Министрлик онлайн кабыл алуунун 2-туруна катышчу бүтүрүүчүлөргө эскертти

© Pixabay/ StockSnap / StockSnapНоутбукта иштеп жаткан кыз. Архив
Ноутбукта иштеп жаткан кыз. Архив - Sputnik Кыргызстан
Жазылуу
Азыркы тапта жогорку окуу жайларга онлайн кабыл алуунун II туру өтүүдө. Ал эми III тур 1-8-август күндөрү болот.

БИШКЕК, 31-июл. — Sputnik. Билим берүү жана илим министрлиги ЖОЖдорго онлайн кабыл алуунун 2-туруна катышып жаткан бүтүрүүчүлөргө билдирүү таратты.

"Урматтуу абитуриент, сиз 1-август саат 17:00гө чейин сунушталган окуу жайда билим ала турганыңызды тастыкташыңыз керек. Эгер ал окуу жайдан билим алгыңыз келбей калса, айтылган убакытка чейин жиберген өтүнмөңүздү кайтарып алууңуз шарт. Бул учурда сиз III турга катыша аласыз", — деп айтылат маалыматта.

Министрлик 2-турда билим алчу окуу жайын тандап аныктаган абитуриент 3-турга катыша албай турганын кошумчалады.

Өлкөнү силерге өткөрөбүз! Президент бүтүрүүчүлөргө алтын сертификат тапшырды

Эске салсак, быйылкы жылы бүтүрүүчүлөр жогорку окуу жайларга онлайн тапшырууда. Азыркы тапта онлайн кабыл алуунун 1-туру бүтүп, экинчи туру өтүүдө. Ал 1-августта аяктайт. Ал эми 3-тур 1-августтан 8-августка чейин уюштурулат.

Жаңылыктар түрмөгү
0