Сууга түшүп жаткан кыз. Архив

Эмгек өргүүсүнө качан чыгуу керек? Адистин пикири

265
(жаңыланган 12:09 25.07.2020)
Жетекчилик кол алдындагы кызматкерлердин эс алууга чыгуу боюнча тизмесин жыл башында эле бекитет. Ошондуктан ар бир кызматкер эмгек өргүүсүнүн убактысын эртерээк аныктап алышы керек.

БИШКЕК, 25-июл. — Sputnik. Жумуш берүүчүгө кызматкерин эмгек өргүүгө январда жана август айында чыгарган пайдалуу. Бул тууралуу РИА Новости Urvista юридикалык компаниясынын башкы директору Алексей Петропольскийдин айтымына таянып кабарлады.

Петропольский белгилегендей, жетекчилик кол алдындагыларынын эс алууга чыгуу боюнча тизмесин жыл башында эле беките алат. Ошондуктан ар бир кызматкер өзүнүн эмгек өргүүсүнүн убактысын эртерээк аныкташы керек.

"Эс алууга чыгуунун эки тарабы бар. Бири — жумуш берүүчү үчүн пайдалуу убакыт, экинчиси — кызматкердин эс алуусуна ыңгайлуу мезгил. Жумуш берүүчүгө кызматкерлерди август айында, иш аз убакта эс алууга чыгаруу пайдалуу. Анткени бул айда көпчүлүк мекемелерде иш аз болот. Мындан улам жетекчилик бул убакта кол алдындагыларын эс алууга жөн эле коё берет", — деди эксперт.

Ысык-Көлдө июлдун этеги менен августта эс алуу канча болот? Баасы жана картасы

Адистин айтымында, бул мезгилде элдин баары эс алып жүргөндүктөн, ыңгайлуу жер табуу кыйынга туруп калат.

265
Белгилер:
кеңеш, эксперт, кызматкер, эмгек өргүү, жумуш
Тема боюнча
Ысык-Көлдүн эс алуучуларына бир катар санитардык эрежелер киргизилип жатат
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

26
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

26
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

31
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

31
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты