Саламаттык сактоо министринин орун басары Нурболот Үсөнбаев. Архив

Саламаттык сактоо министринин орун басары пневмониядан айыкты. Эртең ишке чыгат

(жаңыланган 12:02 05.08.2020)
Брифингде модератор "министрдин орун басары Нурболот Үсөнбаевдин абалы кандай, оорусу эмнеге көпкө созулду?" деген суроо узаткан.

БИШКЕК, 5-авг. — Sputnik. Саламаттык сактоо министринин орун басары Нурболот Үсөнбаев коронавирустан айыкты. Эртең, 6-августта, жумушка чыгат. Бул тууралуу Коомдук саламаттык сактоо башкармалыгынын башчысы Айнура Акматова билдирди.

Брифингде модератор: "Министрдин орун басары Нурболот Үсөнбаевдин абалы кандай, оорусу эмнеге көпкө созулду?", - деген суроо узаткан.

"Нурболот Төлөшевич шаардагы жугуштуу илдеттер ооруканасында дарыланып, айыгып чыккан. Эртеңден тарта ал жумушка чыгып, иштей баштайт", — деди Акматова.

Эске салсак, пневмонияга чалдыккан саламаттык сактоо министри Сабиржан Абдикаримов да айыккан. Министр 3-августта жумушка чыккан.

Белгилер:
жумуш, оорукана, дарт, коронавирус
Тема:
Кыргызстандагы коронавирус жуктуруп алгандар (1600)
Тема боюнча
Өлкө боюнча бир суткада 767 киши коронавирусту жеңди
Акча санап жаткан аял. Архив

Күйөөсүнүн 5000 долларын коротуп, өзүнө кол салуу уюштурган аял кармалды

(жаңыланган 17:59 22.04.2021)
Милиция буга чейин каракчылык фактысы боюнча кылмыш ишин козгогон. Бирок тергөө учурунда кылмыш болбогону аныкталган.

БИШКЕК, 22-апр. — Sputnik. Кыргызстандык аял жолдошу жиберген беш миң долларды коротуп салганы үчүн коркуп, өзүнө кол салуу уюштурган. Бул тууралуу Чүй облустук ИИББден билдиришти.

2020-жылдын 29-декабрында 42 жаштагы Э.Г. аттуу аялдан арыз түшкөн. Анын айтымында, үйүнө бет кап кийген белгисиз эки киши кирип келип сабап, беш миң долларын алып кеткен.

Факты боюнча кылмыш иши козголгон. Тергөө учурунда аял мындай сценарийди мурдагы жолдошу менен ишке ашырганы аныкталган. Тартип сакчылар 42 жаштагы Э.Г. менен 39 жаштагы С.О. деген шектүүлөрдү милициянын бөлүмүнө жеткиргенден кийин алар күнөөсүн мойнуна алышкан.

"Аял жолдошу чет өлкөдөн жиберген акчасын коротуп салгандыктан коркуп ушундай кадамга барганы белгилүү болду", — дешти милициядан.

Учурда тергөө амалдары уланып жатат.

Белгилер:
кылмыш, аял, милиция, Чүй облусу, Кыргызстан
Тема боюнча
Ысык-Атада уурдалды деп милицияны түп көтөрткөн бала досунун үйүнөн табылды
Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу Евразиялыктар – жаңы толкун фондунан билдиришти

Жеңиштин 76 жылдыгына карата бак отургузулду. Бишкектеги сүрөттөр

(жаңыланган 17:52 22.04.2021)
Көчөттөр 28 панфиловчунун өлбөс-өспөс эрдигин эскерип отургузулган. Бул "Эскерүү багы" деп аталган эл аралык акциянын алкагында жасалды.

БИШКЕК, 22-апр. — Sputnik. Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу "Евразиялыктар – жаңы толкун" фондунан билдиришти.

  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу "Евразиялыктар – жаңы толкун" фондунан билдиришти
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Аталган иш-чараны уюштуруучулардын курамына Коргоо министрлиги жана Бишкек мэриясы да кирген
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Салтанатка Кыргызстандын мамлекеттик органдарынын, Россиянын Кыргызстандагы элчилигинин, "Кант" аба базасынын, Ленинград блокадачыларынын өкүлдөрү, алардан сырткары, борбордук жогорку окуу жайларынын мугалимдери менен студенттери катышты
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Эл аралык "Эскерүү багы" акциясы 2020-жылы башталган. Анын уюштуруучусу "Жеңиштин ыктыярчылары" деп аталган бүткүл россиялык кыймыл.
    © Фото / пресс-служба фонда "ЕНВ"
  • Торжественная церемония посадки деревьев, приуроченная к 76-й годовщине Победы в Великой Отечественной войне в Бишкеке
    Быйыл аталган акция эл аралык мүнөзгө өтүп, ал Кыргызстанга да келди.
    © Фото / пресс-служба фонда "ЕНВ"
1 / 5
© Фото / пресс-служба фонда "ЕНВ"
Борбор калаада Улуу Жеңиштин 76 жылдыгына карата бак отургузуу салтанаты болду. Бул тууралуу "Евразиялыктар – жаңы толкун" фондунан билдиришти

Аталган иш-чараны уюштуруучулардын курамына Коргоо министрлиги жана Бишкек мэриясы да кирген.

"Жалпысынан 76 көчөт отургузулса, анын 28и атактуу панфиловчулардын элесине арналды. Бул "Эскерүү багы" деп аталган эл аралык акциянын алкагында жасалды", — деп айтылган маалыматта.

Салтанатка Кыргызстандын мамлекеттик органдарынын, Россиянын Кыргызстандагы элчилигинин, "Кант" аба базасынын, Ленинград блокадачыларынын өкүлдөрү, алардан сырткары, борбордук жогорку окуу жайларынын мугалимдери менен студенттери катышты.

Эл аралык "Эскерүү багы" акциясы 2020-жылы башталган. Анын уюштуруучусу "Жеңиштин ыктыярчылары" деп аталган бүткүл россиялык кыймыл. Былтыр үч айда (март-июнь) Россиянын аймагы боюнча 27 миллион көчөт отургузулган. Быйыл аталган акция эл аралык мүнөзгө өтүп, ал Кыргызстанга да келди.

Белгилер:
көчөт, эскерүү, баатыр, Улуу Ата Мекендик согуш, Россия, Кыргызстан
Тема боюнча
Бишкекте "Эскерүү багы" акциясы өттү. Кызыл-Аскерден тартылган сүрөттөр