Финпол майнинг-ферма боюнча маалыматты төгүндөсүн! "Бишкек" ЭЭА үн катты

125
(жаңыланган 19:18 07.08.2020)
Ассоциация майнинг ишмердүүлүгү Кыргызстанда мыйзамсыз деп табылган эместигин белгилеп, компания Юстиция министрлигинде, Салык кызматында, "Бишкек" эркин экономикалык аймагында катталганын кошумчалады.

БИШКЕК, 7-авг. — Sputnik. "Бишкек" эркин экономикалык аймагындагы субъектилер ассоциациясы Финпол тараткан маалымат боюнча үн катты.

Буга чейин Экономикалык кылмыштарга каршы күрөшүү мамлекеттик кызматы "Бишкек" эркин экономикалык аймагында мыйзамсыз иштеп жүргөн майнинг-ферма аныкталганын кабарлап, видеосун жарыялаган.

Маалым болгондой, Финпол тараткан маалыматтын пунктулары чындыкка дал келбейт.

"Жарыяланган видеодо "Блок-Чейн технологиясы" ишканасынын имараты көрсөтүлгөн. Андагы жабдуулар мыйзамдын негизинде бажы текшерүүсүнүн бардык процедурасынан өткөн. Компания ишмердүүлүгүн мыйзамдын негизинде жүргүзүп келе жатат жана Юстиция министрлигинде, Салык кызматында, "Бишкек" эркин экономикалык аймагында катталган. Компания имаратты ижарага алган. Колдонгон коммуналдык кызматтар, анын ичинде электр энергиясы үчүн өз убагында акы төлөп келет",— деп айтылат маалыматта.

Ассоциация майнинг ишмердүүлүгү Кыргызстанда мыйзамсыз деп табылган эместигин белгиледи.

"Азыркы учурда Кылмыш кодексинде майнинг деген берене жок. Салык кодексинде да майнинг ишмердүүлүгү боюнча санкция же кандайдыр бир эскертүү көрсөтүлгөн эмес", — деп айтылат таратылган маалыматта.

Бишкекте 100 таңгак гепаринди үйүнө катып, кымбат саткандар кармалды. Видео

Маалым болгондой, Отун-энергетикалык комплексин көзөмөлдөө мамлекеттик агенттиги 2020-жылдын 18-июнунда №97 "Электр, жылуулук энергиясы жана ысык суу тарифи тууралуу" буйругуна кол койгон. Анда майнинг субъектилери үчүн расмий түрдө тарифтер бекитилген.

"Агенттиктин бул буйругу электр энергиясын колдонууга жана майнинг ишмердүүлүгүнө уруксат берет. Мындан улам Финполдун "компания мыйзамсыз иштеп жатат" деген маалыматы чындыкка дал келбейт. Буга байланыштуу биз алардан бул кабарды төгүндөөнү талап кылабыз", — деп айтылат таратылган билдирүүдө.

"Бишкек" эркин экономикалык аймагындагы субъектилер ассоциациясы өлкөнүн эркин экономикалык аймагында иштеген ишкер жана инвесторлордун кызыкчылыгын коргой турганы белгилүү болду.

125
Белгилер:
Бишкек, компания, майнинг, видео
Тема боюнча
COVID-19дун айынан Кыргызстанда майнинг-фермалар эми салык төлөмөкчү
Финпол майнинг-ферма боюнча маалыматты төгүндөсүн! "Бишкек" ЭЭА үн катты
Адамдар пляжга барышат. Архив

Глобалдуу жылуулуктан кийин адамдын келбети да, мээси да өзгөрөт. Иликтөө

2
(жаңыланган 12:46 01.12.2021)
Адистер климаттын өзгөрүшү адамдын сырткы көрүнүшүнө таасир этип, андан сырткары, ден соолугуна да өзүнүн "салымын" кошорун айтты.

БИШКЕК, 1-дек. — Sputnik. Жер планетасындагы глобалдуу жылуулуктан улам адамдын сырткы көрүнүшү кантип өзгөрө тургандыгын илимпоздор изилдеп чыкканын "Газета" кабарлады.

Илимий эмгектин авторлорунун белгилегенине караганда, эволюция теориясы боюнча жаратылыш шарттары алмашканда түрлөр, жандыктар да өзгөрөт. Бир катар окумуштуулардын айтымында, мындай нерседен адамдар да куру калбайт.

"Климаттын жылып башташы жаныбарлардын кебетесин өзгөртөт" деп аталган эмгектин автору, биолог Сара Райдинг климаттын өзгөрүшү жана глобалдык жылуулук жан-жаныбарлардын көнүшүп кетишинин темпин тездеткен деп эсептейт.

Ыңгайлашкан башка жан-жаныбарлар — европалык чычкандар менен келемиштин бир түрүнүн буттары узарып, денесинин башка түрлөрү да мурдагыдан чоңойгон.

