Жубайынын колун кармаган киши. Архивдик сүрөт

Аялым тирүү туруп башкасын издей баштадым. Жубайы ракка чалдыккан эркектин каты

11627
(жаңыланган 17:17 24.08.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет жубайынын айыккыс дартка чалдыкканын уккандан кийин келечегин ойлоп бушайман болгон эркектин каты жарыяланды.

Бул кат менен психологго даттангым келдиби же өзүмдү уяткарууну кааладымбы, айтор белгисиз. Иши кылып азыр өзүмдү жаман көрүп жаткан кезим. Эки жыл мурда аялым эмчек рагына кабылганын билдик. Баары капысынан болду. Келинчегим болгону 37 жашта, мурун-кийин оорудум деп айтчу эмес. Бир жолу төшүм сайгылашканын токтотподу деп дарыгерге кеткен. Бардыгы ошол жерден билинди. Башында медиктер жаңы башталып келе жатат деп бир топ дарылашты, кылбаган нерсебиз калган жок. Көрсө шишиктин агрессивдүү түрү экен. 2-3 ай мурда дарыгер чакырып алып, “Алыбыз жетпей калды. Акырындан организмге жардам берип туралы, силер оюндагысын кылгыла”, — деди.

Үй-бүлөдөн да, там-таштан да жок сызга отуруп калдым. Мигрант күйөөнүн көйгөйү

Ошондон бери менде бир акмакчылык башталды. Бул нерсени башкача кантип аташты билбейм. Сүйүктүү жарым, балдарымдын энеси көзү тирүү турса дагы акырындык менен башка аял издей баштадым. Бир учурда “ушунчалык дагы ит болосуңбу, аялың өлгөндөн кийин деле жетишесиң!” деп өзүмдү тилдеп коем. Бирок өзүм башкара албаган бир сезимдер жаңы түгөй издегенин койбойт. Жумуш аркылуу кыз-келиндер менен сүйлөшүп калсам деле жолдошу бар болду бекен, байкап көрсөмбү деген ой кете берет. Эки уул, бир кызыбыз бар, аларды дагы кор кылбаса экен деп көп ойлоном. Өзүмдүн апам мен 8-класста окуп жүргөндө көзү өткөн. Атам бат эле башка аялга үйлөндү. Өгөй энем анча деле кордук көрсөтүп, жүрөгүмө тийген жок. Бирок бөтөн экени дайыма билинип турду. Эч качан бооруна тартып, оозунан уулум деген сөз чыккан жок. Кыскасы, сен мага тийишпе, мен сага тийишпейм деген таризде жашадык. Азыр атамдыкына көп деле баргым келбейт.

Ошол үчүн кийин балдарыма эне болуп кете турган аял табылса деп тилеп жатам. Баса, аялымдын аталаш сиңдиси бар. Турмушка чыгып, көп жашабай эле ажырашып кеткен. Азыр жалгыз бой. Эжеси ооругандан бери кез-кезде келип жардам берет. Балдарга дагы жакын, эжелеп жакшы көрүшөт. Балдарды ойлогондо ошол балдызым жакшы жар болор беле деген ой кетет. Бирок өткөндө эжеси экөө сүйлөшүп жатканын кулагым чалып калды, жумушунда бир жигит сөз айтып жүрүптүр. Кадимкидей жиним келип, кызгана баштасам болобу? Мына ушундай учурларда өзүмдү аябай жаман көрүп кетем.

Коронавирустан корккон кайненем төрөбө деп айламды кетирип жатат. Келиндин каты

Бул жөнүндө психолог эмне дээрин уккум келет. Түшүнөм, аялым тирүү турганда минткеним туура эмес. Балким, ал байкап калса, өзү араң турган жаны менден көңүлү калып калар. Ооруга моюн сунуп, жаны кыйналып турган байкушум байкап калбаса экен деп корко берем. Өзүмдү жубайымдын көзүнө чөп салып жаткандай сезем. Канткенде жаман ойлордон арылып, өмүрүнүн акыркы учурларында аялыма татыктуу жар боло алам?

Психолог Перизат Калмаматова:

— Урматтуу автор, жашооңуздун абдан татаал учурларын баштан кечирип жаткан экенсиз. Өмүрлүк жардан айрыларын билүү адам үчүн чоң сокку. Анын үстүнө жубайыңыз өтө жаш жана ортодогу балдар кичинекей экен. Бул нерсе үй-бүлөнүн кайгысын эки эселентип жатат. Мындай учурда бейтаптын жакындары психологиялык жактан ар кандай түйшүк тартышат. Мен практикамда түгөйүнүн айыккыс дартка чалдыкканын укканда аны таштап кеткендерди же тагдырдын сыноосуна сынып ичип кеткендерди көргөм. Айтайын дегеним, оору бир гана ооруп жаткан адамга эмес, анын жакындарына дагы чоң сыноо, азап...

Ал эми башка аял издеп жатам дегениңизди мен бала кезден жүрөктө калган өксүк менен байланыштырып жатам. Энеден эрте калып, өгөй энеден мээрим көрбөгөнүңүздү айтып жатасыз. Өзүңүз билип-билбей балдарым дагы менин тагдырымды кайталабасын деп санаа тартып турасыз. Сиздин абалыңыздагы адамдын андан аркы турмушун ойлоп, бушайман болушу мыйзам ченемдүү көрүнүш. Болгону сиз ошол нерсени ойлонуп жатканыңыз үчүн өзүңүздү жемелеп, көңүл чордонуна коюп алгансыз. Ошол үчүн ойго кылт эткен нерсенин баары тоодой болуп көрүнүп жатат.

Жашоону эмнеден баштоону билбей турам. Күйөөсү башкага кетип калган келиндин каты

Андан көрө колдон келишинче үйдө жылуу атмосфера түзүп, балдар менен апасы жагымдуу убакыт өткөрүшүн шарттап бериңиз. Бул нерсе сизди дагы түйшүктөн алаксытып, айрым учурлар өмүр бою балдардын эсинде калат. Болбой эле өзүңүздү начар сезсеңиз, психологго барып көрүшүңүз керек.

11627
Белгилер:
мамиле, күйөө, аял, илдет, психология, үй-бүлө
Тема:
Психолог менен баарлашуу (122)
Тема боюнча
Жаңы келген кыздан кыя өтпөйт. Күйөөсү менен чогуу иштеген аялдын даты
Уул-келинимди ажыраштырсамбы? Кек сактаган кайнененин каты
Эмнеге жубайлар тез ажырашып кетишет. Психологдун жообу
Ресторан. Архив

Пандемиянын мейманкана, ресторан ишине тийгизген кесепети. Сандар

3
(жаңыланган 20:26 29.09.2020)
Министрлик жалпы кызмат көрсөтүүнүн ичинен ишмердүүлүгү төмөндөп кеткен тармактарды атап, сандарды келтирди. Анткен менен августтун жыйынтыгы башкача болду.

БИШКЕК, 29-сен. — Sputnik. Жыл башынан бери мейманканалар менен ресторандардын ишмердүүлүгү 45,4 пайызга төмөндөдү. Бул туурасында Экономика министрлигинин маалыматында айтылат.

"Пандемия мезгилинде тейлөө тармагы абдан көп жабыр тартты. 2020-жылдын январь-август айларында тейлөө тармагынын дүң чыгарылышы 254,7 млрд. сом көлөмүндө болгон, ошол эле учурда өсүүнүн реалдуу темпи 90,2 пайызды түзгөн"
— деп билдиришти аталган министрликтен.

Министрлик аны менен кошо эле жалпы кызмат көрсөтүүнүн ичинен ишмердүүлүгү төмөндөп кеткен башка тармактарды да келтирген.

Былтыркы ушул жылга салыштырмалуу автоунааларды жана мотоциклдерди оңдоонун азайышы негизинен дүң көлөмдүн (19,4 пайызга), чекене сооданын (16,2 пайызга) төмөндөшү менен шартталган. Анткен менен өткөн айларга салыштырганда августта дүң – чекене соода секторунда 0,3 пайызга өсүш байкалган.

Кыргызстанда жыл сайын жүздөгөн ресторан, тойканалар ачылат

Отчеттук мезгил аралыгында транспорттук кызмат көрсөтүүлөр 19 млрд. сомду түзүп, өсүүнүн реалдуу темпи 39,1 пайызга ылдыйлаган. Транспорттук кызмат көрсөтүүлөрдүн төмөндөшү авиа каттамдар менен автоунаа менен ташуулардын өлкө ичинде да, башка өлкөлөргө да ташуулардын төмөндөшү менен шартталган. Жалпысынан алганда I кварталдын аягынан тарта ай сайын өтө төмөндөөлөр болуп, кээде айына 6 пайызга түшкөн мезгилдер болгон. Августтун жыйынтыгы менен ушул сектордун көрсөткүчтөрү ушул жылдын июль айынын деңгээлинде калууда.

"Демек, бул аталган сектордо төмөндөө азайып, калыбына келүү фазасына өтүп жаткандыгын көрсөтүп турат", - деп айтылган маалыматта.

Кыргыз өкмөтү COVID кесепетинен канча карыз алып, кайда жумшап жаткандыгын экономикалык бяндамадан окуй аласыз.

3
Белгилер:
экономика, кызмат көрсөтүү, коронавирус, Кыргызстан
Тема боюнча
Кафе-ресторандарда 100 кишиге чейин отурууга уруксат берилиши мүмкүн
Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак

Мэрия: Маданият министрлигине кайра айып салынды

32
(жаңыланган 18:39 29.09.2020)
Жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн.

БИШКЕК, 29-сен. — Sputnik. Маданият, маалымат жана туризм министрлигине Эреже бузуулар жөнүндөгү кодекстин 293-беренеси ("Ыйгарым укуктуу органдын чечимдерин, аныктамаларын, тескемелерин же талаптарын аткаруу тартибин бузуу") боюнча протокол түзүлдү. Бул тууралуу Бишкек мэриясынан билдиришти.

Дайверлер Ысык-Көлдүн түбүнөн бир тоннадан ашык таштанды алып чыгышты. Сүрөт

Мусор в парке имени Кычана Джакыпова на пересечении улиц Ю. Абдрахманова и Мичурина в Бишкеке
© пресс-служба мэрии города Бишкек
Жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн.

Айып Санитардык-экологиялык инспекциясы тарабынан салынган. Маалыматка караганда, көпчүлүк жарандардан Абдрахманов жана Мичурин көчөлөрүнүн кесилишиндеги Кычан Жакыпов атындагы сейил бак кароосуз калып, таштанды көбөйгөнү боюнча арыздар келип түшкөн. 

Мусор в парке имени Кычана Джакыпова на пересечении улиц Ю. Абдрахманова и Мичурина в Бишкеке
© пресс-служба мэрии города Бишкек
Айып Санитардык-экологиялык инспекциясы тарабынан салынган.
"Санитардык инспекциянын өкүлдөрү жерине барып парктын аймагы чын эле каралбай калганына күбө болушкан. Буга байланыштуу министрликке карата эскертүү берилген. Бирок коомдук жай дагы деле иретке келтирилген жок. Ошондуктан 293-берене боюнча протокол түзүлдү", — деп айтылат маалыматта.

Мэрия элди таштанды ыргытпоого чакырып, ишканасынын, үйүнүн айланасын таза кармоону суранды.

32
Белгилер:
Маданият министрлиги, тазалык, Бишкек мэриясы
Тема боюнча
Бишкекте жаңы конуштун тургундары мектептин жанына таштанды үйүп салышкан