Саламаттык сактоо министрлиги сатып алынган Тез жардам кызматынын автоунаасы

13 тез жардам автоунаасы кымбат сатып алынганбы? Министрликтин түшүндүрмөсү

534
(жаңыланган 22:34 16.07.2020)
Автоунаалар тендер аркылуу алынып, эксперттик топ жана тендердин комиссиясы тиешелүү бүтүм чыгарып берген.

БИШКЕК, 16-июл. — Sputnik. Саламаттык сактоо министрлиги сатып алынган Тез жардам кызматынын 13 автоунаасы эмне себептен кымбат баага келгендигин түшүндүрүп берди.

Буга чейин министрлик медициналык тез жардам автоунаалар жалпы 764 миң 900 долларга сатып алынгандыгын кабарлаган. Ал эми социалдык тармактын колдонуучулары ал автомашиналар эки эсе арзан экендигин жазып чыгышкан.

Интернетке Тез жардамдын сынган автоунаасынын видеосу чыкты. Министрликтин жообу

Саламаттык сактоо министрлигинин Программаларды ишке ашыруу башкармалыгынын башчысы Медербек Исмаилов ар бир автоунаа канчага алынгандыгын түшүндүрдү.

ГАЗ "Соболь" маркасындагы сегиз автоунаанын төрт дөңгөлөгү тең иштейт, ал бардык керектүү жабдуулары менен алынды. Анын кычкылтек баллону дагы бар. Болжол менен ар бир автомашина 49 миң доллардан айланган.

Андан сырткары, кымбат баалуу жабдуу, жасалма дем алдыруучу аппараты менен Ford үлгүсүндөгү үч реанимобиль да келген. Алардын ар биринин баасы болжолдуу 90 миң долларга чукулдаган.

Кыргызстан 13 тез жардам автоунаасын сатып алды, үчөөнүн ИВЛ аппараты бар. Сүрөт

Исмаиловдун маалыматына ылайык, тендерге төрт компания катышып, алардын ичинен эң арзан бааны сунуштаган тарап жеңүүчү аталган. Адистер жөнөкөй автоунааларга караганда ал атайын ылайыкташкан автомашиналар бир кыйла жакшы болоруна ишендирген. Жыйынтыгында эксперттик топ жана тендердик комиссия бүтүм чыгарып берген.

"Биз техниканы текшергенбиз, сапаты баасына жооп берет", — деди Исмаилов.

Каражат Дүйнөлүк банктын "Кыргызстандагы кырсыктардын коркунучтарына туруштук берүүнү жогорулатуу" долбоорунун алкагында алынган (ERIK). Тез жардам автоунаалары өлкөнүн бардык аймактарына бөлүштүрүлгөн.

534
Белгилер:
реанимобиль, тендер, автоунаа, тез жардам, Кыргызстан
Тема боюнча
Казакстанда Тез жардамга көмөктөшө турган Corona-taxi ачуу пландалууда
Боронов: 118 кызматындагыларды көбөйтөбүз, Тез жардамга дагы 20 бригада келет
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү

61
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

61
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды
Аэропорттогу жүргүнчүлөр. Архивдик сүрөт

Россияга барыш үчүн кыргызстандыктар ПЦР-тесттин жыйынтыгын көрсөтүшү керек

184
(жаңыланган 22:55 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. Россияга барууну каалаган кыргызстандыктар коронавируска тапшырган тести терс жыйынтык көрсөткөнү тууралуу маалым катын көрсөтүшү керек. Бул тууралуу КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан 21-сентябрдан тарта  аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Ал эми тестти жүргүнчү Россиянын аймагына киргенге чейинки үч күндүн аралыгында тапшырышы зарыл.

184
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты