Беткап кийип аткан медик. Иллюстративдик сүрөт

Пакистандык студент: мурдумду сындыра сабашты, ошентсе да ыктыярчылыкты таштабайм

604
(жаңыланган 13:52 22.07.2020)
Чет элдиктердин Бишкектеги жашоосу жана күндүзгү стационарда иштеши тууралуу Sputnik Кыргызстандын окурмандарына пакистандык студент Аббас Али Шах айтып берди.

Бул жигит борбор калаада ооруканаларга бейтаптар толуп медиктердин жетишпей жатканын көрүп, четте карап тура алган эмес. Аббас Али Шах күндүзгү стационарлардын биринде ыктыярчы болуп иштеп жаткан. Бирок кечээ жакында тоодо жергиликтүү жигиттерден таяк жеп, учурда өзү ооруканада жатат. Деген менен ал саламаттыгы жакшырганда кайра ыктыярчылыгын жандантарын айтты.

— Сиз кантип ыктыярчы болуп калдыңыз?

— Мен жардам бергим келчү, ошол учурда күндүзгү стационарга ыктыярчы керектигин угуп калдым. Өлкөдөгү кырдаал өтө оор, күн сайын ондогон кыргызстандыктар каза болууда. "Эмнеге стационарда ыктыярчы болуп иштеп жатасың?" деген суроо мени таң калтырат. Канткен күндө дагы жашоомду адам өмүрүн куткарууга арнаган медик болгондон кийин пандемиянын мага тиешеси жоктой үйүмдө отура бергеним осол иш болмок. Менин БАЭ жана Пакистандан келген досторум дагы көмөктөшүп жатышат.

Кыйналып кеттим, кантип туруштук бере алам? Ыктыярчы кыздын каты

Жадагалса медициналык билими жок балдар дарыгерлерге жардам берүүдө. Мына ушулар чынында суктанууга татыктуу. Стационарда бир жумадай иштеп, бул аралыкта жүздөгөн адамга жардам бере алдык. Дарыгерлердин жана ыктыярчылардын жаны тынбайт, телефон тиктегенге да убакыт болбойт.

— Жергиликтүүлөр чет элдик ыктыярчыларга кандай карап жатышат?

— Мен дайыма бет кап жана коргонуучу костюмчан жүрөм, ошондуктан чет элдик экенимдин байкай беришпейт (күлүп).

— Кыргызстанга келишиңизге эмне түрткү болду?

— Бир досум бул жакта дарыгерликке тапшырган. Ал Кыргызстанда медициналык билим сапаттуу жана жеткиликтүү экенин айткан. Пакистанда окуу жайды аяктаганга чейин 50 миң доллардай төлөөгө туура келет. Мындан дагы көп болушу мүмкүн. Анча каражатты көбү эле таба албайт. Ушул себептен да биз жактан Кыргызстанга окууга келгендер көп. Жүрөк оорусунан өлгөн адамдардын саны жогору болгондуктан кардиолог болууну чечкем. Жакында окуум бүтөт, ординатураны Пакистанга барып окуйм.

— Эми өзүңүздүн кичи мекениңиз тууралуу айтып берсеңиз?

— Мен Пакистандын түндүк тарабындагы Гилгит-Балтистан облусунда туулгам. Ал жактын жаратылышы дагы Кыргызстанга окшош, тоолор, дарыялар, көлдөр дал өзү. Калктын көбүн мусулмандар түзөт, статистика боюнча аялдарга караганда эркектер көп.

"Сактап кал" деп жалдыраган көздөр жүрөгүмдү тилип кетти. Ыктыярчылардын маеги

— Пакистандагы медицина Кыргызстандагыдан эмнеси менен айырмаланат?

— Биздин өлкөдө медицина анча жеткиликтүү эмес, жеке клиникалар өнүгүп жатат. Дарылануу мамлекеттик ооруканаларда, жеке менчиктерде дагы аябай кымбат. Буга баарынын эле мүмкүнчүлүгү боло бербейт. Чоң жана заманбап медициналык борборлор ири шаарларда гана бар.

— Кызык суроо берсем болобу? Көпчүлүк кыргызстандыктар Индиядан жана Пакистандан келген коноктор суукту тоготпогонсуп кышта деле жеңил кийинип жүргөнүнө таң калат...

— Бишкектик досторум дагы бул боюнча сурай беришет. Биздин өлкөдө кыш жылуу болот. Анан бул жакка келгенде психологиялык жактан кайра калыптануу кыйын, айрымдары каржылык жактан кыйналып жылуу кийим ала албайт. Жалпылап айтканда, Кыргызстанда көбүрөөк жашаган адам сезонго жараша кийинип калат.

— Сизди тоодо сабап кетишти. Бул окуя кандайча болуп кеткенин айтып берсеңиз?

— Окуя дем алыш күнү Кой-Таш айылында болду. Досторум менен тоодо эс алып жүргөнбүз, бир жигит келип ар кандай сөздөрдү айтып досумду бир муштап кетип калды. Бир нече мүнөттөн кийин башка жигиттерди дагы ээрчитип келип баарыбызды сабап киришти. Алыс эмес жерде отурган эс алуучулар үн катпай карап турушту. Акыры арасынан бирөө чыгып жардам берди. Андан кийин биз милицияга арыз жаздык.

Менин мурдум сыныптыр, аны операция кылыш керек. Тилекке каршы, мындан улам мен азыр стационарда иштей албайм.

Чогуу иштешели. Жээнбековдун ыктыярчылар менен жолуккан видеосу чыкты

— Айыккандан кийин кайра кайтып барасызбы?

— Албетте. Бул менин жан дүйнөмө жаккан жумуш, мурдагыдай эле адамдарга жардам бергим келет. Бир окуядан улам өзүмө жаккан иштен баш тартып коюу туура эмес деп эсептейм.

604
Белгилер:
иштөө, стационар, маек, ыктыярчылар, студент, Пакистан
Тема боюнча
Өзгөчө жан эле... Курсташтары стационарда иштеп көз жумган Адинайды эскеришти
Москвадан келген 15 медикти Ош шаары салтанаттуу тосуп алды. Сүрөт
Коркпой-үркпөй сындадык. Ыктыярчылар Жээнбековго эмне сунуштаганын айтышты
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

582
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

582
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

47
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

47
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди