Автоунаа Боом капчыгайында. Архив

Ылдамдыкты азайтып, фара күйгүзүүнү унутпаңыз! Көлгө бара жаткандагы жол эрежелери

490
(жаңыланган 21:53 06.08.2020)
Азыр көлдө эс алуу сезону. Дем алыш күндөрү шаардыктар агылып Ысык-Көлдү көздөй жөнөшөт. Мындай учурда айланма жолдо кыймыл жанданып, автоунаалар да көп болору кадыресе көрүнүш.

Айланма жолго чыкканда айрым айдоочулар зуулдата айдап, ылдамдыкты көбөйтүп, эрежени эске албаса, кээ бири чындап эле билбейт. Ошондой эле айдоочулук этиканы унутуп койгондор да бар. Мындан улам Sputnik Кыргызстан агенттиги Ысык-Көлгө бара жаткандагы айланма жолдун эрежелерин эске салууну эп көрдү.

Эрежелер тууралуу ИИМдин Жол кыймылы коопсуздугун камсыздоо башкы башкармалыгынын маалымат кызматынын жетекчиси Тилек Исаев айтып берип, жолдо жүрүүдө эске алчу нерселерди да кошумчалады.

Автоунааларды озуп өтүүдө эмнелерди эстен чыгарбоо керек? Эреже, кеңештер

Фара күйгүзүүнү унутпаңыз. Калктуу конуштардан сыртка чыгары менен (мисалы, айланма жолдор, трассалар) бардык транспорт каражаттары фаранын жакынкы жарыгын күйгүзүп коюшу керек. Жарыкты туура эмес колдонгон учурда айдоочуларга 1000 сомдон айып пул каралган.

Ылдамдык маанилүү. Калктуу конуштардан башка жерлерде, ошол эле трасса, айланма жолдо айдоочу ылдамдыкты саатына 90 чакырымдан жогору айдабаш керек. Өкмөт автомагистралда саатына 110 чакырым ылдамдык менен айдоого уруксат бергени менен өлкөдө "автомагистраль" деген аталыштагы трасса жок. Анын ичинде Бишкек — Нарын — Торугарт жолу да автомагистралга кирбейт. Анткени Транспорт жана жолдор министрлиги ага ылайык жолдогу белгилерди өзгөртүп, кеңейтиши керек. Мындан улам Ысык-Көлгө бара жаткан трассада ашып кетсе 90 чакырым менен айдоо шарт. Ал эми калк жашаган аймакка киргенде ылдамдык саатына 60 чакырымга азайтылышы керек.

Айдоочу ГБРдин автоунаасына жол бошотуп берүүгө милдеттүүбү? Эрежелер

Жолдогу камералар. Бишкек шаарынан чыгары менен айланма жолдо Токмок шаарына чейин "Коопсуз шаар" долбоорунун үч стационардык камерасы бар. Мындан сырткары, жол кырсыктарын алдын алуу максатында ар кайсы жерде үч буттуу камералар да коюлган. Алар туруктуу бир жерде турбайт. Кырсык көп катталган жана кооптуу аймактарга коюлат.

Айдоочулук этика. Караңгыда алыс жолго чыгуу кыйын. Айрым айдоочулар көздү уялтып алыскы жарыгын таптакыр өчүрбөй өтүп кетет. Бул башка айдоочуга тоскоолдук гана жаратпастан, жол кырсыгына да кептеши ыктымал. Мындан улам каршы тилкеде келе жаткан транспорт каражатына 150 метр жакын калганда сөзсүз жакынкы жарыкты күйгүзүп коюу керек. 150 метр калганда эле алыскы жарыкты жакынкыга алмаштырбай каршы келе жаткан транспорттун да белгисин кароо зарыл. Эгер ал фараларын бат-баттан күйгүзүп-өчүрсө, демек, сиздин фара ага тоскоолдук кылып жатат. Андыктан алыскыны жакынкы жарыкка дароо алмаштырыңыз.

"Аварийка" кайсы учурларда колдонулат? Айдоочу биле жүрчү эрежелер

Жол кырсыкка кептеген учурлар. Ысык-Көлгө эс алууга баратып же келе жатып трассада кырсыктагандардын көбү ылдамдыктан алдырышат. Катуу ылдамдыкта келе жатып тосмолорду сүзүп, рулду башкара албай ала салып же жолдон чыгып кетип кырсыктагандар болот. Ошондой эле каршы тилкеге чыгып, автоунааны озуп өтүп, мас болуп айдагандар да кырсыктын себепкери жана күнөөкөрү болушат.

Автоунааны текшертүү. Бишкектеги автотейлөө борборлорунун биринин менеджери айдоочуларга автоунаа бузук эмес экенине көзү жеткенден кийин гана жолго чыгууну сунуштады. Айрыкча, темир тулпардын жүрүү бөлүгүн бир сыйра текшертип, майын, суюктук деңгээлин да бир карап коюш керек. Кошумча дөңгөлөк да салып коюуну унутпаңыз. Аны алмаштырууда жабдууларды ар кимден сурабайын десеңиз, сатып алып транспортко салып коюу ашык болбойт.

490
Белгилер:
камера, автоунаа, айдоочу, жол эрежеси, Кыргызстан
Тема боюнча
Этият болуңуз! Айдоочулар үчүн турак жай зонасында жүрүү эрежелери
Мектептеги окуучулар. Архив

Кыргызстанда окуучулар кайсы айда мектепке барары айтылды

8932
(жаңыланган 22:40 30.09.2020)
Мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

БИШКЕК, 30-cен. — Sputnik. 2020-жылдын 6-октябрынан тарта 1-класстан 6-класска чейинки окуучулар жалпы билим берүү мекемелеринде салттуу түрдө окуй баштайт. Мындай чечим Республикалык ыкчам штабдын отурумунда кабыл алынды.

Маалыматка караганда, 2020-2021-окуу жылында 1-6-класстын окуучулары үчүн билим берүү процессин реалдуу режимде жандандырууда санитардык-гигиеналык нормаларды сактоо боюнча иш-аракеттердин алгоритми иштелип чыкты. 

Ага ылайык, окуучулардын жана мугалимдердин ден соолугу медицина кызматкерлери тарабынан көзөмөлдөнүп, мугалимдердин дене табы өлчөнүп турууга жана бет кап режимин сактоого тийиш. Окуучулар окуу процессинде аралыкты сактоо менен отургузулат. Алар колдорун бат-бат жууп турушу үчүн тиешелүү каражаттар менен камсыз кылынат.

3D китебинин автору: оюн түрүндөгү "Ойнобук" баланын акылын өстүрөт

Ошондой эле кызматкерлердин, үй-бүлө мүчөлөрүнүн ден соолугу, аларда илдеттин белгилеринин бар-жогу боюнча анкета толтурулуп турат.

“Эгерде мектепте окуучулардын саны 200гө чейин болсо, план боюнча бекитилген расписаниеге ылайык кадимки режимде окуу процесси уюштурулат. Ал эми балдардын саны 350гө чейин болсо, ийкемдүү расписание боюнча окутулат. Тагыраагы, сабактардын башталышы жана тыныгуулар ар кандай убакытта уюштурулат. Мисалы, 1-2-класстарда сабак 8.00дө башталса, 3-4-класстар саат 8.30га келишет. Балдардын саны 500гѳ чейин болсо, кезектешүү негизде болот. Мисалы, 1-2-3-класстар 1-кезметте, 4-5-6-класстар 2-кезметте окушат. Ашканада тамактануу процесси да смена боюнча уюштурулат”, — дешти штабдан.

Муну менен катар мектептерде ар кандай иш-чаларды өткөрүүгө жана ата-энелер менен башка уюмдардын өкүлдөрүнүн имаратка кирүүсүнө уруксат жок.

Ал эми мектеп балдар келгенге чейин дезинфекцияланууга тийиш. Бирок бул иш-чарада пайдаланыла турган каражаттардын концентрациясы белгиленген өлчөмдө гана колдонулат.

8932
Тема:
Коронавируска байланыштуу Кыргызстандагы кырдаал
Тема боюнча
5-октябрдан тарта башталгыч класстар мектепке барып окуйбу? Расмий жооп
Кол чатыр көтөргөн кыз. Архив

Бейшембиге карата аба ырайы

170
(жаңыланган 21:03 30.09.2020)
Бейшембиге караган түнү айрым райондордо жамгыр жаап, тоолуу өрөөндөрдө кар жаашы күтүлөт.

БИШКЕК, 30-сен. — Sputnik. 1-октябрь, бейшембиде, күндүз Талас облусунун кээ бир райондорунда, Ысык-Көл, Нарын жергесинин көпчүлүк аймактарында, Чүй, Ош, Жалал-Абад, Баткен облустарынын тоо этектеринде жамгыр жаап, тоолуу жерлерге кар түшөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Жер көчкөн Кара-Кече көмүр кенине электр жарыгы берилди. Сүрөттөр

Абанын температурасы Чүйдө +14...+19, Талас, Нарын жана Ысык-Көл аймактарында +12...+17, Ош, Жалал-Абад, Баткен облустарында +16...+21 градус болот.

Термометрдин көрсөткүчү борбор калаабыз Бишкекте +17...+19, Ош шаарында +18...+20 градусту көрсөтүп турат.

170
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео