Финпол: Бишкекте кампалардан табылган дары-дармек катылган эмес

© Sputnik / Александр Кряжев / Медиабанкка өтүүОткрытие фармацевтического завода компании "Эвалар" в Бийске
Открытие фармацевтического завода компании Эвалар в Бийске - Sputnik Кыргызстан
Жазылуу
Буга чейин премьер-министр Кубатбек Боронов укук коргоо органдары өтө зарыл болгон дары-дармек катылган кампаларды таап чыгышканын айткан.

БИШКЕК, 23-июл. — Sputnik. Бишкектин кампаларында табылган дары-дармек сатыкка чыкмак. Бул тууралуу Экономикалык кылмыштуулукка каршы күрөшүү мамлекеттик кызматы (Финпол) билдирди.

Эскерте кетсек, буга чейин премьер-министр Кубатбек Боронов брифинг учурунда дары каражаттары катылган эки кампа аныкталганын айткан болчу. Өкмөт башчынын сөзүнө караганда, кампа ээлеринин максаты таңсыктык маалында препараттардын баасын көтөрүү болгон.

Төрага Дастан Жумабеков дарыканаларды кыдырып, бааларды тизмектеп чыкты. Видео

Финпол сотко чейинки иликтөө иштерин жүргүзгөн.

"Тергөө учурунда аталган дары-дармек сатыкка чыгаруу үчүн республиканын аптекаларына жөнөтүлмөгү аныкталды", — деп айтылат маалыматта.

Мамлекеттик кызмат дарыга бааны негизсиз көтөрүүнүн алдын алуу боюнча иштерди улантып жатканын белгиледи. Бүгүнкү күндө бааны кымбаттатуу, дарыканаларда кассалык аппараттарды иштетпей коюу, дарыларды алып сатуу, препараттарды тиешелүү документтерсиз сатуу сыяктуу мыйзам бузуулар аныкталган.

Бишкекте дарыны кымбаттатып саткан шектүү кармалды

Баанын жогорулатылышы боюнча жарандар Финполдун 1955 ишеним телефону аркылуу билдире алат. Мындан тышкары, receivefinpol.gov.kg@gmail.com. дареги да арыздарды кабыл алууда. Ал эми аймактык бөлүм башчылардын телефондору мекеменин сайтында бар.

Жаңылыктар түрмөгү
0