Турак жай зонасында токтотулган унаалар. Архивдик сүрөт

Этият болуңуз! Айдоочулар үчүн турак жай зонасында жүрүү эрежелери

208
(жаңыланган 14:51 17.07.2020)
Турак жай зонасында, үйлөрдүн короолорунда жүрүүдө айдоочу этият болуп эреже менен айдабаса, ары-бери чуркап ойногон бөбөктөр, балдары менен сейилдеген энелер көп.

Аларга тоскоолдук жаратып, сүзүп алуудан алыс болуш үчүн бул ирет турак жай зонасындагы жол эрежелери тууралуу айтып беребиз.

Эске салсак, Sputnik Кыргызстан агенттиги айдоочуларга пайдалуу маалыматтарды, суроо жараткан жол эрежелерин аныктап, зарыл болгон кеп-кеңештерди берип туруу максатында атайын рубрика ачкан.

Айыпка жыгылып калба! Велосипедчен адам биле жүрчү негизги 8 эреже

Жол кыймылынын эрежелеринде короолор турак жай зонасына кире турганы жазылган. Ал жактарга жол белгисин орнотпой деле койсо болот.

"Короодо артыкчылык жөө жүргөн адамдарга берилген. Алар жолдо да, тротуарда да жүрсө болот. Бирок жөө жүргөндөр себеби жок автоунаалардын кыймылына тоскоолдук жарата бербеши керек", — деп жазылган эрежеде.

Турак жай зонасында жана короолордо айдоочуга тыюу салынган эрежелер:

  • саатына 20 чакырымдан ашык ылдамдыкта жүрүүгө болбойт;
  • жолду кыскартып же убакытты үнөмдөө үчүн короо аркылуу өтпөш керек;
  • үйрөнүү үчүн айдаганга да тыюу салынат;
  • иштеп жаткан кыймылдаткыч менен токтоп турууга болбойт;
  • атайын чийиндер менен белгиленгенден башка жерлерде 3,5 тоннадан ашык жүк ташуучу унаалардын токтоп туруусуна тыюу салынат.

Турак жай зонасына кирип келе жаткан айдоочу башкаларга (жөө адам, велосипедчен) жол бошотуп бериши шарт. 

Автомобильная стоянка во дворе в Москве. С 1 января 2020 года штраф за ночную парковку коммерческого транспорта и каршеринговых автомобилей во дворах жилых домов составит от 1 тысячи до 5 тысяч рублей.
© Sputnik / Антон Денисов
Көп кабаттуу үйдүн алдында токтотулган унаалар

Айдоочу автоунаасын тротуарга токтотпошу керектигин да эскертебиз. Мындай учурда дөңгөлөк үйлөтүп же коңшулардан тил угуп калышы толук мүмкүн. Андан сырткары, тажрыйбалуу айдоочулар автоунааны короодогу жолго жок дегенде бир машина өтүп кеткидей аралык калтырып токтотушу керектигин белгилешти. Антпесе унаанын бир жери чийилип же күзгүсүз калышы ыктымал.

Инспектор тоссо карайлап калбаңыз! Айдоочунун башын ооруткан 9 суроого жооп

Эрежеде турак жай зонасындагы кесилиштер тууралуу да жазылган. Эгер короодогу кесилиште жол белгиси жок болсо, ал эки жакка тең бирдей болуп эсептелет. Мындай учурда артыкчылык оң тараптан келе жаткан автоунаага берилет.

208
Белгилер:
жол эрежеси, турак-жай, айдоочу, жөө адам, жүргүнчү
Тема боюнча
Автоунааларды озуп өтүүдө эмнелерди эстен чыгарбоо керек? Эреже, кеңештер
Жаратылыш. Архив

Жекшембиге карата аба ырайы

127
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

127
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер

Кыргызстандагы алдыңкы 10 жолтандабас менен кроссовердин баасы кандай өзгөрдү

155
(жаңыланган 20:01 16.10.2021)
Ар апта сайын Sputnik Кыргызстан колдон алынган автоунаалардын баасы тууралуу маалымат берет. Бул жолкусунда эл оозундагы жолтандабас менен кроссоверлердин наркына баам салдык.
Өлкөдөгү өтүмдүү жол тандабас  менен кроссоверлердин баасы

Өтүмдүү автоунаалардын алдыңкы ондугуна төмөнкүлөр кирди:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Volkswagen Touareg;
  • Subaru Forester;
  • Toyota Landcruiser;
  • Kia Sportage;
  • Hyundai Santa Fe.

Инфографикада жылы жаңы автоунаалардын баасы көрсөтүлдү. Биз сатуучулар сураган баанын орточо ченин беребиз. Демек, баа дал ушундай деп айтууга болбойт.

Тизмедеги автолордун басымдуу бөлүгү орточо 200-1500 долларга кымбаттаган. Бул Lexus GX 470, Lexus RX 350, Honda CR-V, Toyota Landcruiser жана башка.

Ал эми Volkswagen Touareg менен Toyota RAV4 орточо 200-500 долларга арзандаган.

155
Белгилер:
автоунаа, базар, баалар, соода
Тема боюнча
Бишкектеги батирлердин сентябрдагы ижара акысы