Базарда жашылчаларды сатуу. Архив

Эт жегендер менен андан баш тарткандардын кимиси узак жашайт. Адистин аныктамасы

1570
(жаңыланган 09:45 10.08.2020)
Адамдын организми негизинен белоктон турат. Вегетариандарда белоктун жоктугунун кесепети дароо билине бербейт. Жаш өткөн сайын  байкалат.

БИШКЕК, 10-авг. — Sputnik. Туура тамактануу эрежесин сактоо менен эт азыгын жегендер жашылча-жемиш менен тамактангандарга (вегетариандар) караганда узакка жашайт. Мындай пикирди медицина илиминин кандидаты, диетолог-дарыгер Инна Кононенко билдиргенин РИА Новости жазды.

"Биздин организм негизинен белоктон турат. Вегетариандарда белоктун жоктугунун кесепети дароо билине бербейт. Жаш өткөн сайын пайда боло баштайт", - деген адис.

Кононенко карып бараткан организмдеги эки көрсөткүчкө көңүл бурду. Биринчиси - кадимки уйку артериясындагы калыңдык, ал канчалык көп кездешсе, карылык ошончо эрте пайда болот. Вегетариандар холестеринди азыраак кабыл алгандыктан алардын тамырлары чоңоюп кеткен учур эт менен азыктангандарга караганда азыраак болот.

Дайым жаш болом десеңиз... Адистер карылыктын алдын алчу диетаны аташты

"Бирок эт жечүлөр B12, D3, K2 витаминдерин жетиштүү санда кабыл алса, анда анын тамыры чоңойбойт", - деп белгилейт медик.

Картаюунун экинчи белгиси – митохондрийлердин иштеши. Адис муну клеткалардын "энергетикалык станциясы" деп атайт.

"Бул вегетариандарда эт жегичтерге салыштырмалуу начар иштейт. Анткени эт митохондордун иштеши үчүн зарыл болгон л-карнитиндин булагы катары кызмат аткарат. Мындан тышкары, белоктордун синтезин мүнөздөөчү көрсөткүч бар. Тилекке каршы, адамдын организми вегетариандардын диетасынан аминокислотаны толук ала албайт", - дейт Кононенко.

Анын айтымында, кандайдыр бир органикалык кошулма болбосо, белгилүү бир белокту бөлүп алуу жана өздөштүрүү процесси үзгүлтүккө учурайт. Бул чачтын, тырмактын өсүшүндө көйгөй жаратып, көрүүнүн, теринин жана кан тамырлардын начарлашына алып келет.

Тез арыктоо өлүмгө дуушар кылат. Диетологдун кеңеши

Диетолог эт менен азыктангандарды да, вегетариандарды да витамин жана микроэлементтердин жетишсиздигинен арылууга чакырат.

1570
Белгилер:
белок, эт, витамин, ден соолук, диета
Тема боюнча
Күн сайын гречка жесе организмде кандай өзгөрүү болот? Адистин пикири
Президенттин оператору Улан Сатиев. Архив

Президенттин оператору Улан Сатиев КТРКга башкы директор болуп бекитилди

5
(жаңыланган 20:13 29.07.2021)
Сатиев буга чейин президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

БИШКЕК, 30-июл. — Sputnik. Улан Сатиев Коомдук телерадиокорпорациясынын башкы директору болуп бекитилди. Бул тууралуу КТРКнын Байкоочулар кеңешинин мүчөсү Жылдызбек Керимбаев Facebook баракчасы аркылуу билдирди.

"Бүгүн КТРКнын Байкоочу кеңешинин жыйыны болуп, анда көпчүлүк добуш менен Улан Сатиевди башкы директордун ордуна бекиттик. Аны куттуктап, ийгилик каалап коелу", — деп жазган Керимбаев.

Белгилей кетсек, Улан Сатиев 23-июндан бери Коомдук телерадиокорпорациясынын башкы директорунун орун басарынын милдетин аткарып жаткан.

Ага чейин ал президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

5
Белгилер:
дайындоо, Улан Сатиев, Байкоочу кеңеш, кызмат, директор, КТРК
Тема боюнча
Садыр Жапаровдун облустардагы өкүлдөрү дайындалды. Тизме
Бишкек шаарынын Октябрь районуна жаңы жетекчи келди. Сүрөт
Жүк ташуучу унаалар. Архив

Ысыкта оор жүк ташуучу унаалардын Бишкекте жүрүүсүнө чектөө киргизилет

14
(жаңыланган 19:25 29.07.2021)
Чектөө бардык эле көлөмдүү унааларга тиешелүү эмес. Маселен, жүргүнчү ташыган автобустар шаар ичинде каттай берет.

БИШКЕК, 29-июл. — Sputnik. Бишкекте күндүн табы 28 градустан ашкандан кийин оор жүк ташуучу унаалардын жүрүүсүнө чектөө киргизилет. Бул тууралуу мэриянын маалымат кызматы билдирди.

Мындай чечим 1-сентябрга чейин иштейт. Ага ылайык, ысык болгон күндөрү саат 10:00дөн кечки 20:00гө чейин чоң унаалардын баш калаанын көчөлөрүндө жүрүүсүнө тыюу салынат.

Чектөө 7 тоннадан ашык жүк көтөргөн эң оор салмагы 18 тонна болгон көлөмдүү унааларга тиешелүү. Мындай чара шаар жолдорун сактоо жана узак мезгилге пайдалануу үчүн кабыл алынган.

Чектөөлөрдүн жүргүнчүлөрдү, гуманитардык, көлөмдүү жана атайын жүктөрдү ташуу менен алектенген, уруксат кагаздарынын негизинде колдонулган унааларга тиешеси жок. Чектөө ошондой эле жол куруу, оңдоо жана сактоо ишин жүргүзгөн мэриянын транспортторуна киргизилбейт.

Бүгүн, 29-июлда, Бишкек шаарында абанын табы 30 градустан ашты.

14
Белгилер:
чектөө, жүк ташуучу унаа, ысык, чечим, Бишкек мэриясы
Тема боюнча
Бишкек: коомдук транспортто эми Visa картасы менен да жол кире төлөөгө болот
Бишкекте бир нече көчө оңдоо үчүн жабылат. Тизме