Россиянын 11 шаарынан чогулган 219 кыргызстандык Ошко алып келинди

© Sputnik / Игорь Зарембо / Медиабанкка өтүүУчак. Архив
Учак. Архив - Sputnik Кыргызстан
Жазылуу
"Урал аба каттамдары" компаниясынын чартердик рейси менен Ошко келген мекендештер Россиянын бир катар шаарларынан чогултулган.

БИШКЕК, 10-авг. — Sputnik. Бүгүн, 10-августта, Россиянын Екатеринбург шаарынан Ошко 219 кыргызстандык учуп келди, арасында 12 жаш бала бар. Бул тууралуу Тышкы иштер министрлиги кабарлады.

"Урал аба каттамдары" компаниясынын чартердик рейси менен Ош шаарына келген мекендештер Россиянын бир катар шаарларынан чогултулган.

"Келгендердин дээрлик баары Кыргызстанга кайтууга муктаждыгы бар жарандар. Алар Екатеринбург, Челябинск, Тюмень, Сургут, Магнитогорск, Ханты-Мансийск, Жаңы Уренгой, Надым, Курган жана Пермь шаарларынан кайтып келишти", — деп айтылат маалыматта.

Россиядан 420 кыргызстандык келди. Арасында 35 бала да бар

Жүргүнчүлөрдүн тизмеси Урал федералдык округунун региондорунан жана шаарларынан келген жарандардын жана кыргыз диаспоралык уюмдарынан келип түшкөн кайрылууларын эске алуу менен түзүлгөн.

ТИМ ошондой эле жүргүнчүлөрдүн мурда сатып алынган авиабилеттеринин бар экендиги эске алынганын белгилейт.

Жаңылыктар түрмөгү
0