Эт кошулган жарым фабрикаттар. Архивдик сүрөт

Жайкысын эт кошулган жарым фабрикаттарды кантип тандоо керек. Кеңеш

72
(жаңыланган 09:01 22.07.2020)
Адистер ууланып же ден соолугуңузга залака тийгизип алгыңыз келбесе, кандайдыр бир күмөн санаткан азыктарды албай эле койгон туура экенин эскертет.

БИШКЕК, 22-июл. — Sputnik. Эт күн ысыкта бат бузулуп кеткендиктен, жайкысын бул азык кошулган жарым фабрикаттарды сатып алууда бир нече эрежелерди кармануу керек. Алар тууралуу Россиянын Керектөөчүлөрдүн укуктарын коргоо чөйрөсүндөгү көзөмөл боюнча федералдык кызматы (Роспотребнадзор) маалымат берди

“Эт кошулган жарым фабрикаттар дүкөндө сөзсүз муздаткычта сакталышы керек. Ошондой эле ал аба кирбеген таңгакта болгону жакшы. Товардын сырткы көрүнүшүнө дагы көңүл буруңуз. Бир жери кыйшайып же формасын жоготуп койгон болсо, ал эрип кайра тоңдурулган болушу мүмкүн. Мындай учурда азык сапатын жоготот”, — деп айтылат билдирүүдө.

Дагы бир маанилүү учур — товарга эч качан дүкөн өзү жарактуу мөөнөтү боюнча жаза албайт (эгер дүкөн өндүрүүчү болбосо — ред.). Ошол себептен таңгактагы өндүрүүчү өзү койгон даталарды караңыз.

Жарым фабрикат, тез татымдан баш тарткан киши тамакты аз жеп баштайт. Себеби

Баса, сиз сатып алып жаткан товардын сапаттуу экенин таңгактагы маалыматтардан билсе болот. Тагыраагы, өз аброюн жана кардардын ишенимин баалаган өндүрүүчү товардын сыртына анын курамы, салмагы, качан жасалганы жана кайсы күнгө чейин жарактуу экени, сактоо эрежелери жана ишкананын дарегин толук жазат.

Адистер ууланып же ден соолугуңузга залака тийгизип алгыңыз келбесе, кандайдыр бир күмөн санаткан азыктарды албай эле койгон туура экенин эскертет.

72
Белгилер:
дүкөн, сапат, тамак, жай, эт
Тема боюнча
Беттин терисин бат буза турчу азыктар аталды
СССРдин ат оюндары боюнча эмгек сиңирген спорт чебери, Кыргызстанда туулган Александр Блинов. Архив

Олимпиада-80 чемпиону, КРде туулган Александр Блинов көз жумду

85
(жаңыланган 21:54 05.03.2021)
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

БИШКЕК, 5-мар. — Sputnik. 67 жаш курагында СССРдин ат оюндары боюнча эмгек сиңирген спорт чебери, Кыргызстанда туулган Александр Блинов каза болду. Бул тууралуу Жаштар иши, дене тарбия жана спорт агенттигинин маалымат кызматы кабарлады.

Муфтийдин милдетин аткаруучу, белгилүү дин аалымы Кадыр Маликов. Архив
© Sputnik / Табылды Кадырбеков
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

Спортчуну акыркы сапарга узатуу зыйнаты 6-мартта Москвада өтөт. Блинов 1954-жылы 19-августта Фрунзе шаарында туулган.

Анын Москвадагы Олимпиада оюндарында жетишкен ийгиликтери боюнча Sputnik Кыргызстан агенттиги даярдаган материалдан окуй аласыздар.

85
Белгилер:
өлүм, спортчу, олимпиада
Тема боюнча
Эми башка Жамал жаралбайт. Элдин Сейдакматова менен коштошкон видеосу
Экс-министр Шайлообек Ниязов каза болду
Туман учурунда электр зымдары. Архив

Ишембиге карата аба ырайы

278
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.

БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.

Күндүн табы Бишкекте +13…+15, Ош шаарында +14…+16 градусту көрсөтөт.

278
Белгилер:
Кыргызстан, март, аба ырайы
Тема боюнча
Ысык-Көлдө кыйраган 37 млн. сомдук тик учак. Ми-8 кантип кырсыктаган
Өкмөттүн Талас облусундагы ыйгарым укуктуу өкүлү Айбек Бузурманкулов. Архив

Таласты 5 ай башкарды. Айбек Бузурманкулов кызматтан кетти

0
(жаңыланган 23:05 05.03.2021)
Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

БИШКЕК, 5-мар. — Sputnik. Айбек Бузурманкулов өкмөттүн Талас облусундагы ыйгарым укуктуу өкүлү кызматынан бошотулду. Бул тууралуу өкмөттүн маалымат кызматы кабарлады.

Ага ылайык, Бузурманкулов ээлеген ордунан башка ишке өткөндүгүнө байланыштуу кеткен.

Тиешелүү буйрукка премьер-министр Улукбек Марипов кол койгон.

Эске салсак, Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген

0
Белгилер:
Айбек Бузурманкулов, ыйгарым укуктуу өкүл, Талас, кызмат
Тема боюнча
Жапыкеев башында турган Финпол жоюлду
"Кыргыз алтынга" жаңы жетекчи дайындалды