Абактагы адам. Архивное фото

Талас облусунун башчысынын велосипедченди сүзүп кеткен кеңешчиси 2 айга камалды

236
(жаңыланган 12:28 02.08.2020)
Toyota 4Runner айдаган киши жолдун четинде велосипед менен келе жаткан жигитти коюп кетип, андан ары токтоп турган жүк ташуучу автоунааны сүзгөн.

БИШКЕК, 2-авг. — Sputnik. Жол кырсыгына кириптер болуп бир адамдын өлүмүнө шектелген, өкмөттүн Талас облусундагы өкүлү Марат Мураталиевдин кеңешчиси Марслатбек Шералиев эки айга камакка алынды. Бул туурасында Sputnik агенттигине Талас облустук милициясынын маалымат кызматы кабарлады.

Билдирүүгө ылайык, Талас райондук соту жол кырсыгына себепкер катары шектелген айдоочу Шералиевдин баш коргоо чарасын тандап, эки айга камакка алуу чечимин чыгарган. Ал тергөө иштери бүткөнгө чейин Талас ОИИБдин убактылуу кармоочу жайында кармалат.

Айдоочу мас болгон. Бишкекте автоунаа коюп кеткен экинчи велосипедчи да көз жумду

Эске сала кетсек, 30-июлда Талас облусунун башчысынын кеңешчиси Марслатбек Шералиев автоунаасы менен велосипедчен адамды коюп кетип, ал каза болуп калган.

Милициянын билдиришинче, Toyota 4Runner айдаган 53 жаштагы Шералиев жолдун четинде велосипед менен келе жаткан 23 жаштагы А.А. аттуу жигитти коюп кетип, андан ары токтоп турган Mercedes үлгүсүндөгү жүк ташуучу автоунааны сүзгөн.

Өкмөттүн Талас облусундагы өкүлү Марат Мураталиев ал айдоочу расмий түрдө өкүлчүлүктүн штаттык кызматында иштебегенин айтып, бирок кээде кеп-кеңешин берип турганын билдирген. Ошондой эле ал "афганчы" жана Улуттук коопсуздук кызматынын (азыркы УКМК) запастагы полковниги экенин кошумчалаган.

236
Белгилер:
кеңешчи, чечим, сот, кармоо, УКМК, Талас облусу
Тема:
2020-жылдын башынан бери Кыргызстанда болгон жол кырсыктар (241)
Тема боюнча
Талас башчысынын "кеңешчиси" сүзгөн велосипедчи көз жумду. Мураталиев үн катты
Бишкекте автоунаа коюп кеткен киши каза болду. Жеринде тартылган видео

Улуу Ата Мекендик согуштун кылым жашаган ардагери видео куттуктоо

9
(жаңыланган 21:32 26.09.2020)
Улуу Ата Мекендик согуштун Бишкек шаарындагы ардагерин туулган күнү менен куттуктап Россиянын КРдеги элчисинин кеңешчиси Андрей Сургаев жана "Гармония" орус маданий борборунун президенти Александр Степанюк келди.

Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат. Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.

  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.
    © Sputnik / Табылды Кадырбеков
  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.
    © Sputnik / Табылды Кадырбеков
  • Ветеран Великой Отечественной войны Иван Николаевич Голиков, который отмечает 100 – летний юбилей
    Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун президенти Александр Степанюк келди.
    © Sputnik / Табылды Кадырбеков
1 / 3
© Sputnik / Табылды Кадырбеков
Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.

"Фрунзе" заводунда жана Кажы-Сайдагы тоо-кенин байытуу комбинатында тогуз жыл иштеген. Согуштан кийин ал жерден советтик өнөр жай үчүн уран казышкан. Дагы 32 жыл Сибирде эмгектенип, ардагер эмгек жолун 77 жашында аяктаган. Сибирден кийин Кыргызстанга кайтып келген.

Ала-Бука: согуштун 94 жаштагы эки ардагерине автоунаалар белекке берилди. Сүрөт

Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун президенти Александр Степанюк келди.

"Иван Николаевич, сиздин Улуу Ата Мекендик согуш учурунда мекенибизди жана башка европалык өлкөлөрдү бошотуудагы эрдигиңизди урматтайбыз. Азыркы заман үчүн сизге рахмат", — деп Сургаев ыраазылыгын билдирди.

Туугандарынын айтымына караганда, Иван Николаевич көп жагымсыздыкты алып келген согуш туурасында эстегиси келбейт.

Ардагер элчиликтин ар дайым көңүл буруп турганына жана бүгүнкү куттуктоосуна ыраазылыгын айтты.

9
Белгилер:
куттуктоо, КР элчилиги, Россия, ардагер, согуш, Улуу Ата Мекендик согуш, Бишкек, Кыргызстан
Тема боюнча
Концерт коюп барып, калып калган... Улуу Жеңишти жакындаткан кыргызстандыктар
Бишкек шаары. Архивдик сүрөт

Жекшембиге карата аба ырайы

11
(жаңыланган 21:03 26.09.2020)
27-сентябрга караган түнү жаан-чачын күтүлбөйт. Күндүз айрым аймактарда кыска убакытка жамгыр жаап өтүшү мүмкүн. Бийик тоолуу райондорго кар түшөт.

БИШКЕК, 26-сен. — Sputnik. Жекшемби, 27-сентябрда, республиканын көпчүлүк аймактарында күн ачык болот. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.

Абанын температурасы Чүй, Нарын өрөөндөрүндө +15...+20, Талас, Ысык-Көлдө +14...+19, Ош, Жалал-Абад жана Баткен облустарында +20...+25 градус жылуу болот.

Дайверлер Ысык-Көлдүн түбүнөн бир тоннадан ашык таштанды алып чыгышты. Сүрөт

Борбор калаада кыска убакытка жамгыр жаап, күндүн табы +18...+20га көтөрүлсө, Ош шаарында күн ачык болуп термометр +23...+25 градусту көрсөтүп турат.

11
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы