Жол белгиси. Архив

Бүгүндөн баштап Токтогул көчөсүнүн бир бөлүгү бир айга чейин жабылат

75
(жаңыланган 11:59 27.07.2020)
Автоунаалар бир тилке менен гана жүрө алышат. Мындан улам ишкана айдоочуларды алдын ала башка жолдорду тандап алууга чакырды.

БИШКЕК, 27-июл. — Sputnik. Токтогул көчөсүнүн Орозбековдон баштап Панфилов көчөсүнө чейинки бөлүгү бүгүндөн тарта жабылат. Бул тууралуу "Бишкек жылуулук түйүнү" ишканасынын маалымат кызматы кабарлады.

Буга чейин аталган көчөдөгү кыймыл 27-июлдан 30-августка чейин ремонт иштеринен улам чектеле турганы айтылган. Билдирмеге ылайык, аталган бөлүктө жылуулук түйүндөрүн күз-кышкы мезгилге даярдоо иштери жүрөт.

Батут сымал... Бишкек мэриясы күлкүгө салган жаңы асфальт боюнча жооп берди

Ишкана айдоочуларды кошумча башка жолдор менен жүрүүгө чакырып, келтирген ыңгайсыздык үчүн кечирим сурады.

75
Белгилер:
ишкана, көчө, ремонт, Бишкек, Кыргызстан
Тема боюнча
Досумбетов: Бишкек — Кара-Балта жолун оңдоо 2021-жылы аяктайт
Курулуш иштери. Архив

Алайда спорт зал менен ашкана курууда акча уурдалып, курулуш токтоп калган

11
(жаңыланган 13:15 25.01.2021)
Орто мектептин спорт залы менен ашканасын куруу үчүн мамлекет тарабынан өз убагында акча бөлүнүп берилсе да, 5 жылдан бери курулуш иши бүтпөй жатканы аныкталган.

БИШКЕК, 25-янв. — Sputnik. Алай районунун Сары-Могол айылында жайгашкан орто мектепке спорт зал жана ашкана куруу үчүн мамлекеттен бөлүнгөн акчанын бир бөлүгү уурдалып кеткен. Бул туурасында Башкы прокуратурадан билдиришти.

Маалыматка ылайык, курулуш иштерин баштоо үчүн 2015-жылы тендер өткөрүлүп, жеңүүчү компанияга 24 млн. 202 миң 850 сом алдын ала төлөнгөн.

"Ош облустук капиталдык курулуш башкармалыгы тарабынан жеңүүчү компанияга акча каражаты толугу менен которулуп, бирок 5 жылдан бери аталган орто мектептин спорт залын жана ашканасын куруу иштери токтоп калган. Натыйжада мамлекетке 6 млн. 382 миң 225 сомдук материалдык зыян келтирилген", — деп жазылат маалыматта.

Текшерүүнүн жыйынтыгында райондук прокуратура тарабынан аталган факт боюнча Жазык кодексинин 320-беренесинин 2-бөлүмү ("Кызмат абалынан кыянаттык менен пайдалануу") менен сотко чейинки өндүрүш иши башталган.

11
Белгилер:
Алай району, прокуратура, курулуш, мектеп
Тема боюнча
Финпол: Балыкчыга камера орнотууда 3 млн. сом сол чөнтөккө солонгон
Белгилүү балдар хирургу Талант Өмүрбеков. Архив

Пневмония болгон хирург Талант Өмүрбековдун абалы айтылды

26
(жаңыланган 13:08 25.01.2021)
Өмүрбеков өткөн жумада эки тараптуу пневмония менен ооруканага түшкөн. Абалы оор болгондуктан дароо жандандыруу бөлүмүнө жаткырылган.

БИШКЕК, 25-янв. — Sputnik. Республикалык жугуштуу илдеттер ооруканасына түшкөн белгилүү балдар хирургу Талант Өмүрбековдун абалы тууралуу Sputnik агенттигине аталган медициналык жайдын жетекчиси Гүлжигит Аалиев маалымат берди.

Эске салсак, Өмүрбеков 19-январда эки тараптуу пневмония менен оор абалда ооруканага жаткырылган.

"Акыбалы турукташып калды. Бирок дагы деле жандандыруу бөлүмүнөн чыга элек", — деди Аалиев.

Талант Өмүрбеков Кыргызстанга таанымал дарыгер. Ал Бишкек шаардык Тез жардам балдар клиникалык ооруканасынын мурдагы дарыгери, Иса Ахунбаев атындагы медициналык академиянын балдар хирургиясы кафедрасынын жетекчиси, профессор, медицина илимдеринин доктору.

26
Белгилер:
оору, абал, пневмония, хирург, Гүлжигит Аалиев, Талант Өмүрбеков
Тема боюнча
Анжелика менен кызы реанимацияда. Кичүү кызына бүгүн операция жасалат
Автоунаа жол кырсыктан кийин. Архив

Ысык-Көлдө унаа бакты сүзүп, бир аял каза тапты. Жеринен тартылган сүрөт

31
(жаңыланган 13:28 25.01.2021)
Mercedes-Benz Sprinter жолдон чыгып кетип бакты сүзгөн. Унаа ичинде айдоочу жана 17 жүргүнчү болгон.

БИШКЕК, 25-янв. — Sputnik. Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти.

Mercedes-Benz Sprinter съехал с дороги и врезался в дерево на автодороге Каракол — Бишкек, недалеко от села Курмонту Тюпского района. 24 января 2021 года
© Sputnik
Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти

Жол кырсыгы Каракол — Бишкек унаа жолунда, Түп районундагы Күрмөнтү айылынан анча алыс эмес жерде болгон.

"Mercedes-Benz Sprinter жолдон чыгып кетип бакты сүзгөн. Анын ичинде айдоочу жана 17 жүргүнчү болгон. Кырсыктын кесепетинен бир аял көз жумду”, — деп айтылат маалыматта.

Жаракат алган жети киши тийиштүү жардам алып жатат. Алардын арасындагы алты жаштагы бала реанимацияда болсо, калгандары палатада.

31
Белгилер:
жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Анжелика менен кызы реанимацияда. Кичүү кызына бүгүн операция жасалат