Йога менен машыгып жаткан кыз. Архив

Белдин ичкелиги, кан басым... Ден соолуктун бекемдигинен кабар берчү белгилер

941
(жаңыланган 16:39 27.07.2020)
Дарыгер кайсы белгилерден улам адамдын ден соолугу мыкты деп айтууга болорун санап берди. Тизмеде белдин жоондугу тууралуу маалымат бар.

БИШКЕК, 27-июл. — Sputnik. Россиялык бегилүү дарыгер Александр Мясников кайсы белгилерден улам адамдын ден соолугу жакшы экенин билсе болорун "Россия 1" https://russia.tv/ телеканалынын эфиринде айтып берди.

Адис төрт көрсөткүчтү санап өткөн. Алар:

  • кан басымы;
  • кандагы холестериндин деңгээли;
  • кандагы канттын деңгээли;
  • белдин жоондугу.

Мясников кененирээк белге токтолду. Эркек кишинин белинин жоондугу 102 сантиметрден, аялдардыкы 88 сантиметрден ашпашы керек. Мындан көп болуп кетсе жүрөк жана негизинен эле ден соолук жабыр тартары белгиленди.

Байкаарың менен медикке кайрыл! Семирип кетүүнүн үч белгиси

Дарыгердин айтымында, белдин өлчөмүнө толуктарга караганда арык кишилер эки эселеп көбүрөөк көңүл бурушу зарыл. Анткени чоң курсак инсульт, рак жана диабет илдеттерине кептеши мүмкүн.

941
Белгилер:
норма, кеңеш, дарыгер, ден соолук
Тема боюнча
Кант диабетинин алгачкы белгиси айтылды
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

19
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

19
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты
Талаада жайылган койлор. Архив

Жумага карата аба ырайы

14
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

14
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары