БИШКЕК, 18-июл. — Sputnik. Россия кийинки жумада Кыргызстанга коронавирустан айыктыруучу авифавир дарысын жиберет. Бул туурасында КРдин Россиядагы элчиси Аликбек Жекшенкулов билдирди.
Анын айтымында, Саламаттык сактоо министрлиги аталган вакцинаны өлкөгө ташып келүүгө уруксат берген.
Өкмөт: жакында Кыргызстанга Россиядан гуманитардык жүк келет
Буга чейин кыргыз өкмөтү коронавируска даба болчу авифавир препаратын алуу боюнча Россия менен сүйлөшүүлөрдү жүргүзүп жатканы айтылган.
Авифавир — COVID-19дан айыктыруу үчүн россиялык окумуштуулар тарабынан иштелип чыккан дары. Ал сыноодон ийгиликтүү өтүп, учурда адамдарга колдонулуп жатат.
COVID: авифавирди амбулатордук түрдө колдонууга уруксат суралууда
Авифавир дүйнөдө коронавирусту дарылай турчу эң натыйжалуу дары болот деп ишендирип жатышат. 2014-жылдан бери аны Япония сасык тумоонун оор формасын дарылоо үчүн колдоно баштаган. Коронавирус пандемиясынан улам россиялык окумуштуулар дарыны модификациялап, дарылоо протоколун өзгөртүшкөн.
