Министрлик өлкөдөгү канча мектеп жаңы окуу жылына даяр экенин айтты

© Sputnik / Александр Кряжев / Медиабанкка өтүүОкуучулар сабак учурунда. Архив
Окуучулар сабак учурунда. Архив - Sputnik Кыргызстан
Жазылуу
Учурда эки миңден ашык мектеп план боюнча оңдоодон өтүп, окуу жылына даяр болсо, дагы 11 билим берүү объектисин пайдаланууга берүү каралып жатат.

БИШКЕК, 20-авг. — Sputnik. Кыргызстандагы 2 292 мектеп жаңы окуу жылына даяр экендигин Билим берүү жана илим министрлигинин маалымат кызматы кабарлады.

Ага ылайык, жай мезгилинде республикалык бюджеттин эсебинен бардык мектептер план боюнча оңдолгон.

"Эпидемиологиялык кырдаалды эске алуу менен жаңы окуу жылынын башталышында билим берүү уюмдарынын имараттарында санитардык тазалоо иштери жүргүзүлөт", — деп айтылат маалыматта.

Мындан сырткары Архитектура, курулуш жана турак жай-коммуналдык чарба мамлекеттик агенттиги сентябрь айына 11 билим берүү объектисин пайдаланууга берүүнү пландап жатканы кошумчаланды.

Министрлик студенттерди онлайн окутуу кандай форматта жүрөрүн түшүндүрдү

Белгилей кетсек, 1-сентябрда биринчи класстар гана мектепке барат. Калган окуучуларды биринчи чейректе аралыктан окутуу чечими кабыл алынды. Эгер эпидемиологиялык кырдаал жакшырып калса, экинчи чейректе мектептердин эшиги ачылып калышы ыктымал.

Жаңылыктар түрмөгү
0