Ал эми адамдарга келе турган болсок, өзгөрүлгөн жылуулуктун айынан меланинди көбүрөөк бөлүп чыгары айтылды. Бул пигменттин териге, чачка жана көзгө өзүнүн таасирин тийгизет. Ал көбүрөөк болсо, теринин өңү кара тору тартып, көз менен чач да карарат.

Климаттын алмашуусу менен адам баласы өзү да, мээсинин көлөмү да өзгөрөрү айтылууда. Изилдөөлөр адамдын орточо көлөмү менен мээси ар дайым өзгөрүп турарын, тагыраагы, суук чоңойтуп, ал эми ысык, тескерисинче, кичирейтерин көрсөткөн.

Илимпоздор глобалдуу жылуулуктун башталып келе жаткандыгынын айынан адамдын мээси менен денеси кайрадан кичирейиши мүмкүн дейт. Кембридждегилер адамдын эс тутуму, сүйлөөсү, бир нерсени тез үйрөнүп кетиши жана мээдеги кан айлануунун жайлай турганын айтышты.

2
Белгилер:
глобалдык жылуулук, илимпоз, изилдөө, адам, келбет
Тема боюнча
Ааламда ири жаратылыш кырсыктары эмнеге болуп жатканын окумуштуулар түшүндүрдү
Кытайда климат кескин өзгөрүп, кесепети оор болору болжолдонуп жатат
Кишилер Бишкектеги жарманкеден азыктарды алып жатат. Архив

Бишкекте азык-түлүк жарманкеси жылдын аягына чейин өтөт

5
(жаңыланган 12:41 01.12.2021)
Жарманкеге фермерлер жана өндүрүүчүлөр өз товарларын алып чыгып, арзан баада сата турганы айтылууда. Иш-чара Бишкектин чок ортосунда өтөт.

БИШКЕК, 1-дек. — Sputnik. Бишкек шаарынын борборунда жылдын аягына чейин ар жума сайын салтка айланган айыл чарба жарманкеси өткөрүлөт. Бул тууралуу Айыл чарба министрлигинин маалымат кызматы билдирди.

Жарманке ишемби жана жекшембиде саат 09:00дөн 16:00гө чейин баш калаанын Раззаков көчөсүндө Киев менен Токтогул көчөлөрүнүн ортосунда өтөт.

Министрлик жарманкеден айыл чарба жана тамак-аш өнөр жай өнүмдөрүн, жумуртка, эт, сүт азыктарын, жашылча жана башкаларды ортомчуларсыз, өндүрүүчүлөрдүн баасы менен сатып алууга болорун айтууда.

5
Белгилер:
Бишкек, Айыл чарба жана мелиорация министрлиги, азык-түлүк, жарманке
Тема боюнча
Жапаров: өлкөдө азык-түлүк менен камсыз кылуунун деңгээли кооптуу абалда
Кыргызстанда өсүмдүк майын өндүрүү боюнча кластер түзүлөт
Депутат Аккулу Бердиев во время заседания ЖК. 25 февраля 2021 года

Алар да кудайдын пендеси. Депутат Жээнбеков, Зулпукаровдун кол тийбестиги боюнча

0
(жаңыланган 12:50 01.12.2021)
Депутат кесиптештеринин башына иш түшүп турганда КСДП да, башкасы да качып кетип, жардам берейин деген эч ким жок экенин айтты.

БИШКЕК, 1-дек. — Sputnik. Жогорку Кеңештин депутаты Аккулу Бердиев үч кесиптешин кол тийбестиктен ажыратуу маселесин кийинки чакырылышка калтырууну сунуштады.

Ал адамдын башына кыйынчылык түшкөндө "жоопко тарткыла" деп уруксат бергенибиз туура эмес деген пикирин билдирди.

"Мурда Асылбек Жээнбековдун эшигин каккылап, бир кирип чыккандар өзүн бактылуу сезет эле. Азыр башына иш түшүп турганда КСДП да, башкасы да, баары качып кетти. Жардам берейин деген эч ким жок. Ошондуктан бул маселени алдыда келе турган жаңы депутаттарга эле калтыралы. Мен ал киши менен саламдашкан да, чай ичишкен да жокмун. Кандай болбосун мусулманчылыкка караганда "кечээ ким элең, бүгүн ким болдуң" деген сөз бар. Алар да кудайдын пендеси, башына оор иш түшүп жатат. Жыгылган адамды тепкилеген болбойт", — деди Бердиев.

Белгилей кетсек, башкы прокурор Курманкул Зулушев эл өкүлдөрү Асылбек Жээнбеков, Төрөбай Зулпукаров жана Бакыт Жетигеновду кылмыш жоопкерчилигине тартууга макулдук берүүнү сураган.

Натыйжада анын сунуштамасын кароо үчүн жети депутаттан турган комиссия түзүлдү.

Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында.

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

0
Белгилер:
депутат, Асылбек Жээнбеков, кол тийбестик, комиссия, Аккулу Бердиев