Киши менен аял кучакташып жатат. Иллюстративдик сүрөт

Кучакташпагыла. Сомнолог аптаптуу күндөрү уйку кандыруунун жолу тууралуу

610
(жаңыланган 08:32 20.07.2020)
Уйку тартибинин адисинин айтымында, адамдардын дене табы жана жылуулукту берүүсү ар кандай болгондуктан, айланадагыларга таасирин тийгизет.

БИШКЕК, 20-июл. — Sputnik. Жайдын аптаптуу күндөрү тынч уктоо үчүн кучакташуу сунушталбайт. Мунун себебин кененирээк Sputnik радиосуна невролог-сомнолог Елена Царева айтып берген.

Адис белгилегендей, адамдын күчү, энергиясы толугу менен терең уйкуда калыбына келет. Дене табы төмөн болушу үчүн бөлмөнүн ичин салкыныраак кармоо керек.

Окумуштуулар уйкусуздуктун таң калычтуу себебин табышты

"Уйку температурасына карата эки көз караш бар. Биринчиси америкалыктардай, экинчисин орустардыкындай эс алуу десе болот. АКШда канчалык муздак болсо уйку ошончолук жакшы болот деген түшүнүк менен бөлмөдөгү 18 градуста деле өздөрүн нормалдуу сезишет. Россияда болсо уктоочу бөлмө 21-23 градуска чейин болушу керек деген түшүнүк жашайт. Негизи уйку канчалык терең болсо, дене табы ошончолук төмөндөйт. Демек, дененин температурасы жогору болсо, терең уйкуга жетишүү кыйыныраак", — деди Царева.

Адис жатар алдында бөлмөнү желдетип турууну, ошондой эле ысыкта өзүнчө уктоону сунуш кылган.

Уйку канат. Дарыгер кумшекерден баш тартуунун пайдасын айтты

"Адаттагыдай эле күндүз терезени жаап коюп, түнкүсүн ачкыла. Жууркандарды жыйнаштырып коюп шейшеп жамынгыла. Ошондой эле жакын адамдардан өзүнчө же алыс уктагыла. Себеби ар кимдин дене табы ар кандай жана жылуулукту түрдүүчө беришет. Ысыкта бирөө менен кучакташып жатуу өтө кыйын", — деген уйку адиси.

Буга чейин сомнологдор ысыкта кондиционер жок болсо дагарага суу куюп коюуну сунушташкан болчу

610
Белгилер:
сомнолог, кучакташуу, аптап, температура, уйку
Тема боюнча
Уйкусу канбаган адамдар кандай дартка чалдыгары айтылды
Төшөккө жатканда тиктебе. Адис түндө телефон кароонун зыянын түшүндүрдү
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

92
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

92
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

81
(жаңыланган 15:24 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Новый директор национальной киностудии Кыргызфильм имени Т. Океева Акжолтой Бекболотов
© Фото / пресс-служба МКИТ КР
Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

81
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды
Тышкы иштер министри Руслан Казакбаев. Архив

Руслан Казакбаев Москвада ЖККУнун башкы катчысы менен жолукту

8
(жаңыланган 20:42 22.10.2020)
Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Бүгүн Москва шаарында Кыргызстандын тышкы иштер министри Руслан Казакбаев Жамааттык коопсуздук жана кызматташуу уюмунун (ЖККУ) башкы катчысы Станислав Зась менен жолугушту. Бул тууралуу өлкөнүн РФтеги элчилигинен билдиришти.

Алар регионго, ошондой эле дүйнөгө терс таасир этип жаткан маселелер боюнча пикир алышып, ЖККУнун алкагындагы кызматташтыктын артыкчылыктуу багыттарын талкуулашты.

Казакбаев Кыргызстандагы ички саясий абалдын турукташканы тууралуу кыскача маалымат берип, учурдагы бардык саясий процесстер мыйзам талаасында болуп жатканын айтты.

Ошондой эле тараптар ЖККУнун Жамааттык коопсуздук кеңешинин келерки сессиясына даярдык тууралуу кеп кылышты.

Эске салсак, тышкы иштер министри Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

8
Белгилер:
Станислав Зась, жолугушуу, ТИМ, Руслан Казакбаев, Россия, Кыргызстан
Тема боюнча
Өзбекстандын премьер-министри телефон чалып, Садыр Жапаровду куттуктады