Асфальт жол. Архив

Батут сымал... Бишкек мэриясы күлкүгө салган жаңы асфальт боюнча жооп берди

1404
(жаңыланган 13:28 25.07.2020)
Кечээ социалдык тармактарда жүргөн кадрлардан кишилер асфальтты басканда ал ылдый кирип, кайра ордуна келип калганын көрүүгө болот.

БИШКЕК, 25-июл. — Sputnik. Бишкектеги Абдрахманов көчөсүндөгү жаңы веложолдун асфальты анын астындагы суу түтүктүн жарылышынан улам күлкүлүү көрүнүп калган. Бул тууралуу "Бишкекасфальтсервис" ишканасына таянып мэрия билдирди.

Видео "Короче" деп аталган Telegram-каналга жарыяланды.

Кадрлардан кишилер асфальтты басканда ал ылдый кирип, кайра ордуна келип жатканын көрүүгө болот.

Досумбетов: Бишкек — Кара-Балта жолун оңдоо 2021-жылы аяктайт

"Бишкекасфальтсервис" ишканасы окуя болгон замат адистери жөнөп кеткенине ишендирди.

"Текшерүүдө веложолдун астынан өткөн ирригациялык түтүк жарылганы аныкталды. Анын кесепетинен суу топтолуп отуруп, асфальт көтөрүлүп калган. Бүгүн "Бишкекасфальтсервистин" бригадасы түтүктү алмаштырды, жолдун бөлүгү жакынкы аралыкта өз калыбына келет", — деп айтылат маалыматта.

Ишкана шаар боюнча велосипед жолдорун куру аяктап жатканын кошумчалады. Жакында борбордун түндүгү менен түштүгүн байланыштырган ири айланма жол ачылат.

1404
Белгилер:
асфальт, веложол, "Бишкекасфальт" муниципалдык ишканасы, Бишкек мэриясы, Бишкек
Тема боюнча
Мэрия дагы кимден 100 автобус сатып алат. Тендердин жыйынтыгы
Нуска китеп борборунун жетекчиси Анаркан Садыкулова

Садыкулова: жаман китеп болбойт

8
(жаңыланган 12:28 25.01.2021)
"Нуска" китеп борборунун жетекчиси Анаркан Садыкулова "жаман китеп" деген түшүнүк жоктугун,  жаман окурман болушу мүмкүн экендигин айтты.
Садыкулова: жаман китеп болбойт

Китеп жазып жаткан авторлор өзүнүн гана кызыкчылыгын ойлобой, окурмандын пикирин эске алуу менен китептин мазмунуна, түпкүлүгүнө да маани берсе жакшы болот эле. Мындай оюн Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, ар бир китептин өзүнө тиешелүү окурманы болот.

"Жаман китеп болбойт. Биз жерип жаткан китептин ичинде деле тарбия же кандайдыр бир туура багытты көрсөткөн тарабы сүрөттөлөт. Мисалы, бирөөнүн басып өткөн катасы аркылуу башканы оңдогонго болот. Бул китеп жаман деп ыргытып жиберген туура эмес. Бирок китеп жазып, элге пайда келтирем дегендер кичине ойлонуп, түпкүсүнө маани бериши зарыл", — деди Садыкулова.

Маектеш, ошондой эле, жаштар арасында кыргыз адабиятын окугандар абдан аз деген пикирин кошумчалады.

8
Белгилер:
жаштар, билим, китеп
Тема боюнча
Өлкөдө көзү азиздер үчүн окуу китептер басып чыгарылды
Ырчы Анжелика Кайратова. Архив

Анжелика менен кызы реанимацияда. Кичүү кызына бүгүн операция жасалат

196
(жаңыланган 12:30 25.01.2021)
Ырчы Анжелика жана анын кызы, экөө тең, Бишкек шаарындагы  оорукананын кайра жандандыруу бөлүмүндө жатат.

БИШКЕК, 25-янв. — Sputnik. Ырчы Анжелика Кайратованын 5 жашар кызы кечээ, 24-январда, Түп райондук ооруканасынан Бишкектеги Травматология жана ортопедия илим-изилдөө борборуна алып келинди. Бул тууралуу Sputnik Кыргызстан агенттигине аталган оорукананын маалымат катчысы Назгүл Курамаева билдирди.

Анын айтымында, беш жаштагы Бекболиева учурда жандандыруу бөлүмүндө.

"Кыздын эки бутунун тең кашка жиликтери сынып кеткен. Бүгүн операция жасоо пландалууда. Абалы оор", — деди Курамаева.

Ал ырчы Анжелика Кайратованын абалы орточо оор экенин айтып, учурда реанимацияда жатканын кошумчалады.

Белгилей кетсек, ырчынын өзүнө ушул эле ооруканадан кечээ шашылыш операция жасалып, анын жабыркаган омурткалары калыбына келтирилген.

Эске салсак, ырчы 23-январдын таңында кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерден анын 5 жашар кызы жабыркаганы айтылган.

196
Белгилер:
оорукана, операция, жол кырсык, кыз, Анжелика Кайратова
Тема боюнча
Бишкекте унаасы менен кишини коюп качып кетти деген аял кармалды
Бразилияда учак кулап, мелдешке бара жаткан төрт футболчу каза тапты