Заводдун ишкери жумуш учурунда. Архив

Бишкекте таштанды ылгоочу заводдун курулушу кечеңдеп жатат. Себеби айтылды

127
(жаңыланган 16:22 17.08.2020)
Буга чейин Бишкектеги завод 2020-жылдын аягына чейин курулуп бүтөрү айтылган. Бүгүн адистер курулуштун кечигүүсүнүн себебин түшүндүрдү.

БИШКЕК, 17-авг. — Sputnik. Бишкек шаарындагы таштанды ылгоочу заводдун курулушу быйыл аяктабайт. Бул тууралуу Sputnik Кыргызстан агенттигине "Бишкек шаардык санитардык полигон" муниципалдык ишканасынын долбоорлорду ишке ашыруу бөлүмүнүн башчысы Адилет Маматов билдирди.

Эске салсак, 2019-жылдын апрель айында завод куруу боюнча тендер жарыяланган эле.

Таштанды полигону жана таштанды ылгоочу заводдун курулушуна жалпысынан 22 миллион евро сарпталмакчы. Каражатты Европа реконструкциялоо жана өнүктүрүү банкы бөлөт. 11 миллиону гранттык негизде, калганы 20 жылга эки пайыздык үстөгү менен насыя иретинде берилет.

Романов: Кыргызстанда жылына 20 миңден ашык жолбун ит-мышык атылат

Буга чейин Бишкек мэринин орун басары Мирлан Амантуров Жогорку Кеңеште сүйлөп жатып, таштанды полигону менен заводдун курулушу ушул жылы аяктарын билдирген.

Маматовдун айтымында, коронавирус пандемиясынын айынан тендердин экинчи этабы 15-июнь күнү болуп өттү.

Начальник отдела реализации проекта по управлению твердыми бытовыми отходами Адилет Маматов
© Sputnik / Табылды Кадырбеков
"Бишкек шаардык санитардык полигон" муниципалдык ишканасынын долбоорлорду ишке ашыруу бөлүмүнүн башчысы Адилет Маматов
"Үч катышуучу тандалган эле. Экөө кытайлык, бири россиялык. Пандемиядан улам тендердин катышуучулары мөөнөттү эки ирет жылдыртышты. Биз атаандаштык болсун деп, алар менен макул болгонбуз. Бирок кийин тендер бир гана кытайлык катышуучу менен өттү. Анткени башка катышуучулар шарттарын өзгөрткөн экен, бул эреже бузуу болуп эсептелет. Августка чейин бул компанияга долбоорду берүү же кайрадан тендер өткөрүү чечими кабыл алынат. Менимче, быйыл курулуш иштерине жетишпей калабыз", — деди Маматов.

Бир айдан бери түтөп жатат! Бишкекте карьердеги өрт кантип өчүрүлүүдө. Видео

Ошондой эле ал COVID-19 адистердин келишин кечеңдетип жатканын айтты.

"Полигонго жерди даярдадык, бирок чуңкурга атайын материал төшөлүшү керек. Ал Европадан алып келинет. Ошондой эле азыр Бишкекке адистер дагы келе албай жатат", — деди полигон директору.

Ал кеп болуп жаткан атайын материалды техникалык эрежелер боюнча кышка калтырбай, аз убакыттын ичинде төшөп бүтүү керектигин айтат. Бул иштер келе жаткан жылдын жылуу мезгилине пландалууда.

Директордун айтымында, таштанды ылгоочу заводду келечекте таштандыны кайра иштетүүчү заводго айлантса болот.

Оорукана менен стационардан чыккан медкалдыктар кантип жок кылынууда?

"Металл, желим, кагаз жана жыгач кайра иштетүүчү ишканаларга берилет. Бишкекте мындай мекемелер ондоп саналат. Ошондой эле таштандыны экспорттоо маселеси каралып жатат. Таштандыны ылгоонун негизги себеби кооптуу нерселерди таап чыгып жок кылуу жана абаны булгануудан сактоо болуп эсептелет", — деди Адилет Маматов.

Завод ишке берилсе, 120дай жумуш орду пайда болору кошумчаланды.

127
Белгилер:
завод, полигон, таштанды, Бишкек, Кыргызстан
Тема боюнча
COVID: Ошто медициналык таштандылар үчүн контейнерлер орнотулду
Кыргызстандын жаранынын паспорту. Архив

Райым Матраимов фамилиясын өзгөртүп алган. Мамкаттоо чоо-жайын айтты

107
(жаңыланган 14:26 20.10.2020)
Буга чейин социалдык тармактарда Матраимов фамилиясын өзгөртүп алды делген паспорттун сүрөттөрү жарыяланган.

Маалымат толукталууда

БИШКЕК, 20-окт. — Sputnik. Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган. Бул туурасында Мамлекеттик каттоо кызматы расмий түрдө билдирди.

Фото паспорта, в котором Райым Матраимов якобы поменял фамилию
фото распространяемое в мессенджерах
Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган
“Матраимов Р. Ы. аттуу жаран аты-жөнүн өзгөртүүнү сурап кайрылган. Фамилиясын алмаштыруу процедурасы КР мыйзамдарынын алкагында жүргүзүлгөн. Ал аты-жөнүн өзгөртүү тууралуу күбөлүктү алгандан кийин еID паспортун алмаштыруу үчүн Ош шаарындагы Калкты тейлөө борборуна кайрылган. Бирок аталган жаранга документ берүүгө тыюу салуу боюнча чечим бар болгондуктан, ага берүүдөн баш тартышкан”, — деп айтылат маалыматта.

Мамкаттоо укук коргоо органдары тарабынан жүргүзүлгөн иш-чаралардын алкагында Ош шаарындагы Калкты тейлөө борборлорунан жогоруда аталган паспорт алынганын белгилейт.

107
Белгилер:
фамилия, паспорт, Райымбек Матраимов
Тема боюнча
Райым Матраимовдун кармалышы. Белгилүү болгон маалыматтар
Райым Матраимов кармалды

Бишкек мэри Азиз Суракматовдун маалымат жыйыны. Түз эфир

36
(жаңыланган 14:22 20.10.2020)
Суракматов борбор калааны жетектөөгө мындан эки жыл мурун, 2018-жылы, киришип Албек Ибраимовдун ордуна келген.

Бишкек мэри болуп эки жылдан бери иштеп келе жаткан Азиз Суракматовдун кызматтан кете турганы тууралуу маалымат бүгүн тарады. 

Мэрия шаар башчысы маалымат жыйын өткөрө турганын кабарлаган. 

Sputnik жыйынды түз алып берүүдө

36
Белгилер:
отставка, кызмат, мэр, Бишкек мэриясы, Азиз Суракматов
Тема боюнча
Бишкек мэри Суракматовдун иштен кетери айтылды
Бишкек мэри Азиз Суракматов. Архив

Азиз Суракматов мэрлик кызматтан эмнеге кеткенин түшүндүрдү

156
(жаңыланган 14:21 20.10.2020)
Азиз Суракматов мындан ары анын милдетин аткара турган Нариман Түлеев мыкты иш алып барарына ишенерин билдирди.

БИШКЕК, 20-окт. — Sputnik. Бишкек мэри Азиз Суракматов шаар башчылык кызматтан кеткенин журналисттерге берген маалымат жыйыны учурунда билдирди.

Ал мэр болуп турган кезинде 100 гектар жерди мамлекетке кайтарганын, скверлер, парктар көбөйгөнүн жана жолдор салынып, оңдолгонун билдирди.

Ал ошондой эле парламенттик шайлоого катышканы жаткандыктан мэрлик кызматтан кетүү чечимин кабыл алганын билдирди.

156
Белгилер:
мэр, Азиз Суракматов
Тема боюнча
Бишкек мэри Азиз Суракматовдун маалымат жыйыны. Түз эфир
Жогорку сот Жапаров, Ташиев жана Мамытовдун ишине чекит койду