Дистанциондук сабак өтүп жаткан мугалим. Архив

Министрлик: адистер аралыктан окутуунун 5 багытын иштеп чыгууда

22571
Аралыктан окутуу боюнча практик-педагогдордон, эксперттерден турган топ ата-энелер жана балдар үчүн нускамаларды жазып жатат.

БИШКЕК, 23-июл. — Sputnik. Азыркы эпидемиологиялык кырдаалдан улам жаңы окуу жылынын биринчи чейрегин аралыктан уюштуруу пландалууда. Абал жакшы жагына өзгөрөрү менен окуучулар мектепке реалдуу режимде окууга келишет. Бул туурасында Билим берүү жана илим министрлигинин маалымат кызматынан кабарлашты.

Мындай жагдайдан улам аралыктан окутууну уюштуруу боюнча эксперттик-консультативдик кеңеш иштеп жатканы айтылды. Алар практик-педагогдордон, эксперттерден, билим берүү жаатындагы менеджерлерден турат.

Мажбурлайм дей көрбөңүз. Дистанттык окуу учурунда ата-энеге 5 кеңеш

"Кеңештин корутундусу менен башка өлкөлөрдүн жана Кыргызстандын тажрыйбасы изилденип, талданып, окуучулардын жаш өзгөчөлүгүн, балдардын жана педагогдордун коопсуздугун приоритет катары койгон бир нече варианттагы чечимдер кабыл алынат", — деп билдирди маалымат кызматы.

Кеңештин мүчөлөрү беш топко бөлүнүп, төмөнкү багыттар боюнча иш алып барууда:

биринчи топ аралыктан (дистанттык) окутуу мезгилинде ата-энелерге методикалык, психологиялык жардам көрсөтүү боюнча атайын нускаманы иштеп чыгуу боюнча;

экинчи топ башталгыч класстарды окутуунун алгоритмин түзүү боюнча;

үчүнчү топ мектеп мугалимдерине дистанттык окутуунун негиздери, аны туура уюштуруунун жолдору жөнүндө;

төртүнчү топ дистанттык окутуу, электрондук каражаттарды, интернет ресурстарын туура колдонуу жаатында мектеп окуучулары үчүн нускама түзүү боюнча;

бешинчи топ виртуалдык же болбосо онлайн-мектеп жөнүндө керектүү маалыматтарды камтыган колдонмолорду иштеп чыгуу боюнча иштеп жатат.

Министрлик жаңы окуу жылында мектептер кандай иштей турганын айтты

Буга чейин жаңы окуу жылында дистанттык окуу ыкмасы кире турганы боюнча коомчулукта суроо жаралып, ага министрлик жооп берген.

Эске салсак, коронавирус эпидемиясынан улам Кыргызстандагы бардык мектеп окуучулары, студенттер аралыктан билим алышкан. Окуу жылы ошентип дистанттык түрдө аяктаган болчу.

22571
Белгилер:
окутуу, билим берүү, мектеп, Кыргызстан
Тема боюнча
Илимге мектептен тарта багыттоо. КМШда жакынкы 10 жылда ишке ашчу программа

Россияга барчу кыргызстандыктар үчүн чектөөлөрдүн баары алынды

0
(жаңыланган 22:32 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. 21-сентябрдан тарта Россияга барууну каалаган кыргызстандыктар үчүн бардык чектөөлөр алына турганын КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Мындан тышкары, Россияга барчу чет өлкөлүктөр коронавирус жок экенин тастыктаган ПЦР-тестинин жыйынтыгын көрсөтүшү шарт. Тестти жүргүнчү Россиянын аймагына кирген күнгө чейинки үч күндүн аралыгында тапшырышы зарыл.

0
Белгилер:
тест, коронавирус, элчилик, авиакаттам, Кыргызстан, Россия
Бишкектин Жал микрорайонуна асмандан көрүнүш. Архивдик сүрөт

Дүйшөмбүгө карата аба ырайы

37
Синоптиктер 21-сентябрда жаан-чачын болбой турганын маалымдашты. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 20-сен. — Sputnik. Дүйшөмбү күнү, 21-сентябрда, күндүз республика боюнча күн ачык болот. Бул тууралуу Кыргызгидромет билдирди.

Күн сууктайбы? Бир жумага карата аба ырайы

Абанын температурасы Чүй өрөөнүндө +22...+27, Таласта +20…+25, Ош, Жалал-Абад, Баткен облустарында +24...+29, Ысык-Көлдө +16...+21 жана Нарын жергесинде +17...+22 градус жылыйт.

Күндүн табы борборубузда +24...+26, Ошто +25...+27 градуска көтөрүлөт.

37
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы