Бишкектеги коомдук транспорт. Архив

Бишкекте коомдук транспорттун иштөө тартиби өзгөрдү. График

1827
(жаңыланган 13:07 20.08.2020)
Бүгүндөн тарта троллейбус, автобус, маршруткалар күн сайын каттап, үч саат гана санитардык тыныгууга чыгат.

БИШКЕК, 20-авг. — Sputnik. Өзгөчө кырдаал шартында экономикалык туруктуулукту камсыздоо үчүн коомдук транспорттун иш тартиби өзгөрдү. Бул туурасында Бишкек шаардык мэриясынын маалымат кызматы кабарлады.

Ага ылайык бүгүн, 20-августтан тарта, троллейбус, автобус, маршруткалар күн сайын каттап, үч саат гана санитардык тыныгууга чыгат. Тагыраак айтканда, дем алыш, майрам күндөрү дагы эл ташып, эртең менен саат 7.00дөн 11.00гө чейин, түштөн кийин 14.00дөн кечки 23.00гө чейин иштемекчи. Ошондо саат 11.00дөн 14.00гө чейин тыныгуу берилет.

Күркүрөгөн күздө той-топур күч алат. Боронов элге эскертүү берди

Муну менен бирге мэрия борбор калаада эпидемиологиялык кырдаал бир аз турукташканын, бирок бет кап тагынып, антисептик колдонуп жана социалдык аралыкты сактап санитардык нормаларды так аткаруу зарыл экенин эскертти.

1827
Белгилер:
график, иштөө, коомдук транспорт, автобус, маршрутка, санитардык талаптар
Тема:
Коронавируска байланыштуу Кыргызстандагы кырдаал (2429)
Тема боюнча
Бишкек мэриясы электробустарды жүргүзүү үчүн каражат тапты
Баткен облусунда коомдук транспорт жүрө баштады
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

5
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

5
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат
Айыл чарба, тамак-аш өнөр жайы жана мелиорация министри Тилек Токтогазиев. Архив

Депутат министр Токтогазиевдин бет капчан мал базар кыдырганын сынга алды

14
(жаңыланган 13:50 03.12.2020)
Парламенттин жыйынында тирүү малдын сатылышына коюлган чектөөгө бир нече депутат каршылыгын билдирди.

БИШКЕК, 3-дек. — Sputnik. Жогорку Кеңештин депутаты Бейшеналы Нурдинов айыл чарба, тамак-аш өнөр жайы жана мелиорация министри Тилек Токтогазиевдин ишин сынга алды.

Ал тирүү малды үчүнчү өлкөгө чыгарууга тыюу салынышына каршы экенин билдирип, министрге суроо узатты. Төмөндө экөөнүн диалогу сунушталат.

— Мал базарга бет кап тагынып жашынып бардым деп айтыпсыз, ошол туурабы?

— Баасын билиш керек да...

— Андай туура эмес. Андан көрө "мен баратам" деп айтып коюп, чыкыйып костюм-шым кийип алып, эл менен жолугуп кел. Ат-Башыга барып келчи, эмне деген сөз угат экенсиң.

— Жок, андан кийин бет капты чечип барып дагы эл менен сүйлөштүм.

— Чечпей эле бар түз эле.

Токтогазиев жылмайып гана тим болду.

Ал эми Нурдинов эгер депутаттардын укугуна кирсе, ушул тыюу салган мыйзамды добуш берүү менен жокко чыгарып салууну сунуштады.

Вице-спикер Мирлан Бакиров ал мыйзам эмес токтом экенин айтып, бул боюнча өкмөткө сунуш берсе болорун түшүндүрдү.

Жыйында тирүү малдын сатылышына коюлган чектөөгө башка дагы бир нече депутат каршылыгын билдирди.

Токтогазиев аларга жооп берип жатып этти экспорттосо болорун белгилеп, азыр аны сөгүп жаткандар бир жылдан кийин рахмат айтып келерин билдирди.

14
Белгилер:
мал, чектөө, Тилек Токтогазиев
Тема боюнча
Мал арзандады. Өлкөнүн ири базарларындагы баага саресеп