Коопсуз бет капчан сулуулук салондун ишкери кардар менен. Архив

Аялдардын чачы эмне себептен түшөт? Адистин пикири

283
(жаңыланган 09:04 05.08.2020)
Адистин айтымында, бир күндө жүз тал чач түшсө эч нерсе болбойт. Бирок кескин суюла баштаса, ага башка нерселер себеп болушу ыктымал.

БИШКЕК, 5-авг. — Sputnik. Диетолог жана нутрициолог Яна Фрай аялдардын чачы кандай себептерден улам түшө турганын айтып берди. Адистин пикири жана кеңештери РИА Новостиге жарыяланган.

Фрайдын айтымында, бир күндө жүз тал чач түшсө эч нерсе болбойт. Ал катардагы иш. Бирок андан да суюла баштаса, ага башка нерселер себеп болушу ыктымал.

"Эгер чач тамыры жок эле түшүп жатса, анда бул ага туура эмес кам көрүлүп жаткандагы белги. Балким буга чейин күйгүзүп же үтүк, фен көп колдонгон чыгарсыз. Мындай учурда азыктандыруучу маскалар жардам берет", — деген адис.

Чач тамыры менен түшүп жатса, анда ага төмөнкү факторлор себеп болушу ыктымал:

Темирдин жетишсиздиги. Мындай учурда рационго буурчак, жасмык, уй этин жана жалбырак жашылчаларын (капустанын түрү) кошуу керек.

Жездин жетишсиздиги. Бул — чачтын өсүүсүнө керектүү маанилүү микроэлемент. Ал жетишсиз болсо чач түшүп, эрте эле ак баса баштайт.

Чач түшпөсүн, тырмак сынбасын десеңиз... С витамини көп 8 азыктын тизмеси

Гормондор дисбалансы. Гормондор дисбалансын туура тамактанып, салмакты калыбына келтирүү менен оңдосо болот.

Белок жетишиздиги. Организмде белок аз болсо да чач түшөт. Ал ашказан согунун кычкылы азайып кетип, боордун иштөөсү начарлаганда жетишсиз боло баштайт.

Тишке кам көрчүлөр стоматологго үч айда бир көрүнүшү керек. Адистин кеңеши

Стресс. Адистин айтымында, стресс учурунда бөйрөктүн үстүндөгү без кортизол гормонун бөлүп чыгарат. Ал чачты жылтырак, коюу, жылмакай кылып турган белок менен гиалурон кычкылын эзип салат.

Цинк жана кремний жетишсиздиги. Цинк минералы организмде аз болгондо теринин пигментациясы бузулуп, майда жаралар пайда болот. Ошондой эле адам бат-бат тумоолоп калат. Ал эми кремний жетишсиз болсо териге бырыш эрте түшүп, чач жана тырмак жукарып, сына баштайт.

283
Белгилер:
кеңеш, витамин, тамактануу, адистик, чач
Тема боюнча
Арыктоо үчүн биринчи кезекте эмне кылыш керек? Диетологдун кеңеши
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

15
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

15
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

23
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

23
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты