Президент Сооронбай Жээнбеков. Архив

Бейруттагы жарылуу: Жээнбеков Ливан президентине көңүл айтты

75
(жаңыланган 13:33 05.08.2020)
Кечээ Ливандын борбору Бейрутта көп убакыт катылган заттар жарылып, анын кесепетинен 70тен ашуун киши көз жумуп, миңдеген адам жаракат алды.

БИШКЕК, 5-авг. — Sputnik. Мамлекет башчы Сооронбай Жээнбеков Ливандын лидери Мишель Аунга Бейрут шаарындагы жарылуудан каза болгондорго байланыштуу көңүл айтты. Бул тууралуу президенттин маалымат кызматы кабарлады.

Жээнбеков каза болгондордун жакындарына кайрат айтуу менен бирге, жабыр тарткандардын тез сакайышын каалаган.

Күнөөлүүнү таап чыгам! Ливандын премьери Бейруттагы жарылуу боюнча үн катты

"Кыргызстандын элинин жана жеке өзүмдүн атымдан Ливандын борбору Бейрут шаарында болуп өткөн кырсыктын кесепетинен адамдардын каза болгондугуна байланыштуу терең кайгыруу менен көңүл айтам. Кыргыз эли көз жумгандардын жакындарына кайрат айтат жана алардын орду толгус жоготуу азасын тең бөлүшөт. Бардык жабыр тарткандардын тез сакайышын тилейм", — деп айтылат көңүл айтуу телеграммасында.

Эске салсак, 4-августта Ливандын борбору болгон Бейрут шаарындагы портто катуу жарылуу болуп, соңку маалыматтар боюнча, 70тен ашуун киши көз жумуп, миңдеген адам жаракат алды.

Өлкөнүн премьер-министри Хассан Дияб портто 2750 тонна аммиак селитрасы болгонун айтып, ал дээрлик алты жылдан бери сакталып тура бергенин билдирген.

75
Белгилер:
көңүл айтуу, өлүм, Сооронбай Жээнбеков, Бейрут, Ливан, Кыргызстан
Тема:
Бейруттагы жарылуу (16)
Тема боюнча
Жүрөктү титиретет! Бейруттагы  катуу жарылуунун видеосу 
Президент Сооронбай Жээнбеков Биринчи радиого маек берди

Шайлоодон кийин карантин киргизилеби? Президент Жээнбековдун жообу

20
(жаңыланган 15:28 26.09.2020)
Мамлекет башчы пандемия учурунда ар бир адам жооптуу болуп, санитардык эрежелерди сактоо зарылдыгына көңүл бурууну белгилеген.

БИШКЕК, 26-сен. — Sputnik. Карантин киргизиш оңой, баарын жаап салабыз, бардык кыймыл токтойт, бирок аны менен маселе чечилбейт. Бул туурасында президент Сооронбай Жээнбеков Биринчи радиого маек берип жатканда айтты.

Журналист эл арасында шайлоодон кийин карантин кайра киргизилет экен деген сөздөрдүн айтылып жаткандыгы боюнча суроо берген.

"Карантин киргизиш оңой, ал жеңил, баарын жаап салабыз, баардык кыймыл токтойт. Аны менен маселе чечилбейт", - деген мамлекет башчы.

Жээнбеков пандемия учурунда ар бир адам жооптуу болуп, санитардык эрежелерди сактоо зарылдыгына көңүл бурууну белгилеген.

Өлкөгө сырттан киргендер кайрадан текшерилет, анализ тапшырат. Жаңы алгоритм

"Башында билесиздер, март жана апрель айларында элди санитардык эрежелерге көндүрөлү деп карантин киргиздик — ал өзүнүн эффектисин берди. Бирок, карантинди кое бергенден кийин ошол санитардык эрежелерди, социалдык дистанцияны сактабай, кайдыгер мамиле менен, кээ бир саясатчылардын оору жок дегенине эл ишенип чыгып алды. Ошонун жыйынтыгы менен июнь – июль айларында абдан кыйналдык. Оору аябай таркап, ооруканалар, медиктер элге медициналык жардам көрсөткөнгө үлгүрбөй, кандай кыйынчылыктар болду, аны көрдүк да. Ошол үчүн ар бирибиз жооптуу болуп, карантинге ишенбей, ар адам өзүнө тыюу салганды үйрөнүш керек, өзүн сактанганды үйрөнүш керек жана ар адам жоопкерчилик менен мамиле кылыш керек. Анан ошондо карантиндик режим сакталат", - деген президент.

Кыргызстанда да коронавирус жуктургандардын саны акыркы күндөрү арбып бара жатат. 26-сентябрда COVID 158 кишиден табылды.

20
Белгилер:
карантин, коронавирус, Сооронбай Жээнбеков, Кыргызстан
Тема:
Шайлоо-2020
Тема боюнча
COVID жуктургандар көбөйө баштагандыктан Боронов шашылыш жыйын өткөрдү
Тушение пожара в квартире одного из жилых домов в Мурманске.

Бишкек: көп кабаттуу үйдөгү бир батир үйүп кетти. Видео

18
(жаңыланган 15:27 26.09.2020)
Күбөнүн айтымында, кырсыктан жаракат алган адамдар жок. Учурда өрттүн эмнеден келип чыкканы такталып жатат.

БИШКЕК, 26-сен. — Sputnik. Бишкекте Ибраимов жана Бөкөнбаев көчөлөрүнүн кесилишинде жайгашкан көп кабаттуу үйдүн бир батири күйүп кетти. Бул туурасында Sputnik Кыргызстанга окуяга күбө болгон киши билдирди.

Анын айтымында, кырсыктан жаракат алган адамдар жок.

Ал эми Өзгөчө кырдаалдар министрлиги аталган дарекке өрт өчүрүүчүлөр саат 10.58де чыгып кеткенин билдирди. Саат 12:25те өрт толугу менен өчүрүлгөн. Жалын тогуз кабаттуу турак жайдын экинчи кабатындагы батирден чыккан.

Өрттүн эмнеден келип чыкканы такталууда.

18
Белгилер:
турак үй, батир, өчүрүү, ӨКМ, өрт
Тема боюнча
Жалда өрттөнгөн көп кабаттуу үйдүн эмнеси калды. Дрондон тартылган видео
Опалубкалар жерге кулап... Жалда күйүп жаткан көп кабаттуу үйдүн видеосу