Премьер-министр Кубатбек Боронов Россиядан келген медицина кызматкерлери менен сүйлөшүү учурунда

Боронов россиялык дарыгерлер менен сүйлөштү. Алар өкмөткө кандай сунуш айтты

174
(жаңыланган 00:25 09.09.2020)
Россиялык адистер Гансидеги "Семетей" обсервациялык жайын лабораториялык жана дартты аныктоо кызматтары менен камсыз кылууну сунуштап, лабораториядагы кадрдык курамды күчтөнтүү керектигин белгилешти.

БИШКЕК, 3-авг. — Sputnik. Премьер-министр Кубатбек Боронов Россиядан келген медицина кызматкерлери менен сүйлөшүп, эпидемияга каршы күрөшүү чараларын жана өлкөдөгү кырдаалды жакшыртуу үчүн четөлкөлүк дарыгерлердин сунуштарын укту. Бул тууралуу өкмөттүн маалымат кызматы кабарлады.

Ага ылайык, сүйлөшүү учурунда Россиядагы керектөөчүлөрдүн укугун коргоо жана адамдык бакубатчылык боюнча федералдык кызматына (Роспотребнадзор) караштуу Вирусология институтунун директорунун орун басары Наталья Пшеничная коронавирус менен күрөшүүдө жергиликтүү медиктер жанын аябай иштеп жатканын белгиледи.

"Ар бир бейтапка өзүнчө, квалифицикациялуу мамиле жасалганы мени таасирлентти",— деди Пшеничная.

Министрлик: Ысык-Көлгө эл агылган сайын вирус күч алууда

Россиялык адистер Гансидеги "Семетей" обсервациясын лабораториялык жана дартты аныктоо кызматтары менен камсыз кылууну сунуштап, лабораториядагы кадрдык курамды күчтөнтүш керектигин белгилешкен. Ошондой эле кошумча топ түзүп, аймактарда компьютердик томография жабдууларынын санын көбөйтүү зарылчылыгын айтышты. Медицина кызматкерлерине жеке коргонуучу каражаттарды коопсуз пайдалануу боюнча семинарларды өткөрүү тууралуу да сөз болду.

Заматта баары тозокко айланып кетерин эч ким күткөн эмес. Дарыгердин маеги

Өз кезегинде өкмөт башчы четөлкөлүк медиктердин тажрыйба иретинде берген жардамы үчүн ыраазычылык билдирип, тиешелүү мамлекеттик органдарга бир катар тапшырмаларды берген.

"Кыска мөөнөттүн аралыгында "Семетей" обсервациялык жайын лабораториялык кызмат жана башка керектүү жабдуулар менен камсыз кылуу боюнча иштерди жүргүзгүлө. Мындан тышкары, облустарга компьютердик томография алып берүү боюнча ар кыл варианттарды, ошондой эле мамлекеттик-жеке өнөктөштүктүн алкагында сунуштарды ыкчам түрдө карап чыккыла. Аймактарда ооруп жаткан жарандарды тезирээк аныктап, алардын абалы оорлошуп, өтүшүп кеткенине жеткирбей, үймө-үй кыдыруу боюнча иштерди күчөтүү зарыл", — деди Боронов.

Белгилей кетсек, буга чейин Россия Кыргызстанга коронавирус менен күрөшүүгө көмөк көрсөтүү максатында 50дөн ашык медик жөнөткөн.

174
Белгилер:
адистер, дарыгер, коронавирус, Кубатбек Боронов, Россия, Кыргызстан
Тема:
Россиянын коронавирус боюнча Кыргызстанга берген жардамы (39)
Тема боюнча
Инфекционист, эпидемиолог көздөн учту. Жети дубандын эли кантип дарыланууда

Москва сахнасында кыргызды даңазалаган залкарлар. Таберик сүрөт

22
(жаңыланган 13:59 01.10.2020)
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.
Дирижер Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаев (солдон оңду карай). 1958-жыл, Москва шаары
© Фото / из семейного архива Орозовых

Солдон оңду карай бала көтөрүп турган хор дирижеру Чанай Жумаканов, белгилүү комузчу Ыбырай Туманов, ырчы Мыскал Өмүрканова, композитор Карамолдо Орозов, актриса Алиман Жангорозова жана улуу манасчы Саякбай Каралаевдин сүрөтү 1958-жылы Москва шаарында тартылган.

Ал жылы Москвада Кыргыз искусствосунун жана адабиятынын экинчи декадасы өтүп, ага кыргыз элинин акын-жазуучу, ырчы, аткаруучу, чыгармачыл инсандары катышкан.

Имараты жок көчөдө калган дымагы күч артисттер. "Туңгучтун" таберик сүрөтү

Ошол учурду КРдин эл артисти, белгилүү төкмө акын Замирбек Үсөнбаев мындайча эскерет:

"Мен сүрөттөгү инсандарды бала кезимде көрүп калдым. Алардын ортодогу жаштарында айырма бар, бирок замандаштар. Ыбырай аксакал Ысык-Көлдө жашап, ошол жакта турчу. Ал эми Карамолдо Орозов, Осмонкул Бөлөбалаев, Саякбай Каралаев, Молдобасан Мусулманкулов жана менин атам Алымкул Үсөнбаев Фрунзе шаарында жашачу. Алардын бардыгы чогулуп алып шерине жеп, комуз чертип ырдап, бири-бири менен жакшы катышта эле. Алардын төкмөлүгүнө, манас айтканына, комуз черткенине күбө болуп калдым. Булардын ар бири жөнүндө бир айлап айтсак дагы сөз бүтпөйт. Убакыттын өтүшү менен эскерилбей, унутуп бара жатабыз. Мисалы, Карамолдо Орозов менен Ыбырай Тумановду комуздун генийи деп айта алам. Экөө тең үч кыл комузга симфонияны батырган инсандар. Аларды белгилүү бир даталарда эстебей, жаштарга байма-бай айтып турушубуз керек", — деди Үсөнбаев.

Арсен Өмүралиевди атасындай көргөн шакирттер. Таберик сүрөт

Эске сала кетсек, 1958-жылы Москвадагы Кыргыз искусствосунун экинчи декадасынын өтөрүнө үч жума калганда Күлүйпа Кондучалова министр болуп дайындалып, ага 1100дөй кыргызстандык катышып, иш-чара жогорку деңгээлде өткөн.

22
Белгилер:
таберик сүрөт, чыгармачылык, Москва, Кыргызстан
Тема:
"Таберик сүрөт" — сейрек кездешкен ирмемдер
Тема боюнча
Кара жумушта жүрүп киного аралашкан Үсөн Кудайбергенов. Таберик сүрөт
"Мугалимим, биринчи сүйүүм, балдарымдын атасы". "Ак кемедеги" таберик сүрөт
"Жылаңач" эпизодго Москвадан кыз алдырып... Асел Эшимбекованын таберик сүрөтү
КТРК телеканалдын логотиби. Архив

"Түндүк электр" дебат учурунда КТРКнын жарыгы өчүп калганына түшүндүрмө берди

90
(жаңыланган 12:32 01.10.2020)
Учурда жарыктын өчүрүлүшү боюнча атайын комиссия түзүлдү. Жыйынтыгына жараша тиешелүү чара көрүлмөкчү.

БИШКЕК, 1-окт. — Sputnik. "Түндүк электр" ишканасы саясий партиялардын шайлоого карата дебаты учурунда КТРКнын жарыгы өчүп калганына түшүндүрмө берди.

Белгилей кетсек, кечээ, 30-октябрда, кечки саат 21.48ден 21.56га чейин (8 мүнөткө) КТРКнын административдик мекемесинде жарык берүү үзгүлтүккө учураган.

"Саат 21:36да "Новозападная" кабелдик линиясындагы 35 киловаттык "Жер" деген секциядагы коргонуу линиясы өзүнөн өзү иштеп кеткен. Анын натыйжасында "Новозападная – Сельмаш-1" кабелдик линиясы жабыркаган. "Түндүк электрдин" кызматкерлери ыкчам түрдө "Жерди" таап, башка линияга которуп, көйгөйдү чечишти", — деп айтылат маалыматта.

Учурда жарыктын өчүп калышынын себебин иликтеген комиссия түзүлдү. Жыйынтыгы боюнча тиешелүү чара көрүлөт.

90
Белгилер:
КТРК, жарык өчүрүү, "Түндүк Электр" ишканасы
Тема боюнча
"Түндүк электр" миллиондоп карыз болгон 10 ишкананын тизмесин чыгарды
Кочкор районунун тушунда болгон жол кырсыгы

Кочкордун тушунда эки машина кагышып, жабыркагандар ооруканага жетпей үзүлдү

0
(жаңыланган 14:22 01.10.2020)
Mercedes-Benz үлгүсүндөгү автоунаанын ичине 60 жаштагы эркек киши менен 56 жаштагы аял кыпчылып калган.

БИШКЕК, 1-окт. — Sputnik. Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду. Бул тууралуу ӨКМдин маалымат кызматы кабарлады.

  • В Кочкорском районе Нарынской области столкнулись грузовик и легковое авто, погибли два человека
    Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду
  • В Кочкорском районе Нарынской области столкнулись грузовик и легковое авто, погибли два человека
    Кырсык 30-сентябрь күнү саат 16:00дө Бишкек — Нарын — Торугарт унаа жолунун 209-чакырымында катталган.
1 / 2
Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду

Билдирмеге ылайык, кырсык 30-сентябрь күнү саат 16:00дө Бишкек — Нарын — Торугарт унаа жолунун 209-чакырымында катталган.

"Каргашанын кесепетинен Mercedes-Benz үлгүсүндөгү автоунаанын ичине 60 жаштагы эркек киши менен 56 жаштагы аял кыпчылып калган. ӨКМдин куткаруучулары аларды автоунаадан чыгарып, Тез жардам кызматына өткөрүп беришкен", — деп айтылат маалыматта.

Тилекке каршы, жабыркагандар Кочкор райондук ооруканага жетпей көз жумганы кошумчаланды.

0
Белгилер:
өлүм, жол кырсык, Нарын облусу, Кочкор, ӨКМ
Тема:
2020-жылдын башынан бери Кыргызстанда болгон жол кырсыктар
Тема боюнча
Кишилерди кууп барып бус менен тебелетип... Кызыл-Кыядагы окуянын видеосу