Россиянын Кыргызстандагы элчиси Николай Удовиченко. Архивдик сүрөт

Элчи Удовиченко: россиялык медиктер вируска каршы күрөшүүгө зор салым кошот

141
(жаңыланган 18:48 23.07.2020)
Дипломат ушул ишембиде Россиянын ӨКМи гуманитардык жардам иретинде медициналык жабдуу алып келерин эске салды.

БИШКЕК, 23-июл. — Sputnik. Россиянын Кыргызстандагы элчиси Николай Удовиченко россиялык дарыгерлердин тобу Кыргызстанда коронавируска каршы күрөшүүдө чечүүчү салым кошоруна ишеним артты.

Буга чейин Кыргызстанга Россиянын Коргонуу министрлигинин аскер дарыгерлери өзүлөрү менен кошо жасалма дем алдыруучу аппарат, кычкылтек концентраторлорун, пульсоксиметр жана зарыл болгон жабдууларды ала келишкен.

Исмаилова: Россиядан бүгүн келген медиктер аймактарга жөнөтүлүшү мүмкүн

Бүгүн Башкыртстандан дарыгерлердин дагы бир тобу келди. Алар Кыргызстандын медициналык мекемелеринде иштеп, кеп-кеңештерин беришет.

Элчи Россия көрсөткөн жардам Кыргызстанда коронавирус апаатынын мизин кайтарууга көмөк болорун белгиледи.

"Жардам Бишкекке эле эмес, башка ири шаарларга, Ысык-Көл жана түштүк аймактарга да берилиши керек. Бул программаны ишке ашыруу эки өлкөнүн президенттери жетишкен макулдашууга ылайык жүргүзүлүүдө", — деди дипломат.

Ушул аптанын ишемби күнү кычкылтек концентратор жана башка жабдуусу бар гуманитардык жүгү менен Россиянын Өзгөчө кырдаалдар министрлигинин (ӨКМ) атайын учагы келери күтүлүп жатканы белгиленди.

"Россиянын ири профилдеги дарыгерлер тобу коронавируска каршы күрөшүүгө бараандуу салым кошот деп ишенем. Бул эки өлкөнүн союздаш мамилесинин далили болуп саналат", — деди элчи.

Удовиченко кыргызстандыктардын меймандостугуна жана россиялык дарыгерлерди жылуу кабыл алганы үчүн өкмөткө алкышын билдирип, биргелешкен иш натыйжалуу болорун кошумчалады.

Россия Кыргызстанга COVID менен күрөшүүгө кандай жардамдарды көрсөткөнү айтылды

Пандемия башталгандан бери Кыргызстанда коронавирус жуктурган 30 326 учур (пневмония менен кошо) катталган. 16 791 адам сакайып, 1 169 жаран каза болгон.

Эске сала кетсек, Саламаттык сактоо министрлиги 17-июлдан тарта Дүйнөлүк саламаттык  сактоо уюмунун классификациясына ылайык коронавирус менен пневмонияны бирге эсепке алуу боюнча чечим чыгарган.

Кыргызстанда июнь айынын орто ченинен тарта коронавирус менен пневмония боюнча абал курчуп кеткен.

141
Белгилер:
Николай Удовиченко, элчи, Россия күнү, гуманитардык жардам, коронавирус, пневмония
Тема:
Коронавируска байланыштуу Кыргызстандагы кырдаал (2907)
Тема боюнча
Исмаилова: Россиядан бүгүн келген медиктер аймактарга жөнөтүлүшү мүмкүн
Россия Кыргызстанга COVID менен күрөшүүгө кандай жардамдарды көрсөткөнү айтылды
Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года

Оштун мэри China Road менен жол куруу боюнча меморандумга кол койду

0
(жаңыланган 20:11 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

0
Мектептеги карантин. Архив

Коронавирустан улам Бишкектеги мектептерде 13 класс жабылды. Тизме

127
(жаңыланган 18:47 27.09.2021)
Жалпысынан 13 класс убактылуу карантинге жабылган. Мэрия ата-энелерден ооруган балдарды мектеп, бала бакчага жибербей коё турууну суранды.

БИШКЕК, 27-сен. — Sputnik. Бишкектин кээ бир мектептеринде окуучулардан коронавирус аныкталгандыгына байланыштуу айрым класстар жабылды. Бул тууралуу мэриянын маалымат кызматы кабарлады.

Билдирмеге караганда, жалпысынан 13 класс убактылуу карантинге жабылган.

Биринчи май району:

  • №48 орто мектебинде бир класс, №70 мектепте бир класс;

Ленин району:

  • №9 мектепте эки класс, №13 мектепте бир класс, №8 мектепте бир класс;

Свердлов району:

  • №11 мектепте бир класс, №38 мектепте бир класс, №4 мектепте үч класс, №65 орто мектебинде бир класс, №66 мектепте бир класс.

Мэрия бекитилген алгоритм боюнча кайсы мектептин окуучуларында коронавирус аныктала турган болсо, класстар жабыларын эскертти.

"Урматтуу ата-энелер, эгер балаңыз ооруп кала турган болсо, аны мектепке же бала бакчага жибербей коё туруңуз. Анткени бала башкаларга да жугузуп, вирусту жайылтышы ыктымал", — деп айтылат маалыматта.

Жабылган класстардын окуучулары аралыктан окуп турары кошумчаланды.

127
Белгилер:
Бишкек мэриясы, коронавирус, окуучу
Тема:
Кыргызстандагы коронавирус
Тема боюнча
Вакцина алган энелердин карынында жаткан балдардан антитело табылды