Абитуриенттер экзаменде. Архив

Жогорку окуу жайга тапшыруунун босого баллы белгиленди

356
(жаңыланган 12:55 15.07.2020)
Келишимдик негизде окуй тургандарга негизги тесттин босого баллы 105 деп белгиленди. Мунун медицина адистиктерине тапшырчуларга тиешеси жок.

БИШКЕК, 15-июл. — Sputnik. Жогорку окуу жайларга бюджеттик орунга тапшыргандар үчүн негизги тесттин босого баллы жылдагыдай эле 110, предметтик тесттердин босого баллы 60 бойдон калтырылды. Бул тууралуу Билим берүү жана илим министрлигинин маалымат кызматы кабарлады.

Билдирмеге караганда, келишимдик негизде окуй тургандарга негизги тесттин босого баллы 105 деп белгиленди. Мунун медицина адистиктерине тапшырчуларга тиешеси жок.

Жусупбекова: ЖРТ тапшырбай калгандарга дагы бир мүмкүнчүлүк берилет

"Келишимдик негизде окуй тургандар үчүн босого балл бир аз төмөн болду. Анткени мындай босого балл менен бүтүрүүчүлөр окууга тоскоолдуксуз өтүп, алардын өз эсебинен жогорку билим алуусуна мүмкүнчүлүк түзүлөт", — деп айтылат билдирмеде.

Эске салсак, быйыл бүтүрүүчүлөр жогорку окуу жайларга дагы, кесиптик орто окуу жайларга дагы онлайн түрүндө тапшырышат.

Sputnik Кыргызстан агенттиги анын шарт-талабы тууралуу материал даярдаган.

356
Белгилер:
окуу жай, балл, босого, билим берүү, Кыргызстан
Тема боюнча
Махабат, жумуш жана дартты жеңүү: Россияда билим алган жаштардын "табылгасы"
Аэропорттогу жүргүнчүлөр. Архивдик сүрөт

Россияга барыш үчүн кыргызстандыктар ПЦР-тесттин жыйынтыгын көрсөтүшү керек

61
(жаңыланган 22:53 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. 21-сентябрдан тарта Россияга барууну каалаган кыргызстандыктар үчүн бардык чектөөлөр алына турганын КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Мындан тышкары, Россияга барчу чет өлкөлүктөр коронавирус жок экенин тастыктаган ПЦР-тестинин жыйынтыгын көрсөтүшү шарт. Тестти жүргүнчү Россиянын аймагына кирген күнгө чейинки үч күндүн аралыгында тапшырышы зарыл.

61
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты
Бишкектин Жал микрорайонуна асмандан көрүнүш. Архивдик сүрөт

Дүйшөмбүгө карата аба ырайы

39
Синоптиктер 21-сентябрда жаан-чачын болбой турганын маалымдашты. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 20-сен. — Sputnik. Дүйшөмбү күнү, 21-сентябрда, күндүз республика боюнча күн ачык болот. Бул тууралуу Кыргызгидромет билдирди.

Күн сууктайбы? Бир жумага карата аба ырайы

Абанын температурасы Чүй өрөөнүндө +22...+27, Таласта +20…+25, Ош, Жалал-Абад, Баткен облустарында +24...+29, Ысык-Көлдө +16...+21 жана Нарын жергесинде +17...+22 градус жылыйт.

Күндүн табы борборубузда +24...+26, Ошто +25...+27 градуска көтөрүлөт.

39
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы