгө тийишпиз", — деди өкмөт башчы.

Премьер-министр эмгек өргүүдөн чакыртылган медкызматкерлерди жаңы ачылган стационарларга бөлүштүрүүнү тапшырган.

74
Белгилер:
жумуш, медик, дарт, коронавирус, орун, Кубатбек Боронов
Тема:
Коронавируска байланыштуу Кыргызстандагы кырдаал (2106)
Тема боюнча
COVID жана пневмонияны дарылаган ооруканаларга бирден өкмөт мүчөсү бекиди. Тизме
Жайлоодо мал кайтарып жүргөн киши. Архивдик сүрөт

Ишембиге карата аба ырайы

50
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

50
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

90
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

90
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды