Боронов Минскиде Лукашенко менен жолугуп, бир нече маселени талкуулады

© Sputnik / Дмитрий Астахов / Медиабанкка өтүүРабочий визит премьер-министра РФ М. Мишустина в Белоруссию
Рабочий визит премьер-министра РФ М. Мишустина в Белоруссию - Sputnik Кыргызстан
Жазылуу
Жолугушууда Боронов Белоруссия менен соода-экономикалык кызматташууну күчөтүү, товар жүгүртүүнү бир кыйла көбөйтүү туурасында да сөз кылган.

БИШКЕК, 18-июл. — Sputnik. Премьер-министр Кубатбек Боронов Минск шаарындагы иш сапарынын жүрүшүндө Белоруссиянын президенти Александр Лукашенко менен жолукту. Бул тууралуу өкмөттүн маалымат кызматы билдирди.

"Жолугушууда Лукашенко эки мамлекеттин ортосундагы өз ара пайдалуу кызматташуунун ырааттуу өнүгүүсүн белгилеген.  Боронов Кыргызстан Белоруссия менен достук жана өз ара кызматташтык мамилелерге өзгөчө маани берерин билдирди", — деп айтылат маалыматта.

Мындан сырткары, Боронов эки жактуу соода-экономикалык кызматташууну күчөтүү, товар жүгүртүүнү бир кыйла көбөйтүү, инвестициялык өз ара иштешүүнү өркүндөтүү туурасында да сөз кылган. Эки өлкөнүн кызыкчылыгындагы долбоорлорду ишке ашыруунун маанилүү экендигин баса белгилеген.

Пандемиядан кийинки биринчи жолугушуу. ЕАЭБ премьерлеринин жыйыны видеодо

Эске салсак, кечээ, 17-июлда, Боронов Евразия экономикалык биримдигинин өкмөттөр аралык кеңешинин Минскиде өткөн кезектеги жыйынына катышкан.

Жаңылыктар түрмөгү
0