Россиялык дарыгер: КР медицинасы COVID боюнча эң оор учурдан өттү

© Sputnik / Табылды КадырбековДоктор медицинских наук Наталья Пшеничная
Доктор медицинских наук Наталья Пшеничная - Sputnik Кыргызстан
Жазылуу
Адистин айтымында, июль айынын башында россиялык адистер келгенде өлкөдөгү кырдаал бир топ оор экени байкалган.

БИШКЕК, 24-июл. — Sputnik. Кыргызстан саламаттык сактоо системасындагы чыңалуунун жогорку чегинен өттү. Бул тууралуу Роспотребнадзордун Борбордук эпидемиология илим-изилдөө институтунун клиникалык-аналитикалык иштер боюнча директорунун орун басары Наталья Пшеничная Sputnik Кыргызстанга берген маегинде билдирди.

Анын айтымында, июль айынын башында россиялык адистер келгенде өлкөдөгү кырдаал бир топ оор экени байкалган.

"Республикада госпиталдар ачылып, кычкылтекке уланган палаталар көбөйгөнүн, жаңы ооруканалардын курулушу башталганын, ооруканалар багытын өзгөрткөнүн көрүп турабыз. Дарылоо протоколун карап чыгып сунуштарыбызды бердик. Ошону менен катар сиздерде бейтаптарга жардам берүү үчүн даярдалган кадрлар бар", — деди адис.

Элчи Удовиченко: россиялык медиктер вируска каршы күрөшүүгө зор салым кошот

Ошондой эле ал россиялык адистер президент Сооронбай Жээнбеков менен жолукканын кошумчалады.

"Сооронбай Жээнбеков өкмөткө, президентке, медиктерге жана Россиянын лабораториялык диагностика адистерине республикалык деңгээлде жардам көрсөтүп жатканына терең ыраазычылык билдирди. Албетте, биз колубуздан келишинче көмөктөшүүгө ынтызарбыз. Биздин ыктыярчылар канатташ эл үчүн бар күчүн жана билимин жумшап суткасына 24 саат иштеп болсо да жардам берүүгө даяр", — деди Пшеничная.

Мындан сырткары, ал Кыргызстанда коронавирус боюнча кырдаал жогорку чекке жеткендеги абалы башка өлкөлөрдөн жакшы да, жаман да болбогонун белгиледи. Себеби мындай дарт менен дүйнөнүн бардык жеринде дарыгерлер биринчи жолу күрөшүп жаткандыктан жаңы пландарды иш үстүндө түзүүгө туура келген.

Жаңылыктар түрмөгү
0