Киши майыптар коляскасында. Архив

Машина тебелеп кеткен Эдилдин эжеси: жок дегенде арабага отургузганга операция керек!

(жаңыланган 21:45 17.08.2020)
Сокулук районунун тургуну 33 жаштагы Эдилбек Маймылов ден соолугунан улам оор акыбалда. Ага экинчи жолу операция жасатуу керек. Антпесе өмүр бою төшөктө жатып калат.

Эдилбек 2019-жылдын аягында кырсыкка учураган. Жол жээгинде турганда катуу келе жаткан унаа учура сүзүп, үстүнөн тебелеп өтүп кеткен.

Sputnik Кыргызстан агенттигине Эдилбектин жакындары кайрылып, абалын айтып коомчулуктан жардам сурашкан. Бейтаптын эжеси Чынара Кашбаева менен кабарчыбыз чакан маек курду.

— Азыр Эдилбектин абалы кандай?

— Бир жылдан бери төшөктө. Басмак турсун отура да албайт. Белден ылдый эчтеке сезбейт. Авариядан кийин башынан жана белинен операция болгон. Башынан чоң жараат алды. Белине коюлган болттор да туура эмес кыймылдан улам бошоп кеткен экен. Анткени ооруканадан өзүнө келе албай кыйналып, жөөлүп, ары-бери кыймылдаптыр. Кырсык 2019-жылдын 4-декабрында болгон. Машина уруп кеткенден бери инимдин мүмкүнчүлүгү чектелип калды.

Житель Сокулукского района 33 летний Эдилбек Маймылов
© Фото / Чынара Кашбаева
Сокулук районунун тургуну 33 жаштагы Эдилбек Маймылов бир жылдан бери төшөктө. Басмак турсун отура да албайт. Белден ылдый эчтеке сезбей калган

— Окуя кандайча болду эле?

— Эдилбек беш жыл Москвада иштеп, 2019-жылы күзүндө Сокулук районунун Биринчи май айылынан барак тибиндеги үй алып койгон. Кайра декабрдын башында үйдү өзүнө каттатуу үчүн Москвадан келип, ушул кырсыкка дуушар болуп жатат. Декабрдын төртүндө дос баласы каза болуп, анын тажиясына барышат. Келе жатып теңтушу менен көчөдө сүйлөшүп турган жеринен кырсыктаган. Машинанын айдоочусу жаш бала экен. Ал катуу айдап келе жатып, жол четинде турган инимди учура сүзүп, кайра үстүнөн тебелетип кеткен. Кырсык тууралуу угуп эле эртеси эртең менен ооруканага жетип бардык. Барсак айдоочунун туугандары туруптур. Алардан сурасак "иниңер өзү күнөөлүү экен, жолдун ортосуна чыга калыптыр" дегенде ишенип туруп калгам. Бирок кырсыктаган жердеги видеокамерадан кырсык кандайча болгонун көрдүк.

Вирус уулумдун мээсин жабыркатууда! 6 жашар Саидге жардам сураган ата-эне

— Алар жардам кылган жокпу?

— Биринчи операциясына кеткен 140 миң сомду толугу менен төлөп беришти. Андан кийин баланын туугандары "болду, колубуздан келгени ушул, мындан башка шартыбыз жок" деп айтышты. Сотко бергенбиз. Пандемиядан улам соттук отурумдун да мөөнөтү жылган.

Сестра  жителя Сокулукского района, 33 летнего Эдилбека Маймылова Чынара Кашбаева
© Фото / Чынара Кашбаева
Эдилбек Маймыловдун эжеси Чынара Кашбаева: машинанын айдоочусу жаш бала экен. Ал катуу айдап келе жатып, жол четинде турган инимди учура сүзүп, кайра үстүнөн тебелетип кеткен

— Азыр элден эмне жардам керек болуп жатат?

— Көп дарыгерлерге алып бардым. Эдилбекти жок дегенде майыптардын арабасына отургузуш үчүн да кошумча операция керек экенин айтып жатышат. Аны Россиянын Бурденко атындагы Улуттук медициналык изилдөө борборунан жасатууга сүйлөшкөнбүз. Операциянын акысы үч миң доллар (АКШ) турат. Андан кийин 21 күн реабилитациядан өтүшү керек, ага күнүнө 300 доллар (АКШ) сарпталарын билдик. Экинчи кайталанган операция абдан жакшы кароону талап кылат. Болбосо бел омурткаларына коюлган болттор жакпай же ириңдеп кетиши мүмкүндүгүн айтышууда. Инимдин калыбына келиши үчүн шарт түзүп берүү да керек. Ал үчүн көп функциялуу керебет, атайын отургуч ж.б. жабдыктарга муктажпыз.

— Балдарыңыз жаш, өзүңүз иштесеңиз, анан иниңизди сизден башка карай турган киши жок экен. Абдан чарчасаңыз керек?

— Мен азыр үй-бүлөм менен иним алган үйгө көчүп келип, аны карап жатам. Балдарым жаш. Күнүмдүк оокат үчүн күндүз дүкөндө иштечүмүн. Иниме окуучу кызым каралашчу. Анын да күчү жетпей калып, айла жок жумуштан чыктым. Эми тамак-ашка каяктан акча табарыбызды билбейм. Жолдошум да ар кайсы жумушта иштейт. Кээде иш чыкпай калат. Азыр жуунуучу жай салып үйдө болуп жатат. Ишенесизби, бир тыным албайм. Үй оокат, тамак-аш, бала-бакырамдан тышкары көп убактым иниме кетет. Азыр ичи катып кыйналып жатат. Шаарга чыгып, жардам бере турган уюмдарды издештирип көрсөмбү дедим эле. Бизге баш-аягы 15 миң доллар керек болчу, азыр беш миң доллар чогулттук. Ушул иним жок дегенде арабага отуруп калса болот эле. Өзү да кыйналып кетти.

Көзүм көрбөй каларын билгем. Ишкерликке кадам таштаган Матлюба менен маек

Житель Сокулукского района 33 летний Эдилбек Маймылов
© Фото / Эдилбек Маймылов
Чынара Кашбаева: бизге баш-аягы 15 миң доллар керек болчу, азыр беш миң доллар чогулттук. Ушул иним жок дегенде арабага отуруп калса болот эле. Өзү да кыйналып кетти

— Жалгыз бир тууганыңызбы?

— Ооба, экөөбүз энелеш бир тууганбыз. Мен бешикте кезимде эле атам да жол кырсыгынан кайтыш болуптур. Анан апам экинчи атама турмушка чыгат. Бул иним беш жашка чыкканда апабыз, 13 жашка келгенде атасы көз жумду. Жетимчиликте чоңойдук. Жаңыдан үй алып, быйыл үйлөнөм деп турганда кырсыктап калды.

Белгилер:
жардам, жол кырсык, машина
Тема боюнча
Беш жылдан бери контейнерде жашаган фельдшердин кыялы. Медик менен маек

Элмирбектин жаштыгы, тагдыры, өксүткөн өлүмү... Акындын сүрөттө калган элеси

(жаңыланган 13:31 20.04.2021)
  • Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары Ак таңдай сынагында тартылган.
  • 20 жыл мурунку сүрөт. Алп акындардын жаш кези.
  • Элмирбек Иманалиев устаты Тууганбай Абдиев жана башка теңтуштары менен
  • Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен
  • Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.
  • Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели
  • Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.
  • Эки таланттын күлгүндөй жаш кези. Сүрөттө алар группалаштары менен.
  • Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.
  • Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.
  • 2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.
  • Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.
  • Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген
  • Жубайлар үч уул, бир кыздуу болушкан
  • Элмирбек Иманалиев улуу жана кичүү муундагы шакирттери менен
  • Акын 2016-жылы маданиятка кошкон салымы үчүн КРдин эл артисти наамына ээ болгон
  • Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.
  • Иманалиев ооруканадан көз жумган, анын кант диабети менен жабыркап жүргөнү айтылган.
  • Акындын иш бөлмөсү бош калды... Сүрөттө комуздары, чапаны жана сыйлыктары.
  • Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.
  • Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.
Алп акын Элмирбек Иманалиев былтыр 20-апрель күнү дүйнө салган. Дал ушул күндөн тарта улуу таланттын экинчи өмүрү башталып, эл оозунан түшпөй келет.

Иманалиев ооруканадан көз жумган, анын кант диабети менен жабыркап жүргөнү айтылган.

Sputnik агенттиги өнөрпоздун жаштыгын, сүйүүсүн, үй-бүлөсүн, чыгармачылык жолун баяндаган сүрөттөрдү сунуштайт.

Акын 1978-жылы 17-январда Токтогул районунун Өзгөрүш айылында жарыкка келген. 15 жашынан төкмө акындардын республикалык, эл аралык конкурстарына, фестивалдарына катышып таанылган. Казак-кыргыз журтчулугуна төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон. 2016-жылы ага КРдин эл артисти наамы берилген.

  • Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары Ак таңдай сынагында тартылган.
    © Фото / предоставлено Айзуурой Иманалиевой

    Элмирбек Иманалиев 1993-жылдан тарта төкмө акындардын республикалык, эл аралык конкурстарына, фестивалдарына катыша баштаган. Сүрөт 1993-1994-жылдары "Ак таңдай" сынагында тартылган.

  • 20 жыл мурунку сүрөт. Алп акындардын жаш кези.
    © Фото / предоставлено Айзуурой Иманалиевой

    20 жыл мурунку сүрөт. Алп акындардын жаш кези.

  • Элмирбек Иманалиев устаты Тууганбай Абдиев жана башка теңтуштары менен
    © Фото / предоставлено Асылбеком Маратовым

    Элмирбек Иманалиев устаты Тууганбай Абдиев жана башка теңтуштары менен

  • Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен
    © Фото / предоставлено Азаматом Болгонбаевым

    Бул кадрда Элмирбек Иманалиев кинорежиссер, жазуучу жана коомдук ишмер Дооронбек Садырбаев жана азыркынын белгилүү төкмөсү Азамат Болгонбаев менен

  • Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.
    © Фото / предоставлено Айзуурой Иманалиевой

    Элмирбек Иманалиев ар тараптуу талант эле. Ал төкмө акын, жазма акын, обончу, ырчы, актёр, манасчы катары таанылып, жалпы элдин сүймөнчүлүгүнө ээ болгон.

  • Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели
    © Фото / предоставлено Айзуурой Иманалиевой

    Иманалиев айтылуу Токтогул акындын эң жакын үзөңгүлөш өнөгү Эшмамбет Байсейит уулунун жээн чөбөрөсү экендигин белгилей кетели

  • Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.
    © Фото / предоставлено Айзуурой Иманалиевой

    Акын Элмирбек Иманалив ырчы Гүлбү Ороскул кызы менен. Эки өнөрпозду чыгармачылык гана эмес, турмуштук жол дагы бириктирген.

  • Эки таланттын күлгүндөй жаш кези. Сүрөттө алар группалаштары менен.
    © Фото / предоставлено Айзуурой Иманалиевой

    Эки таланттын күлгүндөй жаш кези. Сүрөттө алар группалаштары менен.

  • Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.
    © Фото / предоставлено Айзуурой Иманалиевой

    Элмирбек акын Бүбүсара Бейшеналиева атындагы искусство институтун бүтүрсө, Ороскул кызы Муратаалы Күрөңкеев атындагы училищеден билим алган.

  • Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.
    © Фото / предоставлено Айзуурой Иманалиевой

    Өнөр адамдары Айзуура жана Сезим аттуу кыздуу болушкан. Жубайлар кийинчерээк эки ача жолго түшкөн.

  • 2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.
    © Фото / предоставлено Айзуурой Иманалиевой

    2016-жыл. Акындын тун кызы Айзуура Иманалиева турмушка узап жаткан кез. Сүрөттө кыздан тышкары Элмирбек Иманалиев, Гүлбү Ороскул кызы жана алардын күйөө баласы Мирзат Муканов.

  • Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.
    © Фото / предоставлено Нурзат Абдрашитовой

    Жубайы Нурзат медицина кызматкери. Өзү өнөрдөн алыс болсо да күйөөсүнүн айтыштарын калтырбай көрүп, күйөрмандык кыларын айтканы бар.

  • Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген
    © Фото / из семейного архива Иманалиевых

    Нурзат айым Элмирбек экөө башында байке-карындаш катары эле сүйлөшкөнүн, кийин билинбей жүрүп эле жакын болуп кеткенин баяндап берген

  • Жубайлар үч уул, бир кыздуу болушкан
    © Фото / предоставлено Нурзат Абдрашитовой

    Жубайлар үч уул, бир кыздуу болушкан

  • Элмирбек Иманалиев улуу жана кичүү муундагы шакирттери менен
    © Фото / предоставлено Нурланом Темирбек уулу

    Элмирбек Иманалиев улуу жана кичүү муундагы шакирттери менен

  • Акын 2016-жылы маданиятка кошкон салымы үчүн КРдин эл артисти наамына ээ болгон
    © Фото / из личного архива Элмирбека Иманалиева

    Акын 2016-жылы маданиятка кошкон салымы үчүн КРдин эл артисти наамына ээ болгон

  • Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.
    © Sputnik / Табылды Кадырбеков

    Ак таңдай акын 42 жашында каза тапты. Өзү өтсө дагы өнөрү түбөлүк экени шексиз. Туугандары анын атындагы коомдук фонд негиздеген.

  • Иманалиев ооруканадан көз жумган, анын кант диабети менен жабыркап жүргөнү айтылган.
    © Фото / из личного архива Элмирбека Иманалиева

    Иманалиев ооруканадан көз жумган, анын кант диабети менен жабыркап жүргөнү айтылган.

  • Акындын иш бөлмөсү бош калды... Сүрөттө комуздары, чапаны жана сыйлыктары.
    © Фото / Нурзат Абдырашитова

    Акындын иш бөлмөсү бош калды... Сүрөттө комуздары, чапаны жана сыйлыктары.

  • Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.
    © Sputnik / Табылды Кадырбеков

    Жубайы Нурзат Абдрашитова редакцияга берген маегинде жашоо жолдошу бардагыдай эместигин, сагынычы күч алганын айткан.

  • Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.
    © Фото / из семейного архива Назыма Зайырбек уулу

    Элмирбек Иманалиев жубайы Нурзат жана жакын досу, белгилүү акын Зайырбек Ажыматов менен. Тилекке каршы, Ажыматов Иманалиев көз жумгандан 9 күндөн кийин каза болгон.

Белгилер:
эскерүү, сүрөт, чыгармачылык, төкмө акын, Элмирбек Иманалиев, Кыргызстан
Тема боюнча
Элмирбек Иманалиевдин жубайы: жашоо атабыз бардагыдай эмес, сагыныч күч алды...
Колун кармап турган кыз. Архив

Канжалап талаада жатам... Милиция уурдалганын айтып тамашалаган кызды тапты

(жаңыланган 12:53 20.04.2021)
19-апрель күнү саат 02:45те милицияга билдирүү түшкөн. Анда Үч-Терек көчөсүнөн 20 жаштагы кызды белгисиз эркек күч менен Honda Accord автоунаасына салып, Кара-Балта тарапка алып кеткени айтылган.

БИШКЕК, 20-апр. — Sputnik. Бишкекте 20 жаштагы кыз уурдалганын айтып классташын тамашага салган. Кийин аны милиция аман-эсен, бирок кызуу болуп жүргөн жеринен тапты. Мындай билдирүүнү шаардагы Ленин райондук милициясынын маалымат кызматы таратты.

19-апрель күнү саат 02:45те милицияга билдирүү түшкөн. Анда Үч-Терек көчөсүнөн 20 жаштагы кызды белгисиз эркек күчтөп Honda Accord автоунаасына салып, Кара-Балта тарапка алып кеткени айтылган.

Милиция бул маалыматты кыздын классташы Э.К. аттуу жарандан алган. Анын айтымында, саат 22:40тан 00:30га чейин классташ кыздар-балдар Үч-Терек көчөсүндөгү балдар аянтчасында отуруп спирт ичимдиктерин ичишкен.

Андан соң кыз А. С. жана А. И. аттуу классташ кыздар менен таксиге отуруп кеткен. Маалыматка караганда, курбулары Ак-Өргө конушундагы үйүнө жеткенде түшүп калып, кыз андан ары Кара-Балтага кеткен.

"Арадан 40-50 мүнөт өткөн соң кыз Э.К. аттуу классташына телефон чалып, канжалап талаада жатканын айткан. Андан соң байланышка чыкпай койгон", — деп айтылат милициянын билдирүүсүндө.

Аталган факт КР Жазык кодексинин 170-беренесине ("Адам уурдоо") ылайык Кылмыш жана жоруктардын бирдиктүү реестрине катталган.

"Кийин кыз Бишкек шаарында Т.Э. аттуу 25 жаштагы досу менен жүргөн жеринен табылды. Сотко чейинки алдын ала өндүрүш учурунда кыз мас абалында мени уурдап кетишти деп калп айтканы аныкталды", — деп айтылат билдирүүдө.

Соттук өндүрүш уланууда.

Белгилер:
ичимдик, кыз, милиция, Бишкек
Тема боюнча
Ысык-Атада уурдалды деп милицияны түп көтөрткөн бала досунун үйүнөн табылды
Бразилиялык атлет кыз Жессика Андраде

Жессика Андраде атаандашы Валентина Шевченконун алсыз жактарын атады

(жаңыланган 13:22 20.04.2021)
Шевченко бразилиялык спортчу менен UFC 261 мелдешинде кез келет. Кыргызстандык мушкер кыз бешинчи ирет UFC уюмунун жеңил салмактагы чемпиондук наамын коргоо үчүн кармашат.

БИШКЕК, 20-апр. — Sputnik. Бразилиялык атлет кыз Жессика Андраде атаандашы Валентина Шевченкону грэпплинг (күрөш) жагынан алсыз деп атады. Бул тууралуу ал Globo Esporte телеканалына берген маегинде айтты.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилль шаарында өтүүчү UFC 261 турниринде беттешет.

"Шевченко грэпплинг жагынан алсыз деп ойлойм. Мен атаандашымды тордо кармаганда өзүмдүн канчалык күчтүү экенимди жана өз мүмкүнчүлүгүмө канчалык ишенимдүү экенимди дайыма айтып келем", — деген ал.

Эң жеңил салмактын экс-чемпиону беттеш учурунда Шевченконун "алсыз жагын пайдалана турганын" белгилеген.

"Мен атаандашымды бир канча ыкма менен жерге жыга алам. Жыгып алсам, анда ал тура албайт", — деп белгилеген Андраде.

Анын айтымында, Шевченконун ыкчам соккулары, өзгөчө бутка тепкени кооптуу болуп саналат.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Белгилер:
маек, беттешүү, Жессика Андраде, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири