Нарын облусу боюнча ыктыярчы, 20 жаштагы Нурайым Шамшыбекова

Ата-энем COVID жуктуруп алган соң ишке кириштим. Нарындык ыктыярчы кыздын маеги

1578
(жаңыланган 15:42 27.07.2020)
Нарын облусунда эпидемия маалында активисттер тарабынан ыктыярчылардын башын бириктирген "Биз биргебиз" элдик штабы түзүлгөн.

Аталган штабдын ыктыярчылары пандемия маалында Нарын шаарынын тургундарына жана облустун жашоочулары үчүн бир топ иштерди жасап жатышат. Sputnik Кыргызстан агенттиги Нарын облусу боюнча ыктыярчы, 20 жаштагы Нурайым Шамшыбекова менен чакан маек курду.

— Пандемияда кандайча ыктыярчы болуп калдыңыз?

— Мен 7-класстан бери эле Нарын шаарындагы "Лидер клуб" деген ыктыярчылар тобунда иштечүмүн. Нарын шаарынан мектепти бүтүп, Бишкектеги Юридикалык академияга тапшыргам. Азыр 2-курста окуйм. Карантин башталганда Нарынга келип, үйдө бош болуп калдым. Анан ата-энем вирус жуктуруп ооруп калышты. Ошентип шаардагы абалды көрүп, "Лидер клуб" ыктыярчылар тобунун мүчөлөрүн чогултуп, демөөрчүлөрдү таап, элге жардам берели деген тилекте иштеп баштаганбыз.

Волонтер из города Нарын Нурайым Шамшыбекова
© Фото / Болотбекова Асель
20 жаштагы Нурайым Шамшыбекова "Биз биргебиз" ыктыярчылар тобунун мүчөлөрү менен биргеликте демөөрчүлөрдү таап, элге жардам берүүдө

— Азыр эмне иштерди жасап жатасыздар?

— Башында өзүбүзчө иштеп жүрдүк. Нарында алгач алты күндүзгү стационар ачылган. Ошол жакта иштеген медиктерди тамак-аш менен камсыздап жаттык. Анан Нарындагы ыктыярчылар, активисттер баары биригип "Биз биргебиз" деген элдик штаб ачып, ага бизди да чакырышкан. Азыр баары жакшы. Көп демөөрчүлөрдөн дары-дармек, каражаттар келди. Муктаждыгына карап бейтаптарга бекер дары-дармек берип жатабыз. Бизде беш кычкылтек концентратору бар. Үйүндө дарыланып жаткандарга дем жетпей калганда, алып барып эки-үч саатка туташтырып сатурациясын көтөрүп беребиз. Мобилдик топтор түзүлгөн эмес. Ага муктаждык жок.

Элди мобилизациялай алдык. Баткендеги ыктыярчылар кантип жардам берүүдө

— Нарын шаарында эпидемиологиялык абал кандай болуп калды?

— Кудайга шүгүр, Нарын шаарынын өзүндө азыр мурункуга караганда абал бир топ жеңилдеди. Рентгенге түшкөндө да кыйынчылык жаралган жок. Негизи шаар боюнча жети стационар ачылган. Алтоо күндүзгү, бирөө түнкү. Учурда киши келбегендиктен бир күндүзгү жана түнкү стационар жабылды. Калган стационарларда күнүнө эң көп дегенде 30дан, айрымдарына 3-4кө чейин бейтап кайрылып турушат. Алардын басымдуу бөлүгү келип ийне, тамчылатма ийне сайдырып кеткендер. Бирок ооруканаларда дагы деле орун жетишсиз. Жалпысынан абал туруктуу, башаламандык жок.

— Аймактардачы?

— Шаарда абал жеңилдеп, эми аймактарды кыдыралы деп жатабыз, бирок байланышта болуп турдук. Мисалга, башка райондордон керектүү дары боюнча бизге кабарлашса, такси аркылуу берип жиберебиз. Эгер бир кутудан көп болсо анда жеткирип барабыз. Кечээ эле Ак-Талаа районуна барып келдик. Ал жакта да акыбал жакшыргандыгын айтышты. Райондун борбору Баетов айылына эки стационар ачылган. Ал стационарларда укол алуу үчүн келген үч-төрттөн эле киши жатканын көрдүк.

— Жумгалда азыр вирус жуктургандар көбөйгөнүн айтып жатышат...

— Байкашымча азыр Ат-Башы, Жумгал, Кочкор районунда оору жуктургандардын саны көбөйгөн окшойт. Анткени дары сурап кайрылгандардын саны арбыды. Ошол себептен райондорду кыдыралы деп жатабыз. Врачтын көрсөтмөсү менен бекер дары-дармек берилет. Анткени айрымдар кошунасы клексан сайдырып сакайып кетсе, ал да ошону сурай берет экен. Арасында оорубаса деле дарыны үйүнө чогулта бергендер кездешүүдө. Ошол себептен облусту бүтүндөй кыдырып, элге жакындан жардам берели деп жатабыз.

Волонтер из города Нарын Нурайым Шамшыбекова (в центре)
© Фото / Болотбекова Асель
Нурайым Шамшыбекова: Нарын шаарынын өзүндө азыр мурункуга караганда абал бир топ жеңилдеди. Рентгенге түшкөндө да кыйынчылык жаралган жок. Бирок ооруканаларда дагы деле орун жетишсиз.

— Облуста дары-дармектин тартыштыгы анчалык сезилбептир. Демөөрчүлөрдү каяктан таап жатасыздар?

