Окуучулар. Архив

Министрлик окуучулардын мектеп формасы боюнча түшүндүрмө берди

752
(жаңыланган 20:55 05.08.2020)
Өмүров министрлик өлкөдөгү кырдаалды эске алуу менен ушундай чечимге келгенин белгиледи. Эске салсак, окуучулар 1-чейректе аралыктан билим алышат.

БИШКЕК, 5-авг. — Sputnik. Келе жаткан окуу жылында Билим берүү жана илим министрлиги окуучулардан окшош мектеп формасын кийүүнү талап кылбайт. Бул тууралуу министрдин орун басары Нурлан Өмүров брифингде билдирди.

Анын айтымында, министрлик өлкөдөгү кырдаалды эске алуу менен ушундай чечимге келген.

"1-августтан тарта 1-класстын окуучуларынын документтерин кабыл алуу иштери башталды. Ар бир мектеп бөбөктөрдү салттуу же дистанттык түрдө окутуу боюнча мониторинг жүргүзүп, анализ кылат. Бул жумуштар 10-августта аяктайт", — деди Өмүров.

Буга чейин Билим берүү башкармалыгынын жетекчиси Элмира Иманалиева 1-класстын балдарын окутуу тартиби боюнча чечим август айынын ортосунда кабыл алына турганын айткан.

752
Белгилер:
окуучу, мектеп, билим берүү
Тема боюнча
Бишкекте 1-класстын окуучулары кандай тартипте окуйт?  Башкармалыктын жообу
Бишкек: билим берүү чөйрөсүнөн 14 кызматкер COVID-19дан көз жумду. Экөө жетекчи
Бүгүндөн тарта мугалимдер аралыктан окутууга даярдык көрө баштайт
Аэропорттогу жүргүнчүлөр. Архивдик сүрөт

Россияга барчу кыргызстандыктар үчүн чектөөлөрдүн баары алынды

23
(жаңыланган 22:33 20.09.2020)
Пандемиядан улам дээрлик бардык мамлекеттер чек арасын жаап, байланыш чектелген. Эпидемиологиялык абал турукташа баштагандан бери каттамдар жанданууда.

БИШКЕК, 20-сен. — Sputnik. 21-сентябрдан тарта Россияга барууну каалаган кыргызстандыктар үчүн бардык чектөөлөр алына турганын КРдин РФтеги элчилиги кабарлады.

Маалыматта эки өлкөнүн ортосундагы туруктуу авиакаттам жандангандыктан аба жолдору ачылганы айтылат.

Эми кыргызстандыктар Казакстанга учак менен гана бара алышат

"Азырынча рейс жумасына эки ирет "Аэрофлот" жана "Авиа Траффик" компаниялары аркылуу аткарылып турмакчы", — деп жазылат кабарда.

Мындан тышкары, Россияга барчу чет өлкөлүктөр коронавирус жок экенин тастыктаган ПЦР-тестинин жыйынтыгын көрсөтүшү шарт. Тестти жүргүнчү Россиянын аймагына кирген күнгө чейинки үч күндүн аралыгында тапшырышы зарыл.

23
Белгилер:
тест, коронавирус, элчилик, авиакаттам, Кыргызстан, Россия
Тема боюнча
Жалал-Абад шаарындагы айрым чектөөлөр алынмай болду
Премьер-министр Россияга болгон авиакаттамдарга чектөөлөр алынарын айтты
Бишкектин Жал микрорайонуна асмандан көрүнүш. Архивдик сүрөт

Дүйшөмбүгө карата аба ырайы

38
Синоптиктер 21-сентябрда жаан-чачын болбой турганын маалымдашты. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 20-сен. — Sputnik. Дүйшөмбү күнү, 21-сентябрда, күндүз республика боюнча күн ачык болот. Бул тууралуу Кыргызгидромет билдирди.

Күн сууктайбы? Бир жумага карата аба ырайы

Абанын температурасы Чүй өрөөнүндө +22...+27, Таласта +20…+25, Ош, Жалал-Абад, Баткен облустарында +24...+29, Ысык-Көлдө +16...+21 жана Нарын жергесинде +17...+22 градус жылыйт.

Күндүн табы борборубузда +24...+26, Ошто +25...+27 градуска көтөрүлөт.

38
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы