Президент Сооронбай Жээнбеков коронавируска каршы күрөшүүгө көмөктөшүп жаткан ыктыярчылар, жарандык активисттер менен жолукту

Жээнбеков ыктыярчылар менен жолукту. Президенттин аппараты эмне дейт

253
(жаңыланган 21:47 21.07.2020)
Президент менен жолуккандар мамлекеттик түзүмдөрдүн ыктыярчылар менен өз ара иш алып барганын координациялоо начар болгонун белгилешкен.

БИШКЕК, 21-июл. — Sputnik. Президент Сооронбай Жээнбеков бүгүн коронавируска каршы күрөшүүгө көмөктөшүп жаткан ыктыярчылар, жарандык активисттер менен жолукканы боюнча анын басма сөз кызматы маалымат таратты.

Жолугушууга Республикалык ыкчам штаб тарабынан ыктыярчылар менен өз ара иштешүү жана алардын ишин координациялоо боюнча ишмердик жүргүзгөн вице-премьер Аида Исмаилова жана президенттин аппарат жетекчисинин биринчи орун басары Алмаз Кененбаев катышкан. 

Президент КР Сооронбай Жээнбеков на встрече с волонтерами, оказывающими посильное содействие в борьбе с коронавирусной инфекцией
© Пресс-служба президента КР / Султан Досалиев
Президент Сооронбай Жээнбеков ыктыярчылар, жарандык активисттер менен жолукту
"Президент Сооронбай Жээнбеков ыктыярчылардын эмгегин жогору баалоо менен аларга ыраазычылык билдирди. Ыктыярчылык ишмердүүлүктүн маанилүү элементи бир гана иш жүзүндө жардам берүү эмес, ар бир адамдын ички рухий сапаттарын тарбиялоо да болуп саналарын кошумчалады", — деп айтылган маалыматта.

Жээнбеков ыктыярчылар менен жолугууда. Катышып жаткандардын тизмеси

Алар төмөнкүлөрдү белгилеп жана сунуштаган:

  • мамлекеттик түзүмдөрдүн ыктыярчылар менен өз ара иш алып барышын координациялоо начар болгондуктан ыктыярчылардын макамын мыйзамдык жактан бекитип берүү;
  • ыктыярчыларды жеке коргонуу каражаттары менен камсыз кылуу зарылдыгы;
  • пандемия күчөп турган маалда иштеген ыктыярчыларга автоунаалары менен бейтаптарды ооруканаларга ташыган жана башка жардам берген жарандарды "Коопсуз шаар" алкагындагы айып пулдардан бошотуу;
  • бүгүнкү күнгө чейин илдет жуктуруп алган медиктерге кенемтелер жана кошумча төлөмдөр бериле электигине көңүл бурушкан;
  • өтө кооптуу участоктордо иштеген медицина кызматкерлерин реабилитациялоо;
  • жаңы ооруканаларды куруу, дарыгерлерге кенемте төлөөнүн так системасын иштеп чыгуу;
  • жогорку окуу жайларда эпидемиологдорду, инфекционисттерди даярдоо боюнча факультеттерди көбөйтүү;
  • аймактарда тез жардам автоунаасынын жоктугу;
  • коронавирус инфекциясына анализ алуу үчүн ПЦР-тесттердин жеткиликсиздиги, медиктердин, дарыканалардын жетишсиздиги, заманбап медициналык мекемелердин жоктугу;
  • аймактардагы медиктердин коронавирусту дарылоо ыкмалары тууралуу маалыматынын аздыгы;
  • дары-дармектерди жана медициналык аппараттарды бажыдан өткөрүү көйгөйлөрү, дары-дармектерге салык салуу маселеси;
  • күн сууктаган маалга жана пандемиянын экинчи толкуну ыктымалдыгына өз маалында даярдык көрүү: күзгү, кышкы мезгилге күндүзгү жана түнкү стационарлар иштебейт, андыктан жаңы ооруканаларды куруу. Имараттарды медициналык мекеме катары профилин өзгөртүү;
  • тартылган каражатты пайдалануу тууралуу толук кандуу онлайн-форматта маалымат берүү;
  • келип жаткан жардамдарды натыйжалуу бөлүштүрүү үчүн санарип карта түзүү;
  • мындан аркы кырдаалга божомол жасап, чет өлкөлөрдөн гранттык каражат тартууну улантуу;
  • пневмониядан каза болгондорду жерге берүү боюнча бирдей алгоритмдин жоктугу;
  • экономиканы калыбына келтирип, аны өнүктүрүү менен бирге калкка психологиялык колдоо көрсөтүү;
  • көйгөйлөрүн ачык жарыялаган дарыгерлерге, ыктыярчыларга, жарандык активисттерге кысым көрсөтпөө;
  • жарандардын банктардан алган насыяларын төлөөнү кийинкиге жылдыруу мүмкүнчүлүгүн карап чыгуу;
  • коронавирус менен катар эле башка ооруларды да, айрыкча онкологиялык ооруларды унутпоо;
  • мамлекеттик органдар тарабынан жеке коргонуучу каражаттарды кымбат баада сатып алган учурлар айтылды. Президент бул боюнча иш козголгонун жана март айында эле Экономикалык кылмыштуулукка каршы күрөшүү боюнча мамлекеттик кызматка тиешелүү тапшырма берилгенин эске салды.

Жолугушууда ооруканалардын биринин башкы дарыгери бет кап түрүндө келген жардамды кызматкерлерине таратпай койгон фактылар айтылып, үй-бүлөлүк зомбулукка кабылып жаткан аялдардын көйгөйү да белгиленди. 

Президент КР Сооронбай Жээнбеков на встрече с волонтерами, оказывающими посильное содействие в борьбе с коронавирусной инфекцией
© Пресс-служба президента КР / Султан Досалиев
Мамлекет башчысы бул жолугушуунун эң негизги жетишкендиги катары диалогдун ишке ашкандыгын атап, бул сөзсүз түрдө натыйжа берерин айткан

Ыктыярчылар аймактарда иштеп жаткан волонтёрлор менен онлайн-жолугушуу өткөрүүнү да сунушташты.

"Сактап кал" деп жалдыраган көздөр жүрөгүмдү тилип кетти. Ыктыярчылардын маеги

"Жээнбеков көтөрүлгөн маселелер боюнча өзүнүн пикирин айтып, алардын кээ бирлерин чечүү үчүн убакыт талап кылынарын, ал эми көпчүлүгү ишке ашырылып жатканын белгиледи. Ооруканаларды куруу боюнча өкмөт ишти баштаганын, ал боюнча инвесторлор тартылганын билдирди. Бүгүнкү күндөн тарта Республикалык штаб дарыгерлерди реабилитациялоо үчүн Ысык-Көлдүн жээгиндеги пансионаттарга жөнөтө баштарын айтты", — деп жазылган маалыматта.

Мамлекет башчысы бул жолугушуунун эң негизги жетишкендиги катары диалогдун ишке ашкандыгын атап, бул сөзсүз түрдө натыйжа берерин айткан. Көтөрүлгөн маселелерди мындан да кененирээк талкуулоо үчүн ыктыярдуу кыймылдардын өкүлдөрү менен онлайн форматта кеңири жолугушуу уюштуруларын, анткени ыктыярчылар кыймылы өзгөчө пандемия учурунда өзүн жакшы көрсөтө алган чоң күчкө ээ экендигин белгиледи.

Имарат берип, жабдуу таап, медик чогултуп... Эл ооруга каршы бир муштумга түйүлгөндө

Эпидемиологиялык кырдаал турукташкан соң өлкөнүн бардык булуң-бурчундагы ыктыярчылардын катышуусу менен республикалык форум уюштуруларын кошумчалаган.

Мындан ары Исмаилова жана Кененбаев жалпы иш-аракеттерди координациялоо үчүн ыктыярчылар менен үзгүлтүксүз байланышта болмокчу.

"Мурда белгиленгендей, президент айтылган маселелердин аткарылышын көзөмөлгө алуу үчүн тиешелүү иш-чаралардын планы түзүлөрүн билдирди", — деп айтылган маалыматта.

Жолугушуу суроо-жооп тартибинде өтүп, андан сырткары, катышуучулар суроолорду оозеки да беришип, кагаз түрүндө дагы тапшырышкан.

Президент менен болгон жолугушуудан кийин ыктыярчылар да өздөрүнүн пикирлерин билдиришкен.

253
Белгилер:
пикир, талкуу, жолугушуу, коронавирус, ыктыярчылар, Сооронбай Жээнбеков, Кыргызстан
Тема:
Коронавируска байланыштуу Кыргызстандагы кырдаал (2269)
Тема боюнча
Четте карап тура албадым. Кыйын күндө мекенге кайткан дарыгердин маеги
Жээнбеков ыктыярчылар менен жолукту. Президенттин аппараты эмне дейт
Мектептеги окуучулар. Архив

Кыргызстанда окуучулар кайсы айда мектепке барары айтылды

4838
(жаңыланган 22:40 30.09.2020)
Мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

БИШКЕК, 30-cен. — Sputnik. 2020-жылдын 6-октябрынан тарта 1-класстан 6-класска чейинки окуучулар жалпы билим берүү мекемелеринде салттуу түрдө окуй баштайт. Мындай чечим Республикалык ыкчам штабдын отурумунда кабыл алынды.

Маалыматка караганда, 2020-2021-окуу жылында 1-6-класстын окуучулары үчүн билим берүү процессин реалдуу режимде жандандырууда санитардык-гигиеналык нормаларды сактоо боюнча иш-аракеттердин алгоритми иштелип чыкты. 

Ага ылайык, окуучулардын жана мугалимдердин ден соолугу медицина кызматкерлери тарабынан көзөмөлдөнүп, мугалимдердин дене табы өлчөнүп турууга жана бет кап режимин сактоого тийиш. Окуучулар окуу процессинде аралыкты сактоо менен отургузулат. Алар колдорун бат-бат жууп турушу үчүн тиешелүү каражаттар менен камсыз кылынат.

3D китебинин автору: оюн түрүндөгү "Ойнобук" баланын акылын өстүрөт

Ошондой эле кызматкерлердин, үй-бүлө мүчөлөрүнүн ден соолугу, аларда илдеттин белгилеринин бар-жогу боюнча анкета толтурулуп турат.

“Эгерде мектепте окуучулардын саны 200гө чейин болсо, план боюнча бекитилген расписаниеге ылайык кадимки режимде окуу процесси уюштурулат. Ал эми балдардын саны 350гө чейин болсо, ийкемдүү расписание боюнча окутулат. Тагыраагы, сабактардын башталышы жана тыныгуулар ар кандай убакытта уюштурулат. Мисалы, 1-2-класстарда сабак 8.00дө башталса, 3-4-класстар саат 8.30га келишет. Балдардын саны 500гѳ чейин болсо, кезектешүү негизде болот. Мисалы, 1-2-3-класстар 1-кезметте, 4-5-6-класстар 2-кезметте окушат. Ашканада тамактануу процесси да смена боюнча уюштурулат”, — дешти штабдан.

Муну менен катар мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

Ал эми мектеп балдар келгенге чейин дезинфекцияланууга тийиш. Бирок бул иш-чарада пайдаланыла турган каражаттардын концентрациясы белгиленген өлчөмдө гана колдонулат.

4838
Тема:
Коронавируска байланыштуу Кыргызстандагы кырдаал (2269)
Тема боюнча
5-октябрдан тарта башталгыч класстар мектепке барып окуйбу? Расмий жооп
Кол чатыр көтөргөн кыз. Архив

Бейшембиге карата аба ырайы

114
(жаңыланган 21:03 30.09.2020)
Бейшембиге караган түнү айрым райондордо жамгыр жаап, тоолуу өрөөндөрдө кар жаашы күтүлөт.

БИШКЕК, 30-сен. — Sputnik. 1-октябрь, бейшембиде, күндүз Талас облусунун кээ бир райондорунда, Ысык-Көл, Нарын жергесинин көпчүлүк аймактарында, Чүй, Ош, Жалал-Абад, Баткен облустарынын тоо этектеринде жамгыр жаап, тоолуу жерлерге кар түшөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Жер көчкөн Кара-Кече көмүр кенине электр жарыгы берилди. Сүрөттөр

Абанын температурасы Чүйдө +14...+19, Талас, Нарын жана Ысык-Көл аймактарында +12...+17, Ош, Жалал-Абад, Баткен облустарында +16...+21 градус болот.

Термометрдин көрсөткүчү борбор калаабыз Бишкекте +17...+19, Ош шаарында +18...+20 градусту көрсөтүп турат.

114
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео