БИШКЕК, 7-авг. — Sputnik. Бир сутка ичинде өлкө боюнча 17 медицина кызматкеринин коронавирус жуктуруп алганы аныкталды. Бул тууралуу Коомдук саламаттык сактоо башкармалыгынын башчысы Айнура Акматова билдирди.
Бир сутка ичинде COVID-19 илдетин илештирип алган медиктер:
- Ош шаары — 5;
- Ош облусу — 4;
- Жалал-Абад облусу — 2;
- Баткен облусу — 3;
- Ысык-Көл облусу — 3.
Ошол эле учурда жети медик коронавирустан айыгып, ооруканалардан чыгарылган. Мындан сырткары, үй карантининен 45 ак халатчан сакайганы маалым болду.
COVID: Кыргызстанда дагы 503 киши ооруну жуктуруп алды
Жалпысынан алганда Кыргызстанда коронавирус 2 928 медицина кызматкеринен табылса, анын 2 025и айыгып чыкты. Каза болгондордун саны 70тен ашык.
