Морг. Архивдик сүрөт

COVID-19дан өлгөндөрдөн акча жасап... Ошто моргдун үч кызматкерине иш козголду

534
(жаңыланган 18:47 24.07.2020)
Ош шаарынын тургуну каза болгон күйөөсүнүн сөөгүн сойдурбаш үчүн өлүкканадан 20 миң сом сурашканын жазган.

БИШКЕК, 24-июл. — Sputnik. Соттук-медициналык экспертизанын Оштогу бюросунун үч кызматкери коронавирустан өлгөн адамдардын сөөгүн берүүдө пара талап кылууга шектелип кылмыш иши козголду. Бул тууралуу Ички иштер министрлигинин маалымат кызматы кабарлады.

ИИМдин билдиришинче, 20-июлда Ош шаарынын Х.И. аттуу тургуну социалдык тармакка каза болгон күйөөсүнүн сөөгүн сойдурбай берүү үчүн өлүккананын кызматкерлери 20 миң сом сурашканын жазганын белгилейт. Алар акчаны маркумдун баласынан талап кылышкан. Натыйжада ал 10 миң сом берип, кошумча кызматтары үчүн дагы 3 000 сом таштаган. 

Финпол: моргдо маркумдардын жакындарынан акча талап кылган фактылар аныкталды

Ошол эле күнү факт Кылмыш жана жоруктардын бирдиктүү реестрине катталып, КР Жазык кодексинин 203-беренесине ("Алдын ала сүйлөшүү боюнча адамдардын тобу тарабынан пара талап кылуу") ылайык сотко чейинки өндүрүш ачылган.

“22-июлда болжол менен саат 14.00дө Ош шаарынын аймагында Соттук-медициналык экспертизанын Оштогу бюросунун бир кызматкери мурда алган 10 миң сом акчасын маркумдун жубайына кайра алып келип берген. Андан соң Х.И. ал акчаны ИИМдин Ош шаарындагы Тергөө кызматына өз ыктыяры менен өткөрүп берген. Акча далилдүү материал катары катталган”, — деп айтылат маалыматта.

Аталган кылмышка бюронун үч кызматкери шектелүүдө. Алар 53 жаштагы К.А., 46 жаштагы Д.Н. жана 43 жаштагы Н.К. Бул боюнча тергөө жүрүп жатат.

534
Белгилер:
пара, кылмыш иши, кызматкер, өлүккана, Ош
Тема боюнча
Бишкектеги өлүккананын айланасындагы көрүнүш. Видео
Клексан 14 миң сомго чыккан! Бишкекте алып сатарлар кармалды. Сүрөт
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

199
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

199
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

28
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

28
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет