Йога машыктыруучусу Нуркыз Кадырбаева

Бактылуу болууну эч жерде үйрөтпөйт. Йога машыктыруучусу Кадырбаеванын маеги

493
(жаңыланган 16:34 01.08.2020)
Туура дем ала билүү ден соолукту гана чыңдабастан, адамдын кулк-мүнөзүн да калыптандырат. Ушундай ойду карманган Нуркыз Кадырбаева йога боюнча бишкектиктерди залда да, онлайн да машыктырып келет.

28 жаштагы Нуркыз учурда Индиядагы йога мектебинде инструкторлорду онлайн даярдоо программасы менен да иштешүүдө. Кыргызстанда үч тилде йога класстарын ачуу планы бар. Айтмакчы, маектешибиз бул багытта Балиде окуп, эл аралык сертификат алып келген. Машыктыруучу менен журналист Айнагүл Сапарбек кызы маектешти.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Йога машыктыруучусу Нуркыз Кадырбаева: Ар бир адам көңүлүнө төп келчү нерселерди издейт эмеспи. Йога менен “таанышууда” эле жыйынтыкка басым жасабастан, мага дал процесстин өзү жагарын түшүндүм.

— Йогага кызыгуу кандайча жаралды?

— Биринчи жолу йогага 2016-жылы баргам. Башынан аягына чейин, айтор ар бир көнүгүүдөн ырахат алгам. Өзүңдүн денеңди, көнүгүү кандай таасир этип жатканын туюп турат экенсиң. “Шавасана” деп коет, аягында беш мүнөттөй денеңди бош коюп эс аласың. Өзгөчө ошону менен жыйынтыкталганы жаккан.

Пандемия тааныткан чындык: дарыгерлерге спорт менен машыгып жардам берүү зарыл

Ар бир адам көңүлүнө төп келчү нерселерди издейт эмеспи. Йога менен “таанышууда” эле жыйынтыкка басым жасабастан, мага дал процесстин өзү жагарын түшүндүм. Кызыгып калып, калтырбай барып жүрдүм. Ал убакта йога машыктыруучу болом деген деле ой жок болчу. Өзүм үчүн гана барчумун.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Нуркыз Кадырбаева: машыктыруучу болуу үчүн көнүгүүлөрдү туура аткарып, туура көрсөтүп бергенден сырткары элге жеткиликтүү сүйлөп, аудитория менен иштөөнү, адамдарды түшүнө билүү зарыл экен.

— Машыктыруучулукка кантип кириштиңиз? Сырттан атайын окуп келген экенсиз...

— Дубайда иштечүмүн ал кезде. Жумушума же жашаган жериме жакынын издеп, улам ар кандай йога студияларга барып жүрдүм. Калтырбай машыга берсең, анын турмушуңа да тийгизген таасири байкалат. Негизи табиятымдан позитивдүү адаммын, бирок бир өңчөй турмуш сүрө берсең, умтулуу жоголо баштайт, шыктандырчу нерселер азаят. Йога менен машыга баштагандан кийин көп нерсе жакшы жагына өзгөрдү. Маанайым дайым ачык, активдүү болуп, тез ойлонуп, пландарым да шыр аткарыла баштады. Ушул тарабы мени ого бетер шыктандырды.

Коронавирустан айыккандан кийин спорт менен машыкса болобу? Адистин кеңеши

Бир күнү курбу кызым Балиге йога-ретритке (тыш дүйнөдөн обочолоно йога дүйнөсүнө сүңгүү – ред.) барып келүүнү сунуштап калды. Ошондо негедир йога машыктыруучулукту өздөштүрүп алсамбы деген ой келди. Ал үчүн көнүгүүлөрдү туура аткарып, туура көрсөтүп бергенден сырткары элге жеткиликтүү сүйлөп, аудитория менен иштөөнү, адамдарды түшүнө билүү зарыл экен. Бул багытта тажрыйбам бар эле. Элге пайдалуу нерселерди түшүндүрүп, жардам бергенге ашыгам. Кызыгуум ого бетер арта түштү. Машыктыруучу болууга жөндөмүм да, кызыгуум да төп келди. Ошентип бул багытты үйрөнүү үчүн Индонезияга бет алгам. 2019-жылы Балидеги индия мектебинде окуп келгем. Сертификаттары 80, 100 сааттык деп бөлүнөт экен, мен 200 саат сабак алгам. Йога комюнитиде катталган эл аралык машыктыруучу болуп саналам.

Андан тышкары, жакында эле ошол мектептеги окутуучуларымдын бири инструкторлорду онлайн даярдоочу программага чакырды. Ага дүйнөнүн булуң-бурчунан машыктыруучу болгусу келгендер катыша алат. Пандемия басаңдаса, Индияда орус тилдүү группаларды да ачуу аракети көрүлмөкчү.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Машыктыруучу Нуркыз Кадырбаева: йога менен каалаган убакта машыгууга болот, тамак ичкенден кийинки учурдун баары ылайыктуу

— Йога менен кайсы убакта машыккан оң? Таңдабы, күндүзбү же кечке маалбы?

— Каалаган убакта. Башкысы, тамактан кийин буга киришпеңиз. Албетте, таңда йога менен машыксак, артыкчылыгы арбын. Биринчиден, эрте туруп, убакыт узарат. Күндөн энергия алып, жаңы күндү чыйрак, сергек баштайсың. Бирок ар кимдин өз өзгөчөлүгүнө жараша, айрымдар кеч турат, денеси да кеч ойгонот. Көнүгүү жасаганда кыйналышат, анткени булчуңдар да ойгоно элек кез. Шарты болсо, алар күндүз абдан активдүү көнүгүүлөрдү аткарышса болот. Кечке маал көбүнесе өткөн-кеткенди унутуп, артынып жүргөн көңүл жүктөрүнөн арылып, уйкуга даярдай турган көнүгүүлөргө басым жасаган оң.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Йога машыктыруучусу Нуркыз Кадырбаева: Оор көнүгүүлөрдү өзүңдү кыйнап, тырышып жасай бергенге болбойт. Денеңдин мүмкүнчүлүгүнө гана жараша, кайсы деңгээлде турсаң, ошол жерден гана акырындык менен улайсың.

— Йоганын кандай пайдаларын атайт элеңиз?

— “Денеси соонун — руху бекем” деп коюшат эмеспи, денебиз чымыр, саламаттыгыбыз чың болуп турганда гана алдыга жылыш болот. Көнүгүүлөр менен дене чыңдалып, медитация аркылуу ойлор тазаланып, иреттелип, анан өнүгүүгө жол ачылат. Ушул нерселерге алпарчу кадамдардын бири — йога. Йоганын түрлөрү көп. Негизги, классикалык түрү катары хатха йоганы карашат. Аштанга йогада көп көнүгүүлөр кайталанат. Анткен сайын ал курчуйт, мааниси да тереңдейт. Ар бир көнүгүүнүн өз пайдасы бар. Бирөө дене-бойду түздөсө, дагы бири тартипти бекем сактоого эрк жаратат.

COVID менен ооругандан кийин организмди кантип чыңдоо керек. 5 суроого жооп

Канчалык деңгээлде сапаттуу дем аларыбызды ойлоп да койбойт эмеспизби. Пранаяма багыты дал ушул нерсени үйрөтөт. Туура дем алууну өздөштүргөн адамдар сабырдуу, токтоо келишет. Туура дем алуу ден соолукту чыңдоого, өмүрдү узартууга да түздөн-түз таасир этет. Йоганын ар бир көнүгүүсүндө дем алууңду байкайсың.

Бир позада узакка кармалып турган да учурлар бар, мунун клеткалык деңгээлде таасири чоң. Ал үчүн эч калтырбай, тынымсыз машыгуу талап кылынат. Ошентсе да оор көнүгүүлөрдү өзүңдү кыйнап, тырышып жасай бергенге болбойт. Денеңдин мүмкүнчүлүгүнө гана жараша, кайсы деңгээлде турсаң, ошол жерден гана акырындык менен улайсың. Бул ыкманын жашоодо да пайдасы тиет. Бизнести же бир мамилени кура баштасаң деле өз мүмкүнчүлүгүңө жараша кыймылдап, ички туюмуңа кулак салып, жөндөмүң же өздөштүргөнүң кайсы чекитте болсо, дал ошол жерден улап, өрчүтүп, курчутуп кетиш жеңил болот.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Нуркыз Кадырбаева: 18-20 жашымда спорт залга калтырбай барчумун. Ал убакта дене-мүчөмдү өзүм каалаган формага жеткирүүнү эңсеп, күзгүгө каранган сайын улам бир кемчилигимди издеп, булчуң толтуруш же белди ичкертиш керек деген нерселерге басым жасаар элем. Йогага аралашканы өзүмдү кандай болсом, ошондой кабыл алууну үйрөндүм.

— Спорттун башка түрү менен машыккан белеңиз? Салыштыра аласызбы?

— 18-20 жашымда спорт залга калтырбай барчумун. Ал убакта дене-мүчөмдү өзүм каалаган формага жеткирүүнү эңсеп, күзгүгө каранган сайын улам бир кемчилигимди издеп, булчуң толтуруш же белди ичкертиш керек деген нерселерге басым жасаар элем. Йогага аралашканы өзүмдү кандай болсом, ошондой кабыл алууну үйрөндүм. Спорт залына өзүмдү өзгөртүш үчүн барсам, йога менен ырахат алуу үчүн машыгам. Бул багыт менен өзүңө болгон сүйүүң, Жаратканга болгон ыраазычылык, шүгүрчүлүк артат.

АКШлык аял ракты спорттун жардамы менен жеңип, айыгып кетти. Сүрөттөр

Спорттун ар бир түрүнүн максаты болот эмеспи. Мисалы, бокста мушкер атаандашын утсам дейт, жөө күлүк марага биринчи болуп келишти көздөйт. Ал эми йоганын максаты — ден соолукту чыңдоо жана ойду тазалоо.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Кадырбаева: Бокста мушкер атаандашын утсам дейт, жөө күлүк марага биринчи болуп келишти көздөйт. Ал эми йоганын максаты — ден соолукту чыңдоо жана ойду тазалоо.

— Бул ишти колго алганыңызга канча болду?

— Кыргызстанда машыктыруучу катары иштей баштаганыма жыл айлана элек. Буга чейин чет жактарда жашап, иштеп келдим.

— Киреше булагыңыз йога менен гана чектелеби?

— Сыртта жүргөн кезде мекенге кайтканымда акчанын артынан түшүп иштебейм деп өзүмө сөз бергем. Анткени материалдык багытта көздөгөнүңө жеткениң менен андай бакыттын кыска болорун аңдадым. Өзүңө жаккан иш менен алектенсең, сага көптүн деле кереги жок экен. Көңүлүбүзгө туура келбеген нукта же жакпаган чөйрөдө жашай берсек, жашоонун кызыгы жоголот, боштук пайда болот. Аны толтуруу үчүн адам көптү самай баштайт, эч нерсеге канааттанбай калат. Ошол эле шоппинг-терапия, кооз жайларды кыдыруу, кымбат буюмдарды сатып алуу өңдүү нерселер деле бара-бара супсак сезиле баштайт. Ал эми табиятыңа ылайык ишти колго алсаң, барга шүгүр кыласың, жок болсо кейибейсиң. Ар бир адам акчага муктаж, айрыкча ушул чакта. Бирок муктаждыктын да деңгээли болот экен. Мен ошонун деңгээлин азайткым келген. Максатыма жеттим.

Арыктайм дегендердин 10 катасы. Диетолог кеңеш айтып, эскертүү берди

Йога — ушул чакта менин киреше булагым. Азыр боймун, бала-чакам же бирөө үчүн жооптуу болбогонум үчүн тапканым өзүмө жетиштүү. Эгер үй-бүлөлүү болсоң, менимче, машыктыруучулуктан тышкары дагы бир ишиң болушу кажет.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Йога машыктыруучусу: Сыртта жүргөн кезде мекенге кайтканымда акчанын артынан түшүп иштебейм деп өзүмө сөз бергем.

— Жалкоо же убактысы жок адам өзүн кантип йогага көндүрө алат?

— Негизгиси — баштап көрүш керек. Жалкоолук кимде гана жок. Эгер максат туура эмес коюлса, жалкоолук дегеле кое бербейт. Калган учурда жалкоолукту жеңүүнүн амалы табылат. Анткени жактырган ишинде адам изденет. Изденген сайын кызыгуусу артат. Айрым адамдар жалкоолукту жеңиш үчүн көнүгүүлөрдөн баштайт, кээ бири жакындары менен мелдешет. Жалкоолук басканда мен өзүмө жалкоолонууга уруксат берем. Андан жадаганда адам өзү эле кайра ишке киришет. Ал эми таптакыр эле жалкоолорго түрткүлөп турган бирөө көмөкчү болор. Йога менен машыгууга убакыт таба албай же улам бир нерсеге шылтай берүү адатка айланып калса, анда бир эле кадам таштап көрүңүз. Йога сизге туура келеби-жокпу же улап кете аласызбы, ошондо баары түшүнүктүү болот.

— Карантин маалында ишиңиз үзгүлтүккө учураган жокпу? Же ыгын таап алдыңызбы?

— Толук онлайн-машыгууга өттүм. Жеке да сабак берип, группа менен да иштеп жаттым. Онлайн-машыгуунун артыкчылыгы — убакыт үнөмдөлөт. Даярданууга, жолго убакыт сарптабайсың. Негизи онлайн дагы, студияда да машыктырам.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Йога машыктыруучусу Нуркыз Кадырбаева: Ар бир адам акчага муктаж, айрыкча ушул чакта. Бирок муктаждыктын да деңгээли болот экен. Мен ошонун деңгээлин азайткым келген. Максатыма жеттим.

— Өзүңүз жөнүндө билсек. Кайда төрөлгөнсүз?

— Ысык-Көл облусунан болом. Беш жашымда ата-энем Бишкекке көчүп келип, балалыгым борбор калаада өттү. Улуттук компьютердик гимназияны бүтүргөм. Кенже кызмын. Эки агам бар.

— Кайсы кесиптин ээси болосуз? Спорттон сырткары алектенген багытыңыз кайсы?

— Кесибим боюнча экономистмин, финансы жана кредит багыты боюнча жогорку билим алгам. Бир топ демилгелерим бар. Аларды ишке ашыра элек кезде айтканым туура эмес болор. Бирок өлкөнүн өнүгүшүнө мен да салым кошкум келет.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Нуркыз Кадырбаева: Йога — ушул чакта менин киреше булагым. Азыр боймун, бала-чакам же бирөө үчүн жооптуу болбогонум үчүн тапканым өзүмө жетиштүү.

— Табиятыңызга кандай жерлер жакын? Кыргызстанда йога менен машыгууга эң ылайык жер кайсы?

— Албетте, жаратылыштын койнунда машыгууга эмне жетсин! Таза, жапжашыл жерде машыгуу дем алуубузга да пайдалуу. Бирок Бишкекте адамдар жумушунан улам атайын студия, залдарда гана машыгышат. Аба ырайы жакшы болуп турса группаны табиятка да алып чыкса болот. Негизи эле биздин жердин табияты жакшы го, 5-10 мүнөт нары баса койсо, ар ким табитине жараша жер таба алат.

— Кыргызстанда йога кандай деңгээлде?

— Деңгээли жаман эмес. Мыкты машыктыруучулар көп. Мен англис тилинде да йога менен машыктырайын деп жүрөм. Балким ушул багытта азыраак чыгар. Башка улуттагы адамдар көп, мүмкүн алар издеп жүргөндүр. Баса белгилегим келгени, Кыргызстанда жашап туруп, кыргыз тилдүү йога класстары табылбайт. Каалоочулар болгону менен орусча баары түшүнөт деп ушул тилге басым жасай беришет. Айылга барып калганымда же үйдөн ата-энемди машыктырганда кыргызча өтөм. Байкашымча, алда канча сиңимдүү, жеткиликтүү. Ошондуктан жакынкы келечекте ушул жагын да эске алганыбыз оң.

28 летняя Нуркыз Кадырбаева тренер по йоге
© Фото / предоставлено Нуркыз Кадырбаевой
Йога машыктыруучусу Нуркыз Кадырбаева: Дүйнөлүк система ушундай экен, адистерди тарбиялашат, анткени алар мамлекет үчүн иштеп берет. Ал эми бактылуу болууну эч бир жерде үйрөтпөйт. Ар бир аткан таңдан, баткан күндөн ырахат алып, сезимдериң менен эсептешип, ар бир нерсени терең туюп, маани бергенге үйрөнсөң, ашыкча улунуп-жулуна бербейсиң.

— Он жылдан кийин өз ордуңузду кайсы багытта көрөсүз?

— Өз чөйрөмдө профессионал адис, бирөөнүн сүйүктүү келинчеги, бактылуу эне, ар дайым изденүүдөн, өнүгүүдөн талыкпаган, ден соолугун чың алып жүргөн, ар убак жаш көрүнгөн, жашоодон азыркыдан да арбын ырахат ала билген инсан катары көргүм келет. Жеке баамымда, адам баласы жашаганды да үйрөнүүгө тийиш. Дүйнөлүк система ушундай экен, адистерди тарбиялашат, анткени алар мамлекет үчүн иштеп берет. Ал эми бактылуу болууну эч бир жерде үйрөтпөйт. Ар бир аткан таңдан, баткан күндөн ырахат алып, сезимдериң менен эсептешип, ар бир нерсени терең туюп, маани бергенге үйрөнсөң, ашыкча улунуп-жулуна бербейсиң. Албетте, акчаны такыр эле унутуп калыңыз дебейм. Бирок азыр желеден ар нерсени көрүп, окуп отуруп, оюбуз чачырап, максаттар башка эле тараптарга бурула баштады. Ушул тапта интернет жашоодон ырахат алууга убакыт калтырбайт. Социалдык медиа бутактарын карасаң, укмуштар сунушталат, анын баары аң-сезимибизге сиңириле берет. Анан аларга жетүүгө умтулабыз. Ал нерселер бизге керекпи, канчалык зарыл — мындай суроолор туулбайт. Эгер биз ошол деңгээлдеги ой жүгүртүүдөн арылсак, турмушубуздун сапаты да жакшырат беле деп ойлойм.

493
Белгилер:
кыргыз тили, онлайн, чет өлкө, Кыргызстан, машыгуу, йога
Тема боюнча
Америкалыктарга сабак берген Улан: глобалдык IT-компанияга айлансак дейбиз
Коронавирустан кийин ден соолукту калыбына келтирүү. Пульмонологдун кеңеши
Президент Сооронбай Жээнбеков Чолпон-Ата шаарындагы Ысык-Көл райондук аймактык ооруканасында

"Колдоо керек". Чолпонаталык дарыгерлер Жээнбековго даттанды. Сүрөт

84
(жаңыланган 17:04 04.08.2020)
Дарыгерлер президент менен жолугушууда кадрлардын жетишсиздигин, жаңы кызматкерлерди материалдык жана моралдык жактан колдобой туруп аларды саламаттык сактоо тутумунда кармап калуу мүмкүн эместигин айтышты.

БИШКЕК, 4-авг. — Sputnik. Көмүскө экономикадан мыйзамдаштырылган каражаттар дарыгерлердин эмгек акысын жогорулатууга багытталат. Бул тууралуу президент Сооронбай Жээнбеков бүгүн Чолпон-Ата шаарындагы Ысык-Көл райондук аймактык ооруканасын оңдоп-түзөө иштерин көрүп жатканда айтты.

  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Көмүскө экономикадан мыйзамдаштырылган каражаттар дарыгерлердин эмгек акысын жогорулатууга багытталат
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Бул тууралуу президент Сооронбай Жээнбеков бүгүн, Чолпон-Ата шаарындагы Ысык-Көл райондук аймактык ооруканасынын оңдоп-түзөө иштерин көрүп жатканда айтты
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Жээнбеков медицина кызматкерлери менен баарлашып, коронавирус инфекциясына каршы күрөшүүдөгү көйгөйлөр гана эмес, саламаттык сактоо тутумундагы көйгөйлөрдү дагы кеңири талкуулады
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Чолпон-Ата шаарындагы Ысык-Көл райондук аймактык ооруканасынын реанимация бөлүмүнүн башчысы Сарбагыш Иманалиевдин каза болгондугуна байланыштуу көңүл айтты
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Медиктер өлкө жетекчилигинин ооруканаларды куруу боюнча демилгесин колдоого алып, ошол эле маалда кадрлардын жетишсиздигин, жаңы кызматкерлерди материалдык жана моралдык жактан колдобой туруп, аларды саламаттык сактоо тутумунда кармап калуу мүмкүн эместигин баса белгилешти
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Мамлекет башчы дарыгерлердин пикирине кошулуп, коронавирус инфекциясы көп жылдан берки начар башкаруунун жыйынтыгын, бардык көйгөйлүү жерлерин ачыкка чыгарганын кошумчалады
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Өкмөттүн Ысык-Көл облусу боюнча ыйгарым укуктуу өкүлү Балбак Түлөбаев аймакта эпидемиологиялык кырдаал турукташып баратканын, коронавирус жуктуруп алгандардын саны азайып жатканын билдирди
    © Пресс-служба президента КР / Султан Досалиев
1 / 7
© Пресс-служба президента КР / Султан Досалиев
Көмүскө экономикадан мыйзамдаштырылган каражаттар дарыгерлердин эмгек акысын жогорулатууга багытталат
"Аталган оорукана 1986-жылы курулгандан тартып жугуштуу оорулар бөлүмүнүн имаратына капиталдык реконструкция жүргүзүлгөн эмес. Буга байланыштуу бүгүнкү күндө имараттын 15 орундуу бир канаты гана иштейт. Оңдолгондон кийин 100 орунга чейин кеңейтилет", — деп айтылат билдирүүдө.

Жээнбеков медицина кызматкерлери менен баарлашып, коронавирус инфекциясына каршы күрөшүүдөгү көйгөйлөр гана эмес, саламаттык сактоо тутумундагы көйгөйлөрдү дагы кеңири талкуулады. Чолпон-Ата шаарындагы Ысык-Көл райондук аймактык ооруканасынын реанимация бөлүмүнүн башчысы Сарбагыш Иманалиевдин каза болгондугуна байланыштуу көңүл айтты.

Боронов россиялык дарыгерлер менен сүйлөштү. Алар өкмөткө кандай сунуш айтты

Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
© Пресс-служба президента КР / Султан Досалиев
Чолпон-Ата шаарындагы Ысык-Көл райондук аймактык ооруканасынын жугуштуу оорулар бөлүмүн капиталдык реконструкциялоонун жүрүшү

Медиктер өлкө жетекчилигинин ооруканаларды куруу боюнча демилгесин колдоого алып, ошол эле маалда кадрлардын жетишсиздигин, жаңы кызматкерлерди материалдык жана моралдык жактан колдобой туруп аларды саламаттык сактоо тутумунда кармап калуу мүмкүн эместигин баса белгилешти.

Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
© Пресс-служба президента КР / Султан Досалиев
Чолпон-Ата шаарындагы Ысык-Көл райондук аймактык ооруканасы медицина кызматкерлери

Мамлекет башчы дарыгерлердин пикирине кошулуп, коронавирус инфекциясы көп жылдан берки начар башкаруунун жыйынтыгын, бардык көйгөйлүү жерлерин ачыкка чыгарганын кошумчалады.

Министрлик: Ысык-Көлгө эл агылган сайын вирус күч алууда

Жээнбеков өлкөнүн бардык тармактарын жапырт санариптештирүү көмүскө экономикадагы каражаттарды мыйзамдаштырууга өбөлгө болорун айтты.

"Бул каражаттар биринчи кезекте медицина кызматкерлеринин, мугалимдердин эмгек акыларын көтөрүүгө багытталат. Өткөн жылы айлык акылар көтөрүлдү, бирок түшүнүп турам, бул аз. 5 миң сом алган дарыгерлерден эмнени талап кыла алабыз? Бул көйгөй ар дайым менин оюмда", — деди президент.

Өкмөттүн Ысык-Көл облусу боюнча ыйгарым укуктуу өкүлү Балбак Түлөбаев аймакта эпидемиологиялык кырдаал турукташып баратканын, коронавирус жуктуруп алгандардын саны азайып жатканын билдирди.

Анын айтымында, медициналык аппараттар менен дары-дармектер жетиштүү.

84
Белгилер:
айлык-акы, оорукана, дарыгер, медицина, Сооронбай Жээнбеков, Ысык-Көл
Тема:
Коронавируска байланыштуу Кыргызстандагы кырдаал
Тема боюнча
Көлдө көбүрөөк. Өткөн суткада 25 медиктен COVID табылды
Медициналык кызматкерлер. Архив

Медиктерге июль айында 396 млн сом компенсация бөлүнгөн. Облус боюнча тизме

29
(жаңыланган 16:17 04.08.2020)
Өткөн айда ак халатчандарга компенсация катары бөлүнгөн каражаттын көп бөлүгүн Бишкек менен Ош облусунун кызматкерлери алышкан.

БИШКЕК, 4-авг. — Sputnik. Милдеттүү медициналык камсыздандыруу фонду июль айында коронавируска каршы турган медиктерге компенсация катары 396 миллион 060 миң сом бөлгөн. Бул тууралуу Республикалык штаб кабарлады.

Компенсация облустар боюнча төмөнкүдөй бөлүштүрүлгөн:

  • Бишкектеги 3 469 медкызматкерге 103 миллион 5835 сом; 
  • Таластагы 11 саламаттык сактоо мекемесинин 889 кызматкерине 15 миллион 274  сом;
  • Ош шаары менен Ош облусундагы 31 медикке 72 миллион 451 миң  881 сом;
  • Нарындагы 12 саламаттык сактоо мекемесинин кызматкерлерине 20 миллион сом;
  • Ысык-Көлдө 28 саламаттык сактоо мекемесинин кызматкерлерине 36 миллион 505 миң 397 сом;
  • Баткендеги 16 саламаттык сактоо мекемесинин кызматкерлерине 15 миллион 496 миң сом; 

Нарында медиктердин акысы толук берилбей калдыбы? Штабдын жообу

  • Чүй облусундагы 24 саламаттык сактоо мекемесинин кызматкерлерине 38 миллион 915 миң 700 сом; 
  • Жалал-Абад облусундагы 31 саламаттык сактоо мекемесинин кызматкерлерине 36 миллион 080 миң сом;

Төлөмдөрдү берүү дагы улантылып жатканы айтылды.

29
Белгилер:
медик, компенсация, төлөм, фонд, милдеттүү медициналык камсыздандыруу, штаб
Тема:
Коронавируска байланыштуу Кыргызстандагы кырдаал
Тема боюнча
Боронов россиялык дарыгерлер менен сүйлөштү. Алар өкмөткө кандай сунуш айтты
Ош облусунда уурулукка шектелип кармалган жараныдн үйүнөн табылган алтын буюмдар

1,5 млн. сомдук сөйкөлөр. Оштогу шектүүнүн жер төлөсүнөн уурдалган алтындар табылды

0
(жаңыланган 17:10 04.08.2020)
Учурда кармалган шектүүнүн мындан башка да кылмыш иштерине тиешеси бар же жоктугун милиция иликтеп жатат.

ОШ, 4-авг. – Sputnik. Ош облусунун аймагында алтын буюмдарды уурдоого шектүү киши кармалып, үйүнүн жер төлөсүнөн 1.5 миллион сомдук сөйкө, шакек, чынжырчалар – зер буюмдар табылды. Бул тууралуу Ош облустук ички иштер башкармалыгынын маалымат кызматынын өкүлү Багида Кармышакова билдирди.

  • Краденные золотые изделия с примерной стоимостью в 1,5 миллиона сомов
    Ош облусунун аймагында алтын буюмдарды уурдоого шектүү киши кармалып, үйүнүн жер төлөсүнөн 1.5 миллион сомдук сөйкө, шакек, чынжырчалар – зер буюмдар табылды
    © Фото / пресс-служба УВД Ошской области
  • Краденные золотые изделия с примерной стоимостью в 1,5 миллиона сомов
    Азыркы учурда далил катары алынган алтын буюмдардын наркы такталып, сотко чейинки өндүрүш иши уланууда.
    © Фото / пресс-служба УВД Ошской области
1 / 2
© Фото / пресс-служба УВД Ошской области
Ош облусунун аймагында алтын буюмдарды уурдоого шектүү киши кармалып, үйүнүн жер төлөсүнөн 1.5 миллион сомдук сөйкө, шакек, чынжырчалар – зер буюмдар табылды

Маалыматка ылайык, 2020-жылдын 17-июлунда Ноокат РИИБге Ош шаарынын 29 жаштагы тургуну арыз менен кайрылган. Ал Ноокат шаарында жайгашкан зер буюмдар дүкөнүнө белгисиз адамдар мыйзамсыз кирип, 150 000 сом акчасын жана алтындарын уурдап кеткенин билдирген.

Кудум кинодогудай! 20 секундада дүкөндөгү банкоматты уурдап кеткен видео

Жабырлануучунун арызы боюнча Жазык кодексинин 200-беренесинде (Уурдоо) каралган кылмыштын белгилери боюнча сотко чейинки өндүрүш иши башталган.

Ыкчам иликтөө иштеринин жыйынтыгында шектүү катары Кара-Суу районунун Шарк айыл аймагынын 53 жаштагы тургуну, мурда соттолгон М.А. аттуу киши кармалган. Ал райондук милициянын убактылуу кармоочу жайына киргизилди.

31-июль күнү М.А.нын Шарк айыл аймагындагы турак үйүнө тинтүү жүргүзүү учурунда короосундагы жыйналып турган кыштардын арасынан Кыргызстандын сегиз жаранынын паспорту, эки даана айдоочулук күбөлүк, жети даана банк карты табылган. Ал эми үйүнүн жер төлөсүндөгү көмүлгөн банкадан болжол менен 1 млн. 500 миӊ сомдук алтын буюмдар табылып, алынган.

Мирбек Атабековдун апасынын үйүн тоноду деген киши кармалды

Азыркы учурда далил катары алынган алтын буюмдардын наркы такталып, сотко чейинки өндүрүш иши уланууда.

Шектүүнүн мындан башка да кылмыш иштерине катыштыгы бар же жоктугу текшерилип жатат.

0
Белгилер:
уурулук, милиция, жер төлө, буюм, алтын, Ноокат
Тема боюнча
Телевизор уурдагандардын кылыгы соцтармакты күлкүгө салды. Видео
Жалал-Абадда 37 тонна мунай уурдоого шектелген эки киши үй камагына чыгарылды