— Негизинен Нарындагы бардык райондордо дары-дармекке өтө деле таңсыктык байкалбайт. Жетиштүү эле. Бир гана Ат-Башы районунун айылдарынан дары сурагандар көп. Ушул райондо препараттар тартыш болуп жатат. Ал эми демөөрчүлөр негизинен Нарын шаарынын тургундары болууда. Бишкектен да жардам бергендер бар.

Пол жууп болсо да кол кабыш кылып кетчүмүн. Ысык-Көлдөгү ыктыярчылардын мээнети

— Облуста медиктер жетиштүүбү?

— Айрым медиктердин ооруп калгандыгын эске албаганда жалпысынан облуста дарыгерлер жетиштүү. Ыктыярчылар тарабынан медиктерге тамак-аш таратуу уюштурулган. Эл интернет аркылуу врачтын кеңешин онлайн алып туруусу үчүн Тelegram тайпа ачканбыз.

— Эл дагы кооптонуп, коомдук эрежелерди сактап калыштыбы?

— Ооба, эл азыр коронавирустан коркуп калды. Нарын шаарында кадимкидей бет кап тагынып, банкка окшогон коомдук тейлөөчү мекемелерге барганда да аралык сакталууда. Отургучтар бир метр аралыкта коюлуп, кароолдогулар байкап турушат. Тартипти бузгандарга дароо эскертүү берилет. Айылдарда да эл көп чогулган жерлерге бет кап кийип барып калган.

1578
Белгилер:
бейтап, эл, коронавирус, ыктыярчылар, Нарын облусу
Тема боюнча
Кыйналып кеттим, кантип туруштук бере алам? Ыктыярчы кыздын каты
Пакистандык студент: мурдумду сындыра сабашты, ошентсе да ыктыярчылыкты таштабайм
ИИМ: ыктыярчы кыз сактай албай калдык деп ыйлаган киши өлгөн эмес. Видео
Мектептеги окуучулар. Архив

Кыргызстанда окуучулар кайсы айда мектепке барары айтылды

5280
(жаңыланган 22:40 30.09.2020)
Мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

БИШКЕК, 30-cен. — Sputnik. 2020-жылдын 6-октябрынан тарта 1-класстан 6-класска чейинки окуучулар жалпы билим берүү мекемелеринде салттуу түрдө окуй баштайт. Мындай чечим Республикалык ыкчам штабдын отурумунда кабыл алынды.

Маалыматка караганда, 2020-2021-окуу жылында 1-6-класстын окуучулары үчүн билим берүү процессин реалдуу режимде жандандырууда санитардык-гигиеналык нормаларды сактоо боюнча иш-аракеттердин алгоритми иштелип чыкты. 

Ага ылайык, окуучулардын жана мугалимдердин ден соолугу медицина кызматкерлери тарабынан көзөмөлдөнүп, мугалимдердин дене табы өлчөнүп турууга жана бет кап режимин сактоого тийиш. Окуучулар окуу процессинде аралыкты сактоо менен отургузулат. Алар колдорун бат-бат жууп турушу үчүн тиешелүү каражаттар менен камсыз кылынат.

3D китебинин автору: оюн түрүндөгү "Ойнобук" баланын акылын өстүрөт

Ошондой эле кызматкерлердин, үй-бүлө мүчөлөрүнүн ден соолугу, аларда илдеттин белгилеринин бар-жогу боюнча анкета толтурулуп турат.

“Эгерде мектепте окуучулардын саны 200гө чейин болсо, план боюнча бекитилген расписаниеге ылайык кадимки режимде окуу процесси уюштурулат. Ал эми балдардын саны 350гө чейин болсо, ийкемдүү расписание боюнча окутулат. Тагыраагы, сабактардын башталышы жана тыныгуулар ар кандай убакытта уюштурулат. Мисалы, 1-2-класстарда сабак 8.00дө башталса, 3-4-класстар саат 8.30га келишет. Балдардын саны 500гѳ чейин болсо, кезектешүү негизде болот. Мисалы, 1-2-3-класстар 1-кезметте, 4-5-6-класстар 2-кезметте окушат. Ашканада тамактануу процесси да смена боюнча уюштурулат”, — дешти штабдан.

Муну менен катар мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

Ал эми мектеп балдар келгенге чейин дезинфекцияланууга тийиш. Бирок бул иш-чарада пайдаланыла турган каражаттардын концентрациясы белгиленген өлчөмдө гана колдонулат.

5280
Тема:
Коронавируска байланыштуу Кыргызстандагы кырдаал
Тема боюнча
5-октябрдан тарта башталгыч класстар мектепке барып окуйбу? Расмий жооп
Кол чатыр көтөргөн кыз. Архив

Бейшембиге карата аба ырайы

125
(жаңыланган 21:03 30.09.2020)
Бейшембиге караган түнү айрым райондордо жамгыр жаап, тоолуу өрөөндөрдө кар жаашы күтүлөт.

БИШКЕК, 30-сен. — Sputnik. 1-октябрь, бейшембиде, күндүз Талас облусунун кээ бир райондорунда, Ысык-Көл, Нарын жергесинин көпчүлүк аймактарында, Чүй, Ош, Жалал-Абад, Баткен облустарынын тоо этектеринде жамгыр жаап, тоолуу жерлерге кар түшөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Жер көчкөн Кара-Кече көмүр кенине электр жарыгы берилди. Сүрөттөр

Абанын температурасы Чүйдө +14...+19, Талас, Нарын жана Ысык-Көл аймактарында +12...+17, Ош, Жалал-Абад, Баткен облустарында +16...+21 градус болот.

Термометрдин көрсөткүчү борбор калаабыз Бишкекте +17...+19, Ош шаарында +18...+20 градусту көрсөтүп турат.

125
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео