Бишкекте соода жайлары менен ири дүкөндөрдүн иш тартиби өзгөрдү

© AFP / VYACHESLAV OSELEDKOСоода борборуна кирип бараткан адамдар. Архив
Соода борборуна кирип бараткан адамдар. Архив - Sputnik Кыргызстан
Жазылуу
Муниципалитеттен чаралар шаардык бийлик өзгөчө чечим кабыл алганга чейин иштээрин айтышты. Тартип бардыгына бирдей экендигин эскертишти.

БИШКЕК, 22-июл. — Sputnik. Бүгүнтөн тарта Бишкектеги супермаркеттердин иштөө мөөнөтү саат 21:00гө чейин уланарын мэриянын маалымат кызматынан кабарлашты. Мындай токтомго калаа башчысы Азиз Суракматов кол койгон.

"Аянты 100 чарчы метр болгон супермаркеттер, соода борборлор, үйлөр, дүкөндөр тармагы эми саат 7:00дөн 21:00гө чейин иштейт", — деп айтылган маалыматта.

А бирок соода борборлорунун ичинде жайгашкан тамактануучу жерлер (фудкорты) азырынча жабык бойдон калат.

Ошто айып салынганына карабай улам той өткөргөн кафенин ээсине иш козголду

Кафе менен ресторандар, коомдук тамактануучу жайлар саат 10:00дөн 20:00гө чейин ачык болот, ал эми буюртма менен тамак жеткирүүнүн убактысы чектелбейт.

Коомдук транспорттун иши мурдагы тартипте эле кала берет. Иш күндөрү саат 7:00дөн 10:00гө чейин, ал эми кечинде 17:00дөн 21:00гө чейин жүрөт. Дем алышта каттабайт.

Базарлар 9:00дөн саат 17:00гө чейин ачык болот.

Бир күндө үч той өткөрүп, 79 кишини ооруткан үй-бүлө. Өзбекстандагы окуя

Эменелерге тыюу салынган:

  • Жайма базарлар менен кызмат көрсөтүүлөргө (батуттар, велосипедди жана башкаларды киреге бергендер);
  • тойкана менен көңүл ачуучу жайларга (түнкү клубдар, бар, караоке-клубдар жана башкалар);
  • балдар ойногон аянттар жана эс алуучу жайларга.

Бул чаралар өзгөчө токтом чыкканга, тагыраагы, Бишкек шаарында эпидемиологиялык абал жакшырганга чейин иштейт. Муниципалитеттен тартип бардыгына бирдей экендиги айтылды.

Жаңылыктар түрмөгү
0