Новосибирскиден кыргызстандыктар менен кошо гуманитардык жардам келди

© Фото / пресс-служба МИД КРПрибытие авиарейса "Новосибирск–Бишкек"
Прибытие авиарейса Новосибирск–Бишкек - Sputnik Кыргызстан
Жазылуу
208 кыргызстандык менен кошо каттамда жалпы суммасы 700 миң рублдан ашкан медициналык аппараттардан, дары-дармектерден турган гуманитардык жардам келди.

БИШКЕК, 23-июл. — Sputnik. Бишкекке Россиянын Новосибирск шаарынан 208 кыргызстандык келди. Арасында 8 ыктыярчы-медик жана жаш балдар да бар. Бул тууралуу Тышкы иштер министрлигинин маалымат кызматынан кабарлашты.

"Каттамда ошондой эле жалпы суммасы 700 миң рублдан ашкан медициналык аппараттардан, дары-дармектерден турган гуманитардык жардам келди", — деп айтылат маалыматта.

Жүргүнчүлөрдүн тизмеси консулдук тарабынан түзүлүп, ага кош бойлуу аялдар, жаш баласы бар аялдар, улгайган адамдар, Новосибирск клиникаларында операция жасалган адамдар, депортацияланган жарандар жана Сибирь ЖОЖдорунда окуп жаткан кыргызстандык студенттер киргизилген.

Элчи Удовиченко: россиялык медиктер вируска каршы күрөшүүгө зор салым кошот

Тышкы иштер министрлиги билдиргендей, чартердик каттам коронавирус пандемиясынын тушунда чет өлкөлөрдө калган кыргызстандыктарды алып келүү боюнча өлкө жетекчилигинин тапшырмасын аткаруунун алкагында уюштурулду.

Чет мамлекеттерде жүргөн жана мекенине кайтууну каалаган кыргызстандыктарды алып келүү боюнча иштер уланууда.

Жаңылыктар түрмөгү
0