Өлкө башчы Сооронбай Жээнбеков Бишкек шаарында жугуштуу илдеттер ооруканасынын курулуш иштерин баштоо салтанатына катышты

Жээнбеков Бишкектеги жаңы оорукананын курулушун баштап берди. Сүрөт

264
(жаңыланган 13:53 25.07.2020)
Жаңы медборбор Республикалык клиникалык жугуштуу оорулар ооруканасынын аймагында курулуп баштады. Аны кыска мөөнөттүн ичинде бүткөрүү пландалууда.

БИШКЕК, 25-июл. — Sputnik. Өлкө башчы Сооронбай Жээнбеков Бишкек шаарында жугуштуу илдеттер ооруканасынын курулуш иштерин баштоо салтанатына катышты. Бул тууралуу президенттин маалымат кызматы кабарлады.

  • Президент КР Сооронбай Жээнбеков на мероприятии по закладке капсулы под строительство дополнительной инфекционной больницы в Бишкеке
    Өлкө башчы Сооронбай Жээнбеков Бишкек шаарында жугуштуу илдеттер ооруканасынын курулуш иштерин баштоо салтанатына катышты
    © Пресс-служба президента КР / Султан Досалиев
  • Строительство дополнительной инфекционной больницы в Бишкеке
    Учурда 100 орундуу оорукананын пайдубалы түптөлүп баштады
    © Пресс-служба президента КР / Султан Досалиев
  • Строительство дополнительной инфекционной больницы в Бишкеке
    Жаңы медборбор Республикалык клиникалык жугуштуу оорулар ооруканасынын аймагында тез тургузулуучу конструкция менен курулары айтылат
    © Пресс-служба президента КР / Султан Досалиев
  • Строительство дополнительной инфекционной больницы в Бишкеке
    Аны күзгө чейин бүткөрүү пландалууда
    © Пресс-служба президента КР / Султан Досалиев
  • Строительство дополнительной инфекционной больницы в Бишкеке
    Президент инфекция менен күрөшүүдө стационарлардын салымын белгилеп, ошентсе да жаңы ооруканаларды ишке киргизүү зарылдыгын айткан.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Өлкө башчы Сооронбай Жээнбеков Бишкек шаарында жугуштуу илдеттер ооруканасынын курулуш иштерин баштоо салтанатына катышты

Ага ылайык, учурда 100 орундуу оорукананын пайдубалы түптөлүп баштады.

"Жылуу мезгилде стационарлардын иши жакшы жүрүүдө, эл келип дарыланып жатат. Стационарларга кайрылган бейтаптардын саны азайганы бизди кубандырат. Азыр пандемиянын экинчи толкуну болушу мүмкүндүгү айтылууда. Андыктан биз күзгө жана кышка даяр болушубуз керек. Бул багыттагы иштер жүрүп жатат", — деген Жээнбеков.

Жаңы медборбор Республикалык клиникалык жугуштуу оорулар ооруканасынын аймагында тез тургузулуучу конструкция менен курулары айтылат. Аны күзгө чейин бүткөрүү пландалууда.

Президенттин аманаты. Нарындык дарыгерлерге жардам жиберилди

Президент инфекция менен күрөшүүдө стационарлардын салымын белгилеп, ошентсе да жаңы ооруканаларды ишке киргизүү зарылдыгын айткан.

Мындан сырткары, мамлекеттик-жеке өнөктөштүктүн алкагында кызыкдар инвесторлорду тартуу менен Бишкекте, Ошто жана өлкөнүн бардык аймактарында комплекстүү ооруканалар курула тургандыгын билдирген.

Белгилей кетсек, Бишкектегидей оорукана Ошто дагы курулмакчы.

264
Белгилер:
курулуш, оорукана, Сооронбай Жээнбеков
Тема:
Коронавируска байланыштуу Кыргызстандагы кырдаал (2231)
Тема боюнча
Бишкектин ооруканаларында бош орундар көбөйдү. Тизме
Чаткал районунда 150 орундуу мектептин курулушу башталды
Кишенделген адам. Архив

Кыргызстандан АКШга барган аялдын табышмактуу жоголушу. Сот шектүү күйөөсүн актады

7
(жаңыланган 20:12 22.09.2020)
Кыргызстанда төрөлгөн аял 2012-жылдан бери дайынсыз болууда. Былтыр март айында анын америкалык жолдошу аны өлтүрүүгө шектелип кармалган.

БИШКЕК, 22-сен. — Sputnik. АКШдагы Пенсильвания штатынын аймактык соту Кыргызстанда төрөлгөн Рабихан Сейдерс (өзүнүн фамилиясы Хасанова) аттуу жубайын өлтүрдү деп шектелип жаткан Хэп Сейдерсти актады. Бул тууралуу Associated Press агенттиги жазды.

​Порталдын маалыматына караганда, аял 8,5 жылдан бери дайынсыз жоголгондордун тизмесинде турат. 2012-жылдын март айында анын кызы энеси жоголгонун айтып полицияга кайрылган. Аны акыркы жолу Камберленд графтыгындагы Silver Spring Township шаарчасындагы үйүнө жакын жайгашкан дарыкананын жанынан көрүшкөн. Тергөө органдары анын сүрөтүн бардык полиция участкаларына жиберип, кредиттик карталарына чейин текшеришкен. Мындан сырткары, АКШнын Ички коопсуздук министрлигине кайрылып, Рабихан Сейдерс өлкөдөн чыккан-чыкпаганын сүрүштүрүшкөн. Бирок ушул убакка чейин аялдын тирүү экенинен кабар берген бир дагы далил табылган эмес.

Дайын-дареги билинбей жаткан аял болочоктогу жолдошу менен Атлантик-Ситидеги казинолордун биринде массажист болуп иштеп жүргөн кезинде таанышкан. Кийин экөөнүн мамилеси жакшы болуп, Рабихан анын үйүнө көчүп барган. Хэп Сайдерс тыйын сатып, сейрек кездешкен баалуу металлдарды коллекциялоо менен алектенип келген.

Тергөөнүн версиясы боюнча, Рабиханды күйөөсү өлтүрүп, сөөгүн каминге өрттөп жиберген. Айыптоочу тарап кишинин үйүнүн жалюзиси бир нече күн бою жабык туруп, мешинин морунан кара түтүн чыгып турганын айткан. Мындан тышкары, шектүүнүн үйүндөгү каминдин ичинен адамдын сөөктөрү табылган. Өткөн жылдын март айында жубайын өлтүрүүгө шектелген Сайдерс камакка алынган. Ага жети жыл берилери болжолдонгон.

"Биз Хэп Сейдерс Рабиханды өлтүргөнүн билебиз", — деп аймактык прокурордун жардамчысы билдирген.

Ал эми сотто Сейдерстин адвокаты каминден табылган калдык Рабиханга тийиштүү экенин тастыктоочу ДНК-тест жүргүзүлбөгөнүн белгилеген. Ал ошондой эле соттун жетинчи жыйынында америкалык тергөөчүлөр Рабиханды Кыргызстандан издеп көрбөгөнүн кошумчалаган. Жактоочунун айтымында, Рабихан жолдошунун үч миллион долларын жана алтын куймаларын уурдап качып кетиши ыктымал.

"Ал балээге кабылган аял эмес, ал атайын план түзүп алган аял болгон", — деп билдирген жактоочу.

Натыйжада Хэп Сейдерс бардык айыптоолор боюнча акталып, соттун залынан бошотулган.

7
Белгилер:
адам өлтүрүү, кылмыш, полиция, дайынсыздар, АКШ, Кыргызстан
Тема боюнча
Жолдон жай өткөн киши чыдамы жок айдоочунун огунан мерт кетти. АКШдагы окуя
РФ өкмөт башчысынын орун басары Алексей Оверчук. Архивдик сүрөт

КР РФ эриш-аркак жылын жыйынтыктоону 2021-жылга жылдыруу сунушталды

52
(жаңыланган 17:29 22.09.2020)
РФ вице-премьери пандемиянын айынан пландалган 220 иш-чаранын көпчүлүгү өткөрүлбөй калганын белгилеген.

БИШКЕК, 22-сен. — Sputnik. Кыргызстан менен Россиянын эриш-аркак жылына арналган иш-чаралардын бир бөлүгү 2021-жылга жылдырылат. Бул тууралуу РФ өкмөт башчысынын орун басары Алексей Оверчук билдирди.

Бишкекте соода-экономика, илимий-техникалык жана гуманитардык кызматташтык боюнча кыргыз-россия өкмөттөр аралык комиссиясынын 22-жыйыны өтүп жатат. Оверчук бүгүнкү сүйлөшүүлөр кыргыз-орус кызматташтыгын жогорку деңгээлге чыгарууга өбөлгө болоруна ишенерин айтты.

Бакашева: эриш-аркак жылдын алкагында мерчемделген 30дай иш-чара жылды

Ал пандемиянын айынан пландалган 220 иш-чаранын көпчүлүгүн өткөрүүгө мүмкүнчүлүк болбой калганын белгилеген.

"Мамлекеттик органдар бул багытта тыгыз иш алып барышыбыз керек. Кырдаалды эске алуу менен эриш-аркак жылынын жабылышын 2021-жылга жылдырууну сунуштайбыз", — деди Оверчук.

Өз кезегинде Кыргызстандын вице-премьери Эркин Асрандиев мындай сунушту колдоп, абал турукташкандан кийин ири иш-чараларды өткөрүүгө шарт түзүлөрүнө үмүт артты.

52
Белгилер:
Кыргызстан, Россия, иш-чара
Тема:
Кыргызстан менен Россиянын эриш-аркак жылы
Тема боюнча
Бишкекте Кыргыз-Россия өкмөттөр аралык комиссиясынын жыйыны башталды
Кыргыз-орус өкмөт аралык комиссиянын отуруму. Тексттик баяндама
Комуздун коштоосундагы орусча ырлар. Бишкекте Россия күнү белгиленди. Видео