Медики инфекционного отделения Баткенской областной больницы. 12 августа 2020 года

Эми акча берилбейби? Медиктерге компенсация төлөөнүн шарты өзгөрүүдө

1185
(жаңыланган 13:21 18.08.2020)
Коронавирус пандемиясынан улам оорунун очогунда иштеген медицина кызматкерлерине атайын буйруктун негизинде компенсация төлөп берүү жагы көрүлгөн.

Учурда бул жаатта мыйзамга өзгөртүүлөр киргизилип, төлөө тартиби каралып жатат.

Sputnik Кыргызстан агенттиги медиктерге компенсация төлөп берүү эмнеге кечеңдеп жаткандыгына жана бул жаатта кандай маселелер бар экендигине кызыгып көрдү.

Буга чейин өзгөчө кырдаал жана өзгөчө абал режиминин шарттарында медициналык жардам көрсөтүү же илимий изилдөөлөрдү жүргүзүү учурунда кызматтык милдетин аткарууда коронавирус жугузуп алган саламаттык сактоо уюмдарынын медицина жана башка кызматкерлерине 200 000 сом өлчөмүндө компенсация төлөп берүү боюнча өкмөттүн буйругу чыккан.

Мындай буйрукка ошол кездеги премьер-министр Мухаммедкалый Абылгазиев кол койгон.

Медиктердин компенсациясы канча сомго көбөйдү? Түшүндүрмө

Анда кызматтык милдетин аткарып жүрүп коронавирус жугузуп алган медицина кызматкерлерине 200 миң сом, ушундай шартта иштеп жүрүп каза болгон медиктердин үй-бүлөсүнө 1 миллион сом өлчөмүндөгү бир жолку акчалай компенсация бекитилген.

Бул акчаларды төлөөдө алгач Саламаттык сактоо министрлиги тарабынан комиссия түзүлүп, алар кызматтык териштирүү жүргүзүп, анын негизинде гана конкреттүү медицина жана башка кызматкерге тиешелүү компенсация берилери айтылган.

Бирок илдетти тастыкташ үчүн ар бир медицина кызматкеринен эпидемиологиялык тастыктоочу документ, акт жана башка бир нече документ талап кылынат. Эпидемиологиялык корутунду облустардагы ар бир медикке өз-өзүнчө даярдалышы зарыл.

Саламаттык сактоо уюмдарынын кызматкерлерине компенсация төлөөгө бюджеттен 50 миллион сом каражат бөлүнгөн.

Медицинские специалисты, носящие средства индивидуальной защиты (СИЗ), лечат пациентов в дневном стационаре, который расположен в школьном спортзале в Бишкеке. 16 июля 2020 года
© REUTERS / VLADIMIR PIROGOV
Учурда өлкөдө COVID-19 менен күрөшүп жүргөн 3 006 медицина кызматкери оору жуктуруп алганы, ал эми 73 ак халатчан каза болгону маалым.

Пневмония менен ооруп жана каза болгон медиктерге да компенсация каралганбы?

Негизинен жумуш учурунда коронавирус жуктурган жана андан каза болгон медиктерге гана компенсация төлөп берүү чечими кабыл алынган. Пневмония буга кирген эмес.

Алгач Кыргызстанда коронавирус менен пневмония илдети эки башка каралып, кийинчерээк гана пневмония коронавирустун өтүшүп кеткен формасы катары белгиленип, бир статистикага алынды.

Коронавирус медицина каймактарын терип кетти

Компенсацияны караган комиссиянын катчысы Индира Жумабаеванын айтымында, аймактарда пневмониядан каза болгон медиктердин жакындары да документ тапшырышкан. Бирок акча (компенсация) коронавирустан жабыркаган кызматкерлерге гана берилет.

Ал эми Саламаттык сактоо министрлигинин юридика бөлүмүнүн башчысы Азамат Жумакеев COVID-19 тастыкталбаган медиктердин ооруганы юридикалык жактан коронавируска чалдыкты деп эсептелбей турганын билдирди.

"Пневмония менен ооруган медикте коронавирус тастыкталбаса, анда ага компенсация төлөнбөйт. Экөөнүн дарылоо иши да эки бөлөк. Пневмония коштоочу оору болгондуктан, ал COVID-19га кирбейт", — деди юрист.

Төрт эле дарыгерге компенсация берилди

Коронавирустан каза болгон дарыгерлер Жүзүмкан Көкүмбаева менен Альберт Исмаиловдун жакындарына гана бир миллион сомдон компенсация төлөнүп берилген. Ал эми оору жуктургандардын ичинен Ош облусундагы төрт дарыгерге гана 200 миң сомдон төлөнгөн.

"Медиктердин компенсация алуу үчүн жиберилген документтери туура эмес толтурулгандыктан, кайра кайтарып жатабыз. Кызматтык иликтөөнүн корутундусу жана ооруну каяктан жугузган жагдайлары жөнүндө акт талапка ылайык толтурулбай жатат. Бүгүнкү күндө төрт эле документ каралып, акчасы төлөндү. Биз юридикалык жактан баарын тактап туруп бербесек, эртең текшерүү келгенде жооп берип калабыз. Ошол себептен компенсация төлөө жагы кармалып жатат", — деди комиссиянын катчысы Жумабаева.

Көз жумган ыктыярчы Адинайдын жакындарына 1 млн сом төлөнөбү? Комиссиянын жообу

Аймактардан тапшырылган документтердин саны төмөндөгүдөй:

  • Чүй облусу боюнча 115 документ келген, туура эмес толтурулгандыктан баары артка кайтарылган;
  • Нарын облусунан 40 документ келсе, 37си кайтарылды. Анын үчөө жарактуу деп табылган;
  • Ош облусунан 40 документ келген. Анын төртөөнө компенсация төлөнүп берилип, 36 документ артка жөнөтүлгөн;
  • Баткен облусунан үч документ келип, туура эмес толтурулгандыктан кабыл алынган эмес;
  • Жалал-Абад облусунан келе элек;
  • Талас облусунан 10 документ келип, бирок туура эмес толтурулгандыктан кайра жиберилген.
Медицинские работники на одном из дневных стационаров в Бишкеке, где оказывают помощи населению на амбулаторном уровне.
© Фото / пресс-служба правительства / Алишер Алиев
Саламаттык сактоо министрлигинин кызматтык териштирүүсүнөн кийин гана конкреттүү медицина жана башка кызматкерге тиешелүү компенсация берилери айтылган.

Министрлик: оору жугузган медиктерге эми компенсация төлөнбөйт

Саламаттык сактоо министрлигинин юридика бөлүмүнүн башчысы Азамат Жумакеев белгилегендей, Жогорку Кеңештин депутаттары өлкөдөгү медицина кызматкерлеринин социалдык пакетин камсыздаган мыйзамды демилгелеп, бекитип беришкен.

"Буга чейинки атайын буйруктун негизинде жумуш учурунда коронавирус жуктуруп алгандыгы тастыкталып, 200 миң сом алгандар бар. Каза болгондорго миллион сом төлөнүп келген. Ал эми "Медиктердин статусу жөнүндө мыйзамдын" 11-1 беренелерине киргизилген өзгөртүүлөр боюнча, оорунун очогунда иштеген дарыгерлер маянасынан төрт эсе көп төлөм алат деп жазылган. Эгер оорунун кесепетинен медик майыптык алып калса, мыйзам боюнча ага да социалдык пакет каралды. Бирок жаңы мыйзам боюнча оору жугузуп алган медиктерге компенсация төлөнбөйт", — деди Жумакеев.

Юрист учурда жаңы төлөмдөрдүн жол-жобосун Финансы министрлиги менен макулдашып, тактап жатышкандыгын айтты.

Инфекционист, эпидемиолог көздөн учту. Жети дубандын эли кантип дарыланууда

"Пандемияга чейин мындай мыйзам жок болчу. Ошол себептен эпидемиологиялык абал жаралганда көп медицина кызматкери "оору жуктурбоого кепилдик жок" деп иштөөдөн баш тарткан. Ошондон кийин депутаттар "Медиктердин статусу жөнүндөгү мыйзамга" өзгөртүүлөрдү киргизди. Учурда жаңы төлөмдөрдүн жол-жобосун Финансы министрлиги менен макулдашып, тактап жатабыз. Төлөө тартибин иретке келтирип алган соң 200 миң сом компенсация берүү боюнча буйрук жокко чыгарылат. Анткени мыйзам буйруктан жогору турат", — деди Жумакеев. 

Медик одного из дневных стационаров в Бишкеке
© Пресс-служба президента КР / Султан Досалиев
Бирок илдетти тастыкташ үчүн ар бир медицина кызматкеринен эпидемиологиялык тастыктоочу документ, акт жана башка бир нече документ талап кылынат. Эпидемиологиялык корутунду облустардагы ар бир медикке өз-өзүнчө даярдалышы зарыл.

Юрист белгилегендей, бирок мыйзам бекигенге чейин оору жуктуруп алгандыгы далилденген медиктерге 200 миң сом компенсация төлөнүп берилет.

"Мыйзамга жоболор такталып, токтом чыккан күндөн тартып дарыгерлер ушул өзгөртүлгөн мыйзамдын негизинде компенсация алышат. Оорунун очогунда иштеп жүрүп, каза болуп калган медицина кызматкерлеринин жакындарына берилүүчү компенсация жаңы мыйзам боюнча дарыгердин орточо айлыгы менен эсептелгенде эки миллиондон ашып жатат. Анткени медиктин орточо айлыгын алып, анын 20 жылдык эсебинен жүргүзүлөт. Мисалга, орточо маянасы 4 800 сом болсо, андан 20 жылдык маянасынын орточо эсебин чыгарып компенсация берилет. Ал эми оорунун очогунда иштеген бардык дарыгерлердин бир айлык акчасы төрт маянадан кем эмес белгиленет", — деди ал.

Жумакеев мыйзамга мындай өзгөртүүлөр он жыл мурда эле кабыл алынып, медиктердин социалдык пакети каралышы керек болчу деп эсептейт.

Учурда өлкөдө COVID-19 менен күрөшүп жүргөн 3 006 медицина кызматкери оору жуктуруп алганы, ал эми 73 ак халатчан каза болгону маалым.

1185
Белгилер:
маяна, компенсация, мыйзам, медик, КР Саламаттык сактоо министрлиги
Тема:
Коронавируска байланыштуу Кыргызстандагы кырдаал (2239)
Тема боюнча
Акысын албай калган медиктер. Сокулуктун акимине сөгүш жарыяланды
Беш жылдан бери контейнерде жашаган фельдшердин кыялы. Медик менен маек
Экинчи толкунга даярдык. КРде 18 миңден ашуун медик кайра окутуудан өттү
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

36
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

36
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

34
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

34
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты