Вице-премьер-министр Эркин Асрандиев на брифинге 29 апреля 2020 года

Асрандиев: дары-дармек сатып алууга каражат жетиштүү, маселе башкада

106
(жаңыланган 16:16 22.07.2020)
Грант, кредиттен сырткары Кыргызстанга чет мамлекеттерден 8 миллион долларлык гуманитардык жардам келип түштү.

БИШКЕК, 22-июл. — Sputnik. Вице-премьер Эркин Асрандиев брифинг учурунда "эмнеге чет жактан келген каражатка дары-дармек алынып, оорукана салынган жок?" деген суроого жооп берди.

Анын айтымында, медикамент алууга каражат жагынан маселе жок. Милдеттүү медициналык камсыздандыруу фондуна дары-дармек сатып алуу жана медиктерге айлыгына деп 22 миллион доллар которулган. Башка мамлекеттик органдарга дезинфекциялоочу каражаттарды, меджабдууларды алуу үчүн 1,3 миллион доллар берилген. Дүйнөлүк банктын долбоору боюнча 2,2 миллион долларга медициналык жабдуу жана препараттар сатып алынган.

COVID менен күрөшүүгө 3,3 млрд сом кетти. Акчанын кайда жумшалганы боюнча отчёт

"Каражат жагынан дары-дармек сатып алууда эч көйгөй жок, баары жетиштүү. Ошону менен бирге бүгүнкү күндө Кыргызстанга чет элдик өнөктөштөрдөн жалпы суммасы сегиз миллион долларлык гуманитардык жардам келип түштү. Алдыда дагы 8-9 миллион долларлык гумжардам күтүп жатабыз", — деди Асрандиев.

Ал эми медикаменттердин убагында келбей калышын кезекке туруп күтүп жатышканы менен түшүндүрдү. Ушу тапта бардык мамлекеттерде дары-дармекке муктаждык күч.

106
Белгилер:
жардам, донор, дары-дармек, каражат, Эркин Асрандиев
Тема:
Коронавируска байланыштуу Кыргызстандагы кырдаал (2312)
Тема боюнча
Асрандиев: салыктан карызы барлар жыл аягына чейин төлөсө туум алынбайт
Өкмөт коммерциялык банктарга 4,2 млрд сом бөлдү. Программанын максаты
Кыргызстандын жаранынын паспорту. Архив

Райым Матраимов фамилиясын өзгөртүп алган. Мамкаттоо чоо-жайын айтты

536
(жаңыланган 14:26 20.10.2020)
Буга чейин социалдык тармактарда Матраимов фамилиясын өзгөртүп алды делген паспорттун сүрөттөрү жарыяланган.

Маалымат толукталууда

БИШКЕК, 20-окт. — Sputnik. Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган. Бул туурасында Мамлекеттик каттоо кызматы расмий түрдө билдирди.

Фото паспорта, в котором Райым Матраимов якобы поменял фамилию
фото распространяемое в мессенджерах
Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган
“Матраимов Р. Ы. аттуу жаран аты-жөнүн өзгөртүүнү сурап кайрылган. Фамилиясын алмаштыруу процедурасы КР мыйзамдарынын алкагында жүргүзүлгөн. Ал аты-жөнүн өзгөртүү тууралуу күбөлүктү алгандан кийин еID паспортун алмаштыруу үчүн Ош шаарындагы Калкты тейлөө борборуна кайрылган. Бирок аталган жаранга документ берүүгө тыюу салуу боюнча чечим бар болгондуктан, ага берүүдөн баш тартышкан”, — деп айтылат маалыматта.

Мамкаттоо укук коргоо органдары тарабынан жүргүзүлгөн иш-чаралардын алкагында Ош шаарындагы Калкты тейлөө борборлорунан жогоруда аталган паспорт алынганын белгилейт.

536
Белгилер:
фамилия, паспорт, Райымбек Матраимов
Тема:
Райым Матраимовдун кармалышы
Тема боюнча
Райым Матраимовдун кармалышы. Белгилүү болгон маалыматтар
Райым Матраимов кармалды

Бишкек мэри Азиз Суракматовдун маалымат жыйыны. Видео

57
(жаңыланган 14:35 20.10.2020)
Суракматов борбор калааны жетектөөгө мындан эки жыл мурун, 2018-жылы, киришип Албек Ибраимовдун ордуна келген.

Бишкек мэри болуп эки жылдан бери иштеп келе жаткан Азиз Суракматовдун кызматтан кете турганы тууралуу маалымат бүгүн тарады. 

Мэрия шаар башчысы маалымат жыйын өткөрө турганын кабарлаган. 

Sputnik жыйынды түз алып берүүдө

57
Белгилер:
отставка, кызмат, мэр, Бишкек мэриясы, Азиз Суракматов
Тема боюнча
Бишкек мэри Суракматовдун иштен кетери айтылды
Нариман Түлеев пресс-конференция учурунда

Нариман Түлеев Бишкек мэриясын жетектемей болду

6
(жаңыланган 14:59 20.10.2020)
Нариман Түлеев 2008-2010-жылдары борбор калаанын мэри болуп иштеген. Бүгүн эртең менен ал биринчи вице-мэр болуп дайындалды.

БИШКЕК, 20-окт. — Sputnik. Нариман Түлеев Бишкек мээринин милдетин аткармай болду.

Эске салсак, бүгүн, 20-октябрда, Түлеев биринчи вице-мэр болуп дайындалган. Кийинчерээк Суракматов мэрлик кызматтан кетип жатканын билдирген. Буга байланыштуу мэрдин милдетин Түлеев аткармай болду.

Белгилей кетсек, мэрди шаардык кеңеш шайлайт. Талапкерлерди фракциялар менен көпчүлүк коалиция, ошондой эле премьер-министр сунуштай алат.

Түлеевдин иши

Мурдагы мэр жана ЖКнын экс-депутатына 2012-жылы коррупция боюнча кине тагылган. Кылмыш иши Кытайдан автобустарды сатып алууда, ошондой эле 200 миллион сомдук муниципалдык облигация чыгарууда мыйзамсыз аракеттерден улам козголгон. 2013-жылы Ленин райондук соту мүлкүн конфискациялоо менен Түлеевди 11 жылга эркинен ажыраткан. 2014-жылдын декабрында Бишкек шаардык соту ал өкүмдү күчүндө калтырып, ал эми туура бир жылдан соң Жогорку соттун коллегиясы да ушундай эле өкүм чыгарган. Нариман Түлеев мамлекеттик казынага 60 миллион сом кайтарып берип, 2016-жылдын май айында эркиндикке чыккан.

6
Белгилер:
Бишкек, мэр, Нариман Түлеев
Тема боюнча
Бишкек мэри Азиз Суракматовдун маалымат жыйыны. Видео
Азиз Суракматов мэрлик кызматтан эмнеге кеткенин түшүндүрдү