Тамак аш. Архив

COVID-19дан жаңы сакайган киши кандай тамак жеш керек. Адистин кеңеши

1264
Илдеттен айыккан адам тез калыбына келүү үчүн туура тамактануусу зарыл. Ошондой эле көбүрөөк уктап, жылуу кийинип жүргөнү жакшы.

БИШКЕК, 28-июл. — Sputnik. Коронавируска кабылгандар сакайгандан кийин ден соолугун кантип калыбына келтириши керектигин Саламаттык сактоо министрлигинин Республикалык ден соолукту чыңдоо жана массалык коммуникация борборунун директору Нурила Алтымышева брифинг учурунда түшүндүрүп берди.

Адистин айтымында, оорунун орточо жана өтө оор формаларынан сакайган адамдарга калыбына келүүгө бир топ убакыт талап кылынат. Бул аралыкта алар алсырап, демигип бат чарчайт. Ошондой эле киши мурда кылып жүргөн нерселерди жасай албай, тез эле чаалыгып калат.

Бул күндөрү адам тамак-ашына өзгөчө көңүл буруусу керек. Мисалы, белок жана витаминдерге бай азыктар организмди тез арада калыбына келтирет.

Инфекционист: вирус менен алгач организм күрөшөт, 5 күн дары ичпеш керек

"Айран жана дүкөндүн кефири ичеги-карындын ишин жакшыртат. Майы жок уй эти менен канаттуу этин кайнатып жеш керек. С витаминине бай лимон, болгар калемпири, карагат, шпинат, петрушка өтө пайдалуу. Суусундуктан жалбыз, ит мурун, шалфей кошулган чай, компот жана морсторду ичүү керек", — деди Алтымышева.

Ал эми куурулган, ышталган, өткүр даамдуу тамактардан убактылуу алыс болгон туура. Туз, кант жана ачуу калемпирден дагы баш тартуу керек. Мындан тышкары, коронавирустан жаңы сакайган адамга чылым, ичимдик жана газдалган таттуу суусундуктар эки эсе зыян алып келери кошумчаланды.

Ошондой эле адис сегиз сааттан кем эмес уктоону жана мурдагыдай эле бардык санитардык нормаларды карманууну сунуштайт.

Өпкөмдүн 80 пайызы жабыркаптыр. Пневмониядан сакайган жигиттин маеги

Баса, вирустан кийин адам чыйрыкпоого, суук тийгизип албоого аракет кылышы керек.

COVID-19дан кийинки ар бир органдын иши, иммунитет жана спорт менен алектенүүнүн жол-жобосу тууралуу кененирээк Sputnik Кыргызстан даярдаган макаладан окусаңыз болот.

1264
Белгилер:
тамактануу, бейтап, ден соолук, коронавирус
Тема:
Кыргызстандагы коронавирус жуктуруп алгандар (1457)
Тема боюнча
Пульмонолог: коронавируска чалдыккан адамга саамал кооптуу
COVID менен ооругандан кийин организмди кантип чыңдоо керек. 5 суроого жооп
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

28
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

28
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат
Айыл чарба, тамак-аш өнөр жайы жана мелиорация министри Тилек Токтогазиев. Архив

Депутат министр Токтогазиевдин бет капчан мал базар кыдырганын сынга алды

62
(жаңыланган 13:50 03.12.2020)
Парламенттин жыйынында тирүү малдын сатылышына коюлган чектөөгө бир нече депутат каршылыгын билдирди.

БИШКЕК, 3-дек. — Sputnik. Жогорку Кеңештин депутаты Бейшеналы Нурдинов айыл чарба, тамак-аш өнөр жайы жана мелиорация министри Тилек Токтогазиевдин ишин сынга алды.

Ал тирүү малды үчүнчү өлкөгө чыгарууга тыюу салынышына каршы экенин билдирип, министрге суроо узатты. Төмөндө экөөнүн диалогу сунушталат.

— Мал базарга бет кап тагынып жашынып бардым деп айтыпсыз, ошол туурабы?

— Баасын билиш керек да...

— Андай туура эмес. Андан көрө "мен баратам" деп айтып коюп, чыкыйып костюм-шым кийип алып, эл менен жолугуп кел. Ат-Башыга барып келчи, эмне деген сөз угат экенсиң.

— Жок, андан кийин бет капты чечип барып дагы эл менен сүйлөштүм.

— Чечпей эле бар түз эле.

Токтогазиев жылмайып гана тим болду.

Ал эми Нурдинов эгер депутаттардын укугуна кирсе, ушул тыюу салган мыйзамды добуш берүү менен жокко чыгарып салууну сунуштады.

Вице-спикер Мирлан Бакиров ал мыйзам эмес токтом экенин айтып, бул боюнча өкмөткө сунуш берсе болорун түшүндүрдү.

Жыйында тирүү малдын сатылышына коюлган чектөөгө башка дагы бир нече депутат каршылыгын билдирди.

Токтогазиев аларга жооп берип жатып этти экспорттосо болорун белгилеп, азыр аны сөгүп жаткандар бир жылдан кийин рахмат айтып келерин билдирди.

62
Белгилер:
мал, чектөө, Тилек Токтогазиев
Тема боюнча
Мал арзандады. Өлкөнүн ири базарларындагы баага саресеп