Россиянын Коргоо министрлигинин медицина кызматкерлеринин тобу Кыргызстанда COVID-19 менен күрөшүүдө комплекстүү жардам көрсөтүү миссиясын аякта

Россиянын аскер медиктери Кыргызстандагы ишин аяктады. Узатуунун сүрөттөрү

165
(жаңыланган 23:19 21.08.2020)
Полковник Кирешеевдин айтымында, россиялык дарыгерлердин келиши Кыргызстан менен Россиянын ортосундагы достук мамиленин, ишеним жана стратегиялык өнөктөштүктүн жогорку деңгээлде экендигинен кабар берет.

БИШКЕК, 21-авг. — Sputnik. Россиянын Коргоо министрлигинин медицина кызматкерлеринин тобу Кыргызстанда COVID-19 менен күрөшүүдө комплекстүү жардам көрсөтүү миссиясын аяктагандыгын КРдин Куралдуу Күчтөрүнүн Генералдык штабы билдирди.

  • На территории российской авиабазы в Канте состоялись проводы российских военных врачей.
    Россиянын Коргоо министрлигинин медицина кызматкерлеринин тобу Кыргызстанда COVID-19 менен күрөшүүдө комплекстүү жардам көрсөтүү миссиясын аяктагады
    © Фото / пресс-служба Генштаба ВС КР
  • На территории российской авиабазы в Канте состоялись проводы российских военных врачей.
    Дарыгерлер Канттагы авиабазадан узашты.
    © Фото / пресс-служба Генштаба ВС КР
  • На территории российской авиабазы в Канте состоялись проводы российских военных врачей.
    Бишкектеги жана Оштогу аскердик госпиталда бир ай бою пульмонолог, анестезиолог жана терапевттерден турган 19 медицина кызматкери 400дөн ашык бейтапка медициналык жардам көрсөтүшкөн.
    © Фото / пресс-служба Генштаба ВС КР
1 / 3
© Фото / пресс-служба Генштаба ВС КР
Россиянын Коргоо министрлигинин медицина кызматкерлеринин тобу Кыргызстанда COVID-19 менен күрөшүүдө комплекстүү жардам көрсөтүү миссиясын аяктагады

Дарыгерлер Канттагы авиабазадан узашты.

Россиялык дарыгерлердин миссиясы аяктап, мекенине кайтып кетишти. Сүрөттөр

Бишкектеги жана Оштогу аскердик госпиталда бир ай бою пульмонолог, анестезиолог жана терапевттерден турган 19 медицина кызматкери 400дөн ашык бейтапка медициналык жардам көрсөтүшкөн.

Кыргызстандык кесиптештери менен катар россиялыктар да госпиталдын эң оор жандандыруу бөлүмүндө, интенсивдүү палатада жана терапияда ооруларды карап, нөөмөттө турушту. 

На территории российской авиабазы в Канте состоялись проводы российских военных врачей.
© Фото / пресс-служба Генштаба ВС КР
Кыргызстандык кесиптештери менен катар россиялыктар да госпиталдын эң оор жандандыруу бөлүмүндө, интенсивдүү палатада жана терапияда ооруларды карап, нөөмөттө турушту. 

Муну менен катар эпидемияга каршы санитардык иштерди уюштурууда жана бейтаптарды көзөмөлдөө тактикасында тажрыйбалары менен бөлүшүп, методикалык сабактарды өтүшкөн.

Медиктерди узатууда КРдин Куралдуу Күчтөрүнүн полковниги, Генштабдын башчысы Нурлан Кирешеев белгилегендей, жарым жылдан бери дүйнө жүзүндөгү бардык медиктер жаңы вирус менен күрөшүүдө өз жанын аябай эрдик көрсөтүүдө.

COVID: россиялык вакцинанын нускамасы жарыяланды

"Ушундай оор мезгилде Россиянын Коргоо министрлиги Кыргызстанга аскер медиктеринин бригадасын жабдуусу менен жөнөтүп бизге колдоо көрсөттү. Бул Кыргызстан менен Россиянын ортосундагы достук мамиленин, ишеним жана стратегиялык өнөктөштүктүн жогорку деңгээлде экендигинен кабар берет",— деди Кирешеев.

Гуманитардык миссияны татыктуу аткаргандыгы үчүн россиялык дарыгерлер Кыргызстандын Куралдуу Күчтөрүнүн медаль жана грамоталары менен сыйланды.

165
Белгилер:
миссия, Куралдуу күчтөр, медик, Россия
Тема:
Коронавируска байланыштуу Кыргызстандагы кырдаал (2223)
Тема боюнча
Кыргызстандагы апаат россиялык врачтардын көзү менен. Беш баян
Кыйын күндө калтырбас... Пандемия менен сыналган кыргыз-орус алакасы
Шайлоо участкасында добуш берип аткан бишкектиктер. Архивдик сүрөт

БШК: көпчүлүк “баарына каршы” добуш берсе да ушул партиялар кайра шайлоого катышат

6
(жаңыланган 11:27 20.09.2020)
Соңку убакта социалдык тармактарда азыркы партиялардын парламентке келишине бөгөт коюу максатында баарына каршы добуш берүүнү активдүү үгүттөгөндөр болууда.

БИШКЕК, 20-сен. — Sputnik. Эгер парламенттик шайлоодо “баарына каршы” графасына добуш бергендер көп болуп чыга турган болсо кайрадан ушул эле партиялар, азыркы тизмедеги талапкерлери менен шайлоого катышат алат. Бул туурасында Sputnik Кыргызстан агенттигине Борбордук шайлоо комиссиясынын мүчөсү Кайрат Осмоналиев билдирди.

Белгилей кетсек, мыйзам боюнча бир дагы партия жети пайыздык босогодон жогорку добуш ала албаса жана “баарына каршы” графасы биринчи сапка чыкса, кайрадан шайлоо өткөрүлөт.

Шайлоочу кимге добуш бергенин партиялар текшере алабы? БШКнын жообу

Соңку убакта социалдык тармактарда баарына каршы добуш берүүнө активдүү үгүттөгөндөр болууда. Алар эгер “баарына каршы” графасы биринчи орунга чыкса кайра шайлоо өтүп, азыркы партиялар ага катыша албай турганын айтып келишкен.

“Азыркы жана башка партиялар кайрадан катышууга укуктуу болот. Ошондой эле талапкерлердин тизмесин да өзгөртө алышат. Кайра шайлоо өткөрүү дайындалганда катышууну каалаган бардык партиялар арыз жазып, кайра башынан БШКдан каттоодон өтөт”, — деди Осмоналиев.

Ошондой эле ал “Президентти жана Жогорку Кеңештин депутаттарын шайлоо жөнүндө” Конституциялык мыйзамдын 38-беренесинде партияларга тиешелүү эреже жазылганын белгиледи.
Ага ылайык, кайра шайлоо өткөрүлгөн учурда, иш аракеттери шайлоону жараксыз деп таануу үчүн негиз болгон талапкерлер кайрадан шайлануучу укугуна ээ боло албайт.

Шайлоодо ат салышчу партиялардын талапкерлери. Толук тизме

Эгерде мамлекеттик бийлик, жергиликтүү өз алдынча башкаруу органдарынын, шайлоо комиссиясынын кызматкерлеринин чечимдери шайлоонун жыйынтыгын жараксыз деп тааныса, биринчи турдагы шайлоого катышкан партиялардын баары жана башкалары катыша алат.

Учурда Жогорку Кеңештин депутаты мандатын алууга 16 партия ат салышууда. Шайлоо 4-октябрга дайындалган.

6
Тема:
Шайлоо-2020
Тема боюнча
Админресурс колдонгондор кандай жазаланат? Мамкызматкерлер үчүн маалымдама
Иран генерал Сулейманинин портрети. Архивдик сүрөт

Иран генерал Сулейманинин өлүмү үчүн Америкадан дагы өч аларын билдирди

23
(жаңыланган 11:01 20.09.2020)
Жакынкы Чыгыштагы кырдаал декабрдын соңунда АКШнын армиясы Сириядагы жана Ирактагы шииттердин уюмуна сокку ургандан тарта курчуган.

БИШКЕК, 20-сен. — Sputnik. Ирактагы Американын аскер базаларына сокку уруу менен ирандык генерал Касем Сулейманинин өлүмү үчүн өч алып бүткөн жок. Бул тууралуу Ислам революциясын коргоочулар корпусунун (ИРКК) командири Хосейн Салами билдиргенин РИА Новости жазды.

"Америкалыктар биз менен салгылашкысы келсе региондун сыртында эмес, ичинде болушу керек. Алар тыштан туруп согуш жүргүзө алышпайт. Биз алардын оюн ишке ашырбай, бардык аскер базаларын тартып алып, аймакты тазалап коюуга кудуретибиз жетет", — деген Салами.

Ал белгилегендей, Ирактагы Американын базаларына сокку урууда, анын ичинде Айн-аль-Асаддагы операциясы менен эле генерал Касем Сулейманинин өлүмү үчүн өч алуу токтоп калган жок. Бул окуя болгону психологиялык тең салмактуулукту калыбына келтиргени белгленди. ИРКК командиринин айтымында, америкалыктар аскер башчысынын өлүмү үчүн жооп бериши керек, бирок бул аракет али ишке аша  элек.

Иранга каршы санкциялар: АКШнын опузасы суу кечпей калдыбы?

Салами кошумчалагандай, Сулеймани үчүн жалпы америкалыктардан эмес, аны өлтүрүүгө катышкандардан гана өч алууну ойлоп жатышат. Себеби азыркыга чейин АКШнын бул ишке кириптер аскерлери жок кылынган эмес.

Буга чейин Иран бийлиги аталган операцияга катышкан делген 30 кишини, анын ичинде АКШ менен башка чет мамлекеттердин саясий жана аскерий ишмерлерин, ошондой эле Америка президенти Дональд Трампты тизмектеген.

Ал эми Трамп Тегерандын болжолдуу чабуулуна комментарий берип жатып, АКШнын буга жообу "миң эсе масштабдуу" билдирген.

Жакынкы Чыгыштагы чыңалган кырдаал

Жакынкы Чыгыштагы кырдаал декабрдын соңунда АКШнын армиясы Сириядагы жана Ирактагы шииттердин уюмуна сокку ургандан тарта курчуган.

Мындан кийин "Хезболла" уюмунун тарапкерлери Багдаддагы америкалык дипломатиялык миссияны камалап, андан соң Вашингтондун атайын операциясында ирандык генерал Касем Сулеймани каза тапты. Мындан кийин Иран генерал үчүн өч алууну убадалап, АКШга сокку уруунун 13 сценарийи бар экенин айткан. Ал эми Трамп америкалыктар чабуулга өтө турган болсо, Ирандын 52 объектисине сокку урарын билдирген.

Сулейманинин өлүмүнөн кийин миңдеген ирандыктар митингге чыккан

8-январга караган түнү Иран АКШнын Ирактагы аскерий аба базаларына чабуул жасаган. Тегеран муну генерал Сулаймани үчүн өч алуу деп баалаган.

Трамп сокку урулган база боюнча билдирүү жасап, Иранга каршы курал колдонбой турганын билдирген. Бирок санкциянын жаңы түрлөрүн ойлонуп жатканын айткан.

23
Белгилер:
Чабуул, өч алуу, өлүм, Касем Сулеймани, Дональд Трамп, Америка, Иран
Тема боюнча
Котормочу болуп иштеген. Иранда ЦРУнун тыңчысы өлүм жазасына тартылды
Ирак АКШ аскерлерин аймактан чыгарууну талап кылууда. Пентагон ага каршы
Ирак Сулейманинин өлүмүнөн кийин америкалык аскерлер боюнча чечим кабыл